خبايا الزمن

الجزء 379

خبايا الزمن 🥀
#بارت-379...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

هند غير تتشوف فيه و هي مخلوعة ديال بصح البنت لي تيبغي و محنش فيها يعني باينة نهايتها كيفاش غادي تكون.. غادي يقتلها بأبشع الطرق.. أما معتز كلما تيعاود ليها شوية كلما تيحس بالراحة كثر و بلي هم و انزاح على كتافو..

هند بخوف: علاش قتلتي البنت لي تتبغي؟
معتز شاف فيها و ابتاسم: سارة!! سميتها سارة..
هند تترعد منو: سميتها زوينة..
معتز بحب: ماشي غير سميتها.. كلشي فيها زوين! انا بغيتها من كل قلبي.. (تحولو تعابيرو لعصبية) متحكمتش فرااااسي و قجيتها (تيشرح ليها بيديه كيفاش دار لسارة) زيرت عليها بكل قوتي حتى ماتت..
هند: الله يرحمها..
معتز: خاصني ناخد طه و صفاء و نسافرو لبعيد حتا بثلاثة.. اصلا كنا اسرة و باقين.. مستحيل نخلي طه لسمير و رؤيا! هو ولدي أنا!! (علا صوتو و هو تيشير لراسو) اناااااا لي ربيتووو و حضنتووو انااااا اول واحد قال ليا بااابااا..
هند مخلوعة بزااف ملي تيعلي صوتو: عندك الحق! (تتحاول طبق الخطة باش تنجو منو حيت عارفاه ناوي يقتلها) الا بغيتي انا نعاونك نقنع صفاء.. نقول ليها بلي غير خوها لي هددني باش نقول هاكاك و الا غادي يقتلني و انا خفت و قلت لي قلت..
معتز بغضب: صفاء ماشي مكلخة مستحيل تيق بيك..
هند تفكرات ميساجاتها مع مروان: انا غادي تيق فيا! ميساجاتي مع مروان ديما كان تيهددني بالقتل الا قلت شي حاجة على الاعمال المشبوهة راك عارف كنت خدامة معاه.. و انا مستحيل ناخدو الهاتف ديالو و نصيفط لراسي..

معتز ناض من الكرسي تيمشي و يجي باش يفكر واش الخطة لي قالت ليه تقدر تقنع صفاء ولا لا.. و من بعد عاد يقتل هند و ها هو تهنى منها عاد يشوف كيفاش ياخد طه و يهربو بثلاثة بعاد على هنا و على هاد المشاكيل كلها.. خدا تيليفونها و عطاتو الكود غير حلو تاجه للميساجات و بدا تيقرا الحوار لي كان بينها و بين مروان.. و لقا بلي هضرتها كلها صحيحة.. بزااف ديال الميساجات مروان تيهدد فيهم هند بالقتل الا فتحات فمها بشي حاجة.. و تاشي حد مغادي يعرف علا تيهددها شنو عارفة عليه، داكشي علاش يقدر يستغل هاد الميساجات باش يقنع صفاء بلي مروان كان تيهدد هند باش متقول ليها هي والو.. ماشي باش متفضحش الأعمال المشبوهة..

معتز بنبرة تهديد: غادي طبقيها و الا قررتي تخوي بيا ولا تلعبي بذيلك يا ويلك مني..

بعد مرور يومين
عائلة البناني تاجهو للمقبرة على قبل التفريق و يشوفو القبر ديال لالة عتيقة.. رؤيا كان لابسة جلابة فاللون الأسود و شال مغطية بيه شعرها فاللون الأسود حتى هو.. ضامة دراع سمير حداها لي لابس تاهو تريكو فالأسود فوق منو جاكيطة و سروال ديال جينز و شاد طه فيديه من الجهة لخرا.. لي حتى هو لابس تقريبا نفس لباس ديال باه كولو اسود.. عائلة البناني كلها كانت حاضرة، و حتى عائلة مرجان.. و عائلة رؤيا حتى من هيثم حضر مبغاش يخلي شاذية بوحدها..

وصلو للقبر لي كان واحد الباب كبير مكتوب فيه عائلة ديال البناني قطعة ارضية كبيرة عندها غير الحيوط بدون سقف مدفونين فيها جميع افراد العائلة..

و بداو تيقراو القرآن و كاين لي تيفرق الخبز و الماكلة على الناس لي كاينين تماك.. القبور لي حدا لالة عتيقة كلهم مكتوبة فيهم بلي ماتو غير هاد العام.. و كاينين لي فنفس النهار.. سمير محضرش للجنازة ديالهم و دابا تيشوف فيهم كلشي ميت..

سمير تيدور عينيه فالأفراد لي بقاو فعائلتو.. يعني الناس لي ماتو كثر بزااف من الحيين.. طلع راسو بانت ليه شاذية ساهية فقبر مها و وراها واقف هيثم و النظارات الشمسية فعينيه.. تنهد محاملش يشوفو و فنفس الوقت، مباغيش يجبد الصداع فهاد اليوم..

طه: واش حتى انا فاش غادي نموت غادي نتدفن هنا؟

رؤيا و سمير شافو فيه.. مصدومين من شنو تيقول..

رؤيا: الموت علينا حق! يعني كلشي تيموت فلخر.. و نت بالضبط حيت صغير حتى دوز مدة طويلة بزاف عاد غادي تموت
سمير: ماماك عندها الحق يعني حتى يدوز وقت طويل و من دابا لديك الساعة معرفناش شنو يقدر يوقع داكشي علاش منقدروش نجاوبوك فين غادي تدفن.. الله اعلم..
طه: فهمت!

#يتبع