ဧည့်နန်းဆောင်၏ ခန်းမကျယ်တွင်...
ယန်ဇီယွမ် ၏ မျက်နှာကိုမြင်လိုက်ရုံဖြင့် မကောင်းတော့ဟု ယန်ဖုန်းရွှင့် တွေးလိုက်မိသည်။
သူတို့နန်းဆောင်ကိုပြန်ရောက်သည်နှင့် အစေခံတွေဆီမှ ဧည့်ခန်းဆောင်ကို လာစေဖို့ အသိပေးခံရသည်။
ခန်းမအလယ်တွင် ကျိုးထုံက ဒူးထောက်အနေအထားဖြင့်ရှိနေပြီး ချန်ယွင် က စားပွဲတွင် ထိုင်လျက်..
ကျန်းစီကျူး နှင့် ယန်ဇီကျူး ကိုတော့မတွေ့ရ..
" ဘာတွေဖြစ်နေတာလဲ."
" ဆရာ.."
ယန်ဇီယွမ် ကသူ့ဆီမပြေးရုံခြေလှမ်းဖြင့် လှမ်းလာခဲ့သည်။ ယန်ဇီယွမ် ၏ မျက်နှာမှ ဒေါသနှင့် စိတ်ရှုပ်ထွေးမှု တွေက သိသာနေသည်။
ချန်ယွင် က ထိုင်ရာမှ ထ၍ အရိုအသေးပေးသည်။
" မင်းသားချန်ယွင် က မနက်ဖြန်အတွက် ကြိုအနားယူသင့်ပြီ.. ဘာလို့ ဒီရောက်နေတာလဲ.."
" ပြောရမှာတော့ ရှက်ရွံ့စရာပါပဲ..ဒီတပည့်ရဲ့ ညီငယ်က အပြစ်တွေကျူးလွန်ခဲ့မိလို့ ဘယ်လိုတောင် ဖြေရှင်းရမလဲ မသိတော့လို့ပါ.."
ပိုင်ရိထျန်းက ဒူးထောက်နေသော ကျိုးထုံအရှေ့သို့ သွားရောက်ကြည့်ရှုလိုက်၏။
" ကျိုးထုံက ဘာလို့ အရိုက်ခံထားရတာလဲ"
ကျိုးထုံက ခေါင်းကို ပို၍ ငုံ့ခဲ့သည်။
" ကျွန်တော်.."
" မင်းပါးစပ်က အဲ့ကိစ္စကို မပြောနဲ့..ရွံဖို့ကောင်းတယ်..အခု ငါ့ညီမရဲ့ ဂုဏ်သိက္ခာတွေ အားလုံး ပျက်စီးသွားပြီ..မင်းကို ငါ သတ်ပစ်ရမှ ကျေနပ်မယ်.."
ယန်ဇီယွမ် က ဒေါသတကြီးဝင်ပြောမှုကြောင့် ယန်ဖုန်းရွှင့် ပိုင်ရိထျန်း အချင်းချင်းကြည့်လိုက်မိသည်။
" ဇီယွမ်.. မင်းဒေါသကို ထိန်းပြီး ငါ့ကိုအကြောင်းစုံပြောပြစမ်း.."
" ဆရာ..သူက ညီမလေးကို ဟို..ဟိုဟာ..မတော်မတရားကျင့်ခဲ့တယ်.."
" ဘာ.."
နှစ်ဦးသားဆီမှ အာမေဋိတ်အသံ ကိုပြိုင်တူကြားလိုက်ရ၏။
" အဲ့ဒါက..ကျိုးထုံ ဆေးမိသွားတာပါ..သူက သူ့စိတ်ကို မထိန်းနိုင်ပဲ ယန်မိန်းကလေးအပေါ် လွန်ကျူးမိသွားတာ.."
YOU ARE READING
ကံကြမ္မာနှင့်ယှဥ်၍
Historical Fictionနိမိတ်ဆိုးနှင့် မွေးဖွားလာသော မိန်းကလေးတစ်ယောက်၊ ကောင်းကင်ဘုံမှ နှင်ထုတ်ခံရသော နတ်မိစ္စာတစ်ပါး နှင့် ပျက်စီးတော့မည့် တိုင်းပြည်၏ အိမ်ရှေ့စံ...တို့၏ ကြား ပေါ်ပေါက်လာသော ချစ်ခြင်းမုန်းခြင်းနှင့် စစ်ပွဲ... ပထမဆုံး ရေးဖူးတဲ့ fic လေးမို့ မှားတာတွေ မပြည့်...
