خبايا الزمن

الجزء 260

خبايا الزمن 🥀
#بارت-260...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

سمير يا سمير.. خرج من الدوش و لبس حوايجو قاد حالتو و هبط لفين كاينة الحفل.. لي كان بدا تيعمر بالناس.. الحاج كان فخور بعائلتو لي معاه.. و رد البال بلي يوسف مكاينش.. بطبيعة الحال حيت هو ماشي غير حفيدو، فنفس الوقت، دراعو اليمين و وريث ديالو.. هز تيليفون تيعيط ليه.. لكن مجاوبش..

دازو ساعات و وصل ليل عاد زاد كثرو الناس و تيباركو لطه بالنجاح و تيتعرفو على حفيد عائلة البناني.. يوسف عاد جا و تاجه لعند جدو..

الحاج: كيبقات؟
يوسف: مزيان راه باقي فجناح ايمن..
الحاج: حتى يسالي الحفل و نشوفو شكون لي دار هكاك! و بلاما تقول ليا سمير حيت راها ختو مستحيل يبغي يقتلها..
يوسف: راه هي لي خطفات ليه ولدو!
الحاج بحدة: صافي سد الوضوع..

سمير غير ساهي و مرة مرة تيجي لعندو طه..

طه: وقتاش غادي تسالي الحفلة؟
سمير: واش مليتي؟

طه حرك راسو بآه

سمير: الا مليتي تقدر تمشي.. تاشي حد مغادي يبزز عليك شي حاجة
طه: و هاد الحفلة دارت على قبلي و الناس جاو باش يشوفوني مغادي تكون تقليل الاحترام معاهم الا مشيت و خليتهم قبل حتى متسالي الحفلة؟
سمير: كاين لي غيفكر هاكاك! و لكن نت ديما سبق راحتك هي لولة.. ملي تكون ممرتاحش فشي حاجة مديرهاش..
طه: لا غادي نبقى كيفما هما ضيعو وقتهم على قبلي حتى انا غادي ندير نفس الحاجة..

سمير بتاسم و مسح على شعر طه.. غير طلع عينيه و هي تبان ليه رؤيا جاية و معاها هيثم و محسن.. كانت مبتاسمة.. و جات زوينة تتهبل فالكسوة لي لابسة و دايرة مشطة جات معاها.. وقفو الوسط و الناس تيشوفو فهيثم و متفاجئين حيت كان غابر سينين هادي..

رؤيا: هي وليتي حديث الساعة ا موسيو تومة!

محسن حبس الضحكة بزز و همس لرؤيا فودنيها: ثومة!

اما هيثم شاف فيهم بجوج مخنزر..

نرجعو شوية لور
***فلاش باك
قبل ساعات

هيثم خرج من القصر معصب على هادشي لي عرفو ركب طونوبيلتو و تاجه للدار ديال محسن.. و غير وصل دق الباب و دغية حل ليه محسن غير شافو فسح ليه المجال باش يدخل..

محسن: سمعت كلامك و بعدت على رؤيا.. واخا معجبهاش الحال!
هيثم مخنزر: شنو باغي؟
محسن خنزر فهيثم: شنو غادي نكون باغي؟
هيثم بحدة: صحاب ليك انا معارفكش شكون؟
محسن زير على يديه: و من بعد؟
هيثم بتوعد: تنحلف ليك و تحاول دير شي حاجة تضر بيها عائلتي غادي نمحيك من الدنيا..
محسن باستهزاء: نفس التفكير!
هيثم بتاسم بسخرية: شنو زعما باغي تقنعني بلي عينك ماشي فالانتقام؟ من الناس لي حطوك فالميتم هما عايشين حياتهم و نت علم الله شنو عشتي تماك؟
محسن بعصبية: معرفتش شنو قالو ليك عليا و ماسوقيش.. و لكن لي عارفو هو عندي اخت لي هي رؤيا علوان داخلة للحبس بتهمة القتل و محكومة بالمؤبد.. رؤيا معارفة عليا والو.. و نت تتعرفها كثر مني.. مكلخة و متتعرفش تكذب.. و عارف مزيان بلي مفخبارها والو.. معندهاش علم بيا.. و معرفتش شنو غادي تكون ردة فعلها لكن عطيت لراسي وعد بلي مغادي نخلي تاشي حد يآديها و مغاديش نخليها.. واخا يوقع لي وقع..
هيثم بسخرية: و علاش غير قلت ليك بعد بعدتي؟
محسن: ماشي على قبلك نت! و لكن عندي اسبابي..
هيثم: و يلاه قلتي سمعتي كلامي.. و مدام ختك و تتخاف عليها و متبغي حد يآديها.. علاش لي متبينش ليا هادشي؟
محسن بحدة: انا ممحتاج نبين لتاشي حد تاشي حاجة متتسالني والو اسي علوان..
هيثم: و رؤيا! الكل مشا وخلاها بقات بوحدها فالحبس سنين.. انا كنت امنتها عند طارق.. و شنو دار؟ كان عارفها مع داك الزا**مل ديال سمير و مدار والو! ختك(ضرب يدو على صدر محسن) شنو غادي دير؟ ها؟ كيفاش غادي ترجع ليها حقها؟ مزيان داكشي لي درتي خرجتيها من الحبس و بينتي براءتها.. مزيان!! برافو.. و لكن الناس لي أداوها؟ واش ميستحقوش يتعاقبو؟
محسن بحدة: انا رجل قانون! و متنعرف تاشي حاجة خرا من غير القانون..

#يتبع