خبايا الزمن

الجزء 5

🥀خبايا الزمن 🥀
#بارت-41...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً

رؤيا بالغوات: و الله لابقات فيها!!! انا غنوري قح**بة مها مزياااااان اااااااااه علااااش حبستيني؟؟؟ علااااش

الهام غير تتشوف و تخلعات حيت عارفة رؤيا كيدايرة ملي تتعصب متتسوق لا لحراس لا والو.. رؤيا ضربات بالجهد الكرسي حتى طاح.. بقات تتمشي و تجي و تتسب غير من السمطة لتحت الهام مقدراتش تخرج ولا تحرك بقات غير واقفة و خايفة من رؤيا لي الكل عارفها ملي تتكون هاكا شنو تدير ولا علاياش قادرة.. كانت منوضة فيهم الرعب و صحاب لهم بلي الانفرادية هداتها و رجعات بلا صحة.. لكن العكس هو لي وقع.. الكل تيدوز و تيسمعوها كيفاش تتسب عرفوها غتنوض ديال بصح بالنسبة لي تيعرفوها اما البنات الجدادات مفاهمين والو.. دازت واحد الحارسة من حدا الزنزانة ديال رؤيا و شافتها شاعلة و تتسب من السمطة لتحت..

الحارسة: ايييه!! رؤياا!! جمعي راسك!!
رؤيا بغضب: غتق**ودي عليا ولا غندير فيك شرع يدي!!
الحارسة غير تتخنزر: جمعي راسك و عرفي معامن تتهضري!!
الهام: رؤيا عافاك ديري عقلك!!
رؤيا بغضب: ق و د ي!!

رؤيا نطقاتها حرف بحرف..

الحارسة بحدة: راه غندير شي حاجة مغاديش تعجبك!!
رؤيا: اشنو غديري گاع؟ اشنو فجهدك مديري؟؟ اتمشي تشكيني عند هاداك زاام*ل؟ و شنو غيدير؟ ها!؟ غيحطني فالانفرادية!! يديرها راه بقيت فيها خمس سنين و خرجت!! و نبقى فيها عشرين عام گاع و غنعاود نخرج!!! و ديك الساعة نحر الزا**مل بوك..

الحارسة مشات و خلاتها عرفات بلي غير غادي ضيع معاها الحجرة..

رؤيا: مكلخة!! و لكن غير بلاتي!!!(دارت عند الهام بأمر) جمعي لبنات!!
الهام: اينا بنات؟؟
رؤيا بحدة: الهاااام!! متجعرينيش..
الهام: صافي واخا غير متعصبيش..

داكشي لي دارت خرجات من تماك و خلاتها قادات الكرسي و جلسات عليه و رجليها تيترعدو بالاعصاب..

دازت مدة
الكل كان فوسط الباحة لي داخل السجن لي گاع الزنزانات تتطل عليها تيتسناو فرؤيا.. الحراس غير تيشوفو عارفين رؤيا و بلي اي حاجة يديروها بحالا تيكبو الما فالرملة.. حاولو يفرقوهم لكن والو السمعة ديال رؤيا انتاشرات خصوصا ملي شافوها شنو دارت لنزهة لي دايرة فيهم الرعب.. رؤيا خرجات من الزنزانة ديالها جارة معاها الكرسي و غير تتخنزر حتى وصلات للوسط و حطاتو طلعات فوق منو.. غير شافوها الكل بدا تيهضر و تيوشوش.. حتى صفرات رؤيا

رؤيا بالغوات: وا خليوني نهضر أ القلا**وي..

الكل سكت و الحراس غير تيشوفو عاجزين يدخلو..