ကံကြမ္မာနှင့်ယှဥ်၍

စိတ်ဝိညဥ်ထွေပြားရေး အစီအရင်

ယန်ဇီယွမ် - ဟုတ်တယ်..ပိုဆိုးတာက အဲ့လူရဲ့ အစီအရင်က အရမ်းကောင်းမွန်ပြီး ပီပြင်လွန်းတယ်..တကယ်လို့ချန်ယွင်သာ ငါ့ကို မမြင်ခဲ့ဘူးဆိုရင် သူတို့ အဲ့အစီအရင်ထဲရောက်နေတယ်ဆိုတာ သိမှာမဟုတ်ဘူး...

နောက်ကြောင်းပြန်ခြင်း...

ယန်ဇီယွမ် က အခြေအနေမှန်ကိုသဘောပေါက်ပြီးတဲ့နောက်မှာတော့ မည်ကဲ့သို့ဖြေရှင်းရမည်ကို သဘောပေါက်လိုက်သည်။ စိတ်ဝိညဥ်ထွေပြားရေး အစီအရင် သည် ပြုလုပ်သူက အစီအရင်၏ပြင်ပမှနေ၍ ကြိုးကိုင်လှုပ်ရှားနေခြင်းဖြစ်ပြီး ထိုလူကိုတွေ့အောင်ရှာ၍ အစီအရင်ပျက်အောင်ပြုလုပ်ခြင်း သို့မဟုတ် အစီအရင်ပြုလုပ်ခံရသူကိုယ်တိုငိ သိ၍ ဖောက်ထွက်ခြင်း နည်းလမ်းနှစ်မျိုးနှင့် ဖြေရှင်းနိုင်သည်။
ပထမနည်းလမ်းကိုတော့ သူရွေးချယ်လို့မဖြစ်ပေ..အဘယ်ကြောင့်ဆိုသော် သူရဲ့ကျင့်ကြံဆင့်က ထိုလူကိုမယှဥ်နိုင်သည်မှာ သေချာသည်။ ဒုတိယနည်းလမ်းကို ရွေးချယ်ပြီး ဟို ၃ ယောက်ကို ဖောက်ထွက်ခိုင်း ပြီးမှ ၄ ယောက်ပေါင်းပြီး ထိုလူကို တိုက်မှဖြစ်မည်။ သို့ပေမယ့် အစီအရင်ပြုလုပ်သူ မရိပ်မိအောင် အစီအရင်ပြုလုပ်ခံရသူကို သတိပေးဖို့ဆိုတာကလည်း လွယ်ကူသောအလုပ်တော့မဟုတ်ပေ။

ယန်ဇီယွမ် က လှိုဏ်ဂူတစ်ဖက်ခြမ်းတွင်ပုန်းအောင်းနေပြီးနောက် မိမိရောက်ရှိရာနေရာကို ခွဲခြမ်းစိတ်ဖျာလိုက်သည်။ သေချာပေါက်ကို အစီအရင် ရေးဆွဲသူက သူ့ရဲ့ကစားကွက်တစ်ခုလုံးကိုမြင်ရတဲ့နေရာကို ရွေးချယ်နေထိုင်မှာပဲ..ဒီလှိုဏ်ဂူက ခန်းမဆောင်ကြီးတစ်ခုနီးပါး ကျယ်ဝန်းပြီး ဂူပေါက် ၃ ခုနှင့်လည်း ဆက်စပ်နေလျက်ရှိသည်။ လှိုဏ်ဂူ၏ အမိုးပိုင်းက ကျောက်သားနှင့်မြေထုရောယှက်ထားပြီး ပြောင်ချောနေသည်။ ထို့ကြောင့် အစီအရင်ဆွဲသူက အမြင့်မှာတော့မရှိနိုင်.ဖြစ်နိုင်တာက သူရှိနေရာ ဂူပေါက် မျက်နှာချင်းဆိုင်က တခြားဂူပေါက်နှစ်ခုတည်းက တစ်ခုမှာပင်..

ယန်ဇီယွမ် က ခန္ဓာကိုယ် ကို သိုဝှက်စွာနေလိုက်ပြီး တစ်ဖက်ခြမ်းက ဂူပေါက်နှစ်ခုကို အကဲခက်နေသည်။ ထိုနေရာတွေတွင် လှုပ်ရှားမှုစိုးစဥ်မျှ မတွေ့ရသလို အမှောင်ရိပ်ကလည်း ပြည့်နေပြန်သည်။ လက်ရှိအချိန်ထိ ချန်ယွင် တို့ ၃ ယောက်မှာ အစီအရင်၏ ပိပိရိရိလိမ်ညာမှုကို ခံနေရဆဲဖြစ်ကာ သူတို့က အမည်းရောင်ဝတ်လူ (အစီအရင်ပြုလုပ်သူ၏ ကိုယ်ပွား) နှင့် ယန်ဇီယွမ် ပုံရိပ်ယောင်တို့ တိုက်ခိုက်နေသည်ကို ကြည့်ရှုနေကြဆဲဖြစ်သည်။ သူ နားမလည်သည်က အစီအရင်ရေးဆွဲသူက ဘာအကြောင်းကြောင့် ဒီလို ပုံရိပ်ယောင်မျိုး ဖန်တီးထားရတာလဲ..သူက ချန်ယွင် တို့ ၃ ယောက်ကို ဖမ်းမိပြီးသားပဲလေ..ဘာကိစ္စကြောင့် သူ့ပုံရိပ်ယောင်ကို ဖန်တီးပြီး ပြဇာတ်တစ်ခုဖန်တီးထားတာလဲ..မဟုတ်မှလွဲရော..အစီအရင်ရေးဆွဲသူက သူတို့ထပ်ရောက်လာမယ်ဆိုတာ ကြိုခန့်မှန်းထား...အား..သေပြီ..ယန်ဇီယွမ် က တစ်ဖက်က လှိုဏ်ဂူပေါက်က လှုပ်ရှားမှုတစ်ခုကို မြင်လိုက်ရပြီးနောက်မှာတော့ သူ ထောင်ချောက်ထဲ သက်ဆင်းမိပြီဖြစ်ကြောင်းသိလိုက်ရသည်။ တစ်ဖက် လှိုဏ်ဂူမှ အမှောင်ရိပ်အောက်မှ အေးစက်စက်အငွေအသက်တစ်ချို့ကို ခံစားလိုက်ရပြီးနောက် သူက လျင်မြန်စွာပင် ပုန်းအောင်းမိတော့သည်။ ထို လူက တစ်ဖက်လှိုဏ်ဂူအတွင်းမှ ထွက်ပေါ်လာပြီး သူ့ဆီသို့ လှမ်းလာနေပြီဖြစ်သည်။