خبايا الزمن

الجزء 17

خبايا الزمن 🥀
#بارت-161...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً

ديمارا طونوبيل مكسيري..

نمشيو عند محسن
كان فدارو تيخمم شنو مشا ليه؟ كيفاش يلقى طه؟

محسن مع راسو: اول حاجة علاش خرج من الدار فداك الوقت؟

محسن ناض هز سوارت ديال طونوبيل و تاجه لدار معتز دق و حلات ليه صفاء..

صفاء: لقيتوه؟ لقيتو ولدي؟ لقيتو طه؟ نطق!؟
محسن: فين راجلك؟
صفاء: قلتيها لرؤيا ياك؟
محسن مخنزر: فين الطبيب؟
صفاء: مكاينش..
محسن: مهم بغيت نهضر معاك نتي وياه..

صفاء فتحات ليه الطريق و دخل جلسو فالجردة و جلسات ساهية حتى هضر معاها..

محسن: واش طه مولف يخرج فداك الوقت؟
صفاء بحالا توكضات: لا! هو ماشي هكاك عمرو دارها..
محسن بجدية: عاودي ليا بالتفصيل شنو وقع داك النهار من مورا ماجيتو من العيد ميلاد..

صفاء سرطات ريقها و بدات تتعاود ليه كلشي و هي تتبكي و تتشهق و كل مرة تتقول ليه جيب ليا ولدي.. أما محسن بقا تيشوف و تيسمع ليها و عقلو خدام.. و هو ينوض..

محسن: نخليك دابا!

صفاء بقات فالجردة و هو خرج تاجه لبيت النعاس ديال طه و بقى تيقلب فيه حتى بانت ليه الكادو ديال رؤيا لطه.. ابتاسم و كمل التقلاب لكن ملقى تاشي حاجة تدل بلي طه كان عارف بلي هو متبني.. خرج من تماك و جلس فالطونوبيل تيفكر من بعد مشا للجهة لي خرج منها طه داك النهار و بقا غادي و تيحاول يلقى شي حاجة لي غفلات عليهم ديك النهار.. لكن والو.. و هو يرجع للسيارة ديالو لكن تفاجئ بواحد الرسالة كانت محطوطة فالباربريز و تتحمل نفس الختم 🥀 حلها و هو تيشوف فجنابو و بدا تيقراها..

"بلاما تحاول تقلب عليه مكاينش تماك! قلب فعائلة البناني"

محسن حل عينيه بالصدمة: كيفاش عائلة البناني؟

دخل للطونوبيل و توجه للقصر ديال عائلة البناني باش يفهم شنو واقع و فنفس الوقت تيعيط على سمير مرة و جوج و ثلاثة لكن لا جواب.. غير وصل قدام القصر عاد عيط عليه سمير.. و جاوبو ديك الساعة..

محسن بعصبية: فين طه؟ شنو درتي ليه؟ عائلتك لي خاطفاه..
سمير زاد تعصب: عرفت!
محسن: يعني نت عارف فين كاين هاد الوقت كامل و ساكت؟
سمير تيحاول يبرد على راسو: لا يلاه عرفتها دابا شوية! شنو بان ليا بحالا تتحاسب معايا؟
محسن بغضب: انا بغيت نشوفو و دابا!
سمير: انا معارفوش فين كاين! لكن عارفو عندمن.. نت خرررج هاد الموضوع الولد ولدي و انا غادي نلقاه بنفسي..
محسن: لا!! ماشي ولدك بوحدك!! رؤيا عطيتها وعد غادي نلقاه قبلما ترجع..
سمير: ركز فقضية ديال طلاق!! و نسا طه دابا مغاديش تخاف عليه كثر مني.. و مغاديش تكون تتعرفو كثر مني..