خبايا الزمن 🥀
#بارت-191...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً
صفاء عنقاتو و بدات تتبكي و تتشهق و غير دخلات عندهم لمياء شافتها هكاك منهارة و يتمشي لعندها و بعداتها على طه..
لمياء: واش حماقيتي الدري باقي صغير جمعي راسك شوية ا صفاء راه معارف والو..
صفاء مسحات دموعها: بالعكس ولدي عارف و فاهم داكشي لي تاشي حد فينا معارفو ولا فاهمو.. (شافت فطه و مدات ليه يديها) يلاه ا حبيبي يلاه مع ماماك معندك لاش تبقى هنا بوحدك..
لمياء مخنزرة: صفاء!! كيفاش يلاه؟ راه سمير خلاه معايا امانة مستحيل نعطيه ليك.. ملي يجي شنو نقول ليه؟
صفاء بعصبية: قولي ليه مو جات و داتووو!!
لمياء بحدة: عرفتك غضبانة و مضروبة فيك للجذر و لكن راه مستحيل نخليك تخرجيه من لهنا خلينا مزيانين الله يرحم ليك الوالدين..
صفاء بحدة: ماشي نتي لي غادي تقولي ليا واش ناخد ولدي ولا لا!! الا جبت ليك البوليس شكون غادي ياخدو؟؟
طه غير تيشوف فيهم تيتدابزو عليه معارفش شنو يدير و لكن طاحت فبالو كلمات شاذية..
**فلاش باك
احداث من الاجزاء 163 و 164
شاذية شافت فيه و ابتاسمات: فخبارك نت ذكي بزااف! ذكي على طفل عندو عشر سنين!! و لكن متنساش.. بلي هاد الذكاء ديالك غادي يرجع عليك بالخايب اي واحد من الناس لي عزازين عليك غادي تآديه.. يعني الى رديتي البال نبداو من ماماك ملي تنقول ماماك تنعني لي توجعات عليك و ولداتك من نهار عرفات راسها حاملة دخلات للحبس حتى انها ولداتك فالحبس و خاصك تشوف شحال تعذبات فغيابك.. كانو قالو ليها بلي تزاديتي ميت و بقات فالحبس هاد السنين كاملة فنظرك علاش؟؟
طه بتوثر: أنا أنا مدرت ليها واالو
شاذية ضحكات: شحال كيوت.. بصح نيت مدرتي والو بقا متيق هادشي.. نت تتآدي گاع الناس لي قراب ليك.. و عرفتي علاش جبتك هنا؟ باش ميتآدى تاشي حد منهم مزال.. نت فالداخل ديال عارف و متأكد بلي أحسن حاجة هي تبقى معايا باش متآدي تاشي حد و منهم راسك!!
طه مخنزر: نتي بغيتي غير تخلعني انا مدرت تاشي حاجة لتاشي حد!!
شاذية: اممم! الحياة شفتيها شحال غير عادلة؟ تتخليك تشك حتى فراسك!!
طه قاطعها مخنزر: نتي لي تتحاولي ديري هادشي و لكن مستحيل تهرسيني
شاذية بدات تتضحك: هههههه! تيق داكشي لي بغيتي لكن عمرك! عمرك غادي تقدر تبدل الحقيقة كلشي باين
نهاية لفلاش باك ***
صفاء مدات يديها لطه: يلاه ا ولدي غنمشيو!!
لمياء يلاه غتهضر حتى سبقها طه: لا!! مبغيتش..
بجوجهم تفاجأو من شنو تيسمعو منو.. صفاء قربات منو و عينيها مغرغرين بالدموع..
صفاء: و لكن انا ماماك ا ولدي!!
طه: عرفت.. و لكن مبغيتش نمشي معاك.. بغيت نبقى هنا..
لمياء: سمعتيه شنو قال مباغيش واش غادي ديه بزز؟؟
صفاء مسحات دموعها: لي بان ليك ا ولدي..
أنت تقرأ
خبايا الزمن
Mistério / Suspenseتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...
