خبايا الزمن

الجزء 280

خبايا الزمن 🥀
#بارت-280...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

صفاء تتشهق: انا فكل مرة تنهددو بلي غادي نخليه و نمشي لكن متنقدرش على قبل طه مقدرتش.. و من بعد فاش عرفت بلي سمير عقيم قلت ليه بلي خاصو يعرف بلي عندو ولد حاولت نقنعو لكن والو مبغاش.. و فلخر تقلبات الآية وليت انا مباغاهمش ياخدو طه.. حيت ولا جزء مني معتابراه ولدي.. انا لي كبرتو و سهرت عليه فاش مرض و كنت معاه و ربيتو.. قريتو درت كلشي و دابا ملي تنشوف بلي رؤيا غادي تاخدو باردة مقادراش نصبر!!
رؤوف: تهدني!

رؤوف عنقها و هو باقي مصدوم من افعال معتز.. واش لهاد الدرجة و علاش دار هادشي كولو؟ شنو هو السبب؟.. أما طه فغير تيسمع مصدوم واش هادشي لي وقع؟ واش فعلا معتز المسؤول؟ يعني كلام لي سمعو صحيح خطفوه و وهمو رؤيا بلي مات..

صفاء بحرقة: انا مبغيتش ولدي يكبر مع مجرمة قتالة.. دوزات سنين بين المجرمين لي مافقلبهم رحمة..
رؤوف مخنزر: هنا ممتافقش معاك! رؤيا بريئة و الكل عارف..
صفاء: انا ممتيقاش بلي فعلا هي بريئة.. سارة هدداتها و هي تخنقها حتى ماتت!! معتز قالها بفمو
رؤوف باستهزاء: غادي تيقي معتز؟ لي حياتو كاملة و هو تيكذب؟
صفاء تتشرح: انا وليت تنعرفو وقتاش تيكذب و متأكدة بلي فهاد الموضوع هو على حق.. خالها هو لي خرجها مفهمت حتى
رؤوف بجدية قاطعها: صفاء! تيقي بيا! رؤويا بريئة و عبد العزيز معندو تاشي يد فهادشي حيت الكل تيهضر على الدليل.. فمستحيل تكون رؤيا فجوج بلايص..
صفاء بحقد: هاديك متستاهلش تكون ام! واخا تكون بريئة مسوقيش.. حيت راها كثر من عشر سنين قضاتهم فالحبس مع المجرمين.. من عاشر قوما اربعين يوما أصبح منهم..

طه صافي مبقاش قاد يسمع شي حاجة خرا! ودنيه تيصفرو عليه سد ودنيه مزيان مزير عليهم و متاجه لجناحو.. تيتنفس بسرعة معارفش شنو يدير.. و هو يبدل الاتجاه مشا لجناح شاذية حلو و دخل.. بدا تيكحب بالجهد و وذنيه تيصفرو..

طه بهمس: شا ش شاذ ية..

بزز تينطق الحروف تيقلب عليها بعينيه مقادر حتى يزيد حتى طاح فالأرض و بقا تيتنفس بالجهد و تيعيط لشاذية غير بزز لكن صوتو ضعيف.. مدازش بزااف ديال الوقت حتى دخلات شاذية للجناح ديالها و هي تشوفو فالأرض و تتسمع تينطق اسمها بشوية.. هبطات بعندو متعجبة..

شاذية: مالك؟

مسحات ليه على شعرو بحنان و هو يبدا يضرب فوذنيه.. ناضت و خلاتو حلات المجر ديال كوافوز لي كاين تماك و هي تاخد من واحد الفردي.. قاداتو مزيان و هي تقرب منو جلسات فالأرض و حيدات يديه لي تيضرب بيها وذنيه و عطاتو الفردي.. لبساتو ليه و دارت يديها فوق يديه الصغيرة.. و همسات ليه فودنيه..

شاذية: جميع داكشي لي مقلقك عتابرو قدامك!! و قتلو حيت الا مماتش غادي تبقى هاكا! تخايلو و قتلو.. تنفس بشوية و تخايل الهموم ديال كلهم قدامك و تيري..

طه شاف فيه و حرك راسو بآه.. و هي تطلقو و خلاتو شاد الفردي.. و طبق نصائحها بالحرف تخيل معتز قدامو حيت هو المسؤول بالنسبة ليه و بدا تيضغط على الزناد و و هو معصب لأقصى درجة حتى خوى الفردي.. كل من في القصر سمعو الطلقات المتكررة لي جاية من جناح شاذية.. اما طه طلق الفردي و تكا فالأرض مغمض عينيه..

طه بهدوء: فيا البرد!

شاذية خدات الفردي و هي مبتاسمة.. وحطاتو وراها فالسمطة ديال السروال..

#يتبع