خبايا الزمن

الجزء 350

خبايا الزمن 🥀
#بارت-350...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

سلمو على بعض و خرجات من عندنا تاجهات لطونوبيلتو و ركبات.. سلمات عليه..

محسن: صافا؟
اية: وي!
محسن مبتاسم: راشقة ليك ليوم!
اية: مالك حسدتيني؟
محسن: لا محسدتكش بغيت غير قبلة 💋
اية بغنج: اووف! صافي ديماري طونوبيل دابا تخرج ماماها و نتحشم معاها..
محسن قرب ليها: علاش غادي تحاشمي معاها!
اية توترات و فنفس الوقت عاجبها الحال: حيت تتعرف خويا و منقدرش نقول ليها بلي نت هو طارق..
محسن: بوسيني!!
اية بتاسمات: و صافي!!
محسن: بوسيني باش نتحرك.. يلاه!!
اية طبعات قبلة حدا فمو و توردو حناكها بالحشمة..

اية: يلاه تحرك..

ديمارا طونوبيل فرحان و دار تيشوف فيها باقة مزنگة..

محسن: لهاد الدرجة؟
اية شافت فيه: شنو؟
محسن: لهاد الدرجة تنأثر فيك؟
اية: شوية!
محسن: و علاش لي متقوليش ليها هادا حبيبي لي تنبغيه..
اية بدون شعور: على انا تنبغيك؟
محسن حبس طونوبيل و شاف فيها: جاوبيني! تتبغيني؟
اية صدمها بسؤالو: معرفتش! و نت؟
محسن باستهزاء: معارفاش!! مورا گاع هادشي لي دوزنا معارفاش واش تتبغيني ولا لا؟
اية شدات ليه فيديه و تتشوف فيه بترجي: جاوبني بعدا.. نت؟ خاصني نعرف..

طونوبيلات وراهم بداو تيكلاكسونيو و هما غير تيشوفو فبعض..

محسن: شنو بغيتي تسمعي ؟
اية غرغرو عينيها: واش تتبغيني؟ و لا تتشوفني بحال وحدة جابها من الزنقة كيفما تتقول رؤيا..
محسن تعصب من جوابها: شنو تتقولي؟

كلاكسون ديال الناس عصبو، و هو يكسيري نسا راسو غير تيفكر فآخر جملة قالت ليه آية.. كيفاش مقدراتش تشوف حبو ليها؟ و علاش مقادراش تقول ليه بلي تتبغيه.. واش بصح بغاتو؟ ولا غير تمثيل من البداية؟ كيفاش تتفكر بلي هو يقدر يشوفها هاكا؟ غرق فأفكارو و محس حتى وصل لدارو.. فين كان عايش قبل من الحادثة لي وقعات ليه.. سطاسيونا طونوبيل و دار شاف فيها.. كانت متوثرة حيت نظراتو كانت اول مرة تشوفو معصب لهاد الدرجة حتى سكوتو مكانش تيبشر بالهير ابدا..

آية بعدم فهم: محسن علاش جينا لهنا؟
محسن باستهزاء: ياك انا تنشوفك بحال اي بنت.. جبتك لداري.. يلاه.. هبطي..
اية هزات يديها باغة تصرفقو لكن حبسها..

محسن بغضب: شنو تيصحاب ليك؟ ها؟ واش تتشوفيني هاكا؟ انا واحد لي يجيبك لدارو؟ و بما انك تتفكري هاكا علاش باقة معاية؟ علاش باقة مع واحد عارفاه غير تيستغل فيك؟ (بالغوات) غيرررر قوووولي ليااااا من نهااار شفتك لدااااابا! واش عمررررني جبررررتك ولاااا خليتك تنعسي معااااياااا؟ دوي؟ وااااش عمرررني استغلييتك؟

اية غرغرو عينيها و هربات ليها دمعة بدون ما تحس.. عاد فهمات سبب غضبو هي بدون شعور قالتها ماشي حيت فعلا متيقة شنو قالت ليها رؤيا..

اية بترجي: سمحيليا! انا مقصدتش نجرحك بهضرتي.. انا مستعدة نغامر بأي حاجة على قبلك..

قبلما تكمل هضرتها خرج من طونوبيل و هي تبعو خدا تيليفونو و خدم indrive ابليكاسيون باش تيشدو بيها طاكسي يوصلك لفينما بغيتي.. غير سالا دار عندها..

محسن: عيطت على طاكسي غادي نبقى معاك حتى يجي و نطلع للدار..
اية تتبكي: محسن! عفاااك مديرش ليا هاكا.. (شدات فيديه و هي تتبكي و بعدها عليها) انا تنبغيك.. و الله حتى تنبغيك..

شدات ليه يديه و هو ينترها بغضب..

محسن: عرفتي شنو؟ غادي نطلع للدار حسن.. تسنايه بوحدك..

محسن محملش راسو خصوصا ملي شافها تتبكي قلبو تزير، فقرر يهرب حسن ميبقى معاها و هي تتبكي.. بقات لتحت مدة، و هي تمسح دموعها و طلعات لعندو.. محسن غير دخل محملش راسو ولا كيفاش عاملها و مع رجع حل الباب لقاها واقفة هازا يديها يلاه غادي دق بابو.. عنقها بالجهد..

محسن: تنبغيك!! سمحيليا.. انا تنبغيك بزااف ا اية..
اية بدات تتبكي و بادلاتو العناق: حتى انا تنبغيك.. عفاك متعصبش مني.. سمحليا مقصدتش نقلقك مني..

بعد عليها و حط يديه على خدودها.. و تيمسح دموعها..

محسن: دموعك غاليين عليا..

بدا تيصوني تيليفونو السائق لي دار معاه جا و هو يطفي تيليفونو وجرها لداخل ساد وراه الباب..

#يتبع