ကံကြမ္မာနှင့်ယှဥ်၍

နှင်းကြာဝတ်ဆံ

ယန်ဖုန်းရွှင့် စိတ်တွေလေးလံနေခဲ့သည်။ သူက ညတွင်းချင်း မိဖုရားကြီး တစ်ဖြစ်လဲ အမတော်၏ ခေါ်ဆိုမှုကြောင့် နန်းတွင်းသို့ အပြေးဝင်ခဲ့ရ၏။ ဒီ မနက် ၃ ချက်တီးအချိန်မှာ သူဟာ အမတော်၏ စီစဥ်ပေးမှုဖြင့် မင်းကြီးကို တိတ်တဆိတ်တွေ့ဆုံရသည်။ အရှင်မင်းကြီး နှင့် အမတော် တို့ ကြံစည်ထားကြတာတွေကို သူ ပါဝင်ပတ်သတ်လိုခြင်း မရှိပေမယ့် အမတော်၏ မျက်နှာကြောင့် ပါဝင်ပတ်သတ်ပေရဦးမည်။

ယန်မျိုးနွယ်စုတွေဟာ တကယ်တော့ ကျင့်ကြံခြင်းလောကမှ ဆေးဆရာမျိုးရိုးတစ်ခုဖြစ်ခဲ့သည်။ ရှေးလူကြီးသူမ အဆက်ဆက် ဆေးပညာဖြင့်သာ အသက်မွေးဝမ်းကြောင်းပြုခဲ့ပေမယ့် သူ၏ အမတော်ကို တော်ကောက်ခံရခြင်းမှ စ အရာရာပြောင်းလဲသွားခဲ့သည်။ ယခင်က ရိုးသားစွာနေထိုင်တက်ကြတဲ့ သူတို့မျိုးရိုးဟာ ယခုတော့ အာဏာရဲ့ ဆွဲဆောင်မှု ငွေရဲ့ဆွဲဆောင်မှုဆီ နစ်မျောလာကြပြီဖြစ်သည်။

ယန်ဖုန်းရွှင့် မွေးကတည်းက သူတို့မျိုးရိုးကို ယခင်ကအတိုင်း ဆေးပညာရှင်များအဖြစ်သာ ဖြစ်စေချင်ခဲ့သည်။ သူက ထိုအာဏာ လောဘ မတ်မောနေမှု​ေ​ွေဆီမှ ရုန်းထွက်စေချင်ခဲ့သည်။ သို့ပေတည့် အများနှင့် တစ်ယောက်ပေမို့ သူ မတက်နိုင်ခဲ့...

ဒီနေ့မှာလည်း ကြားသိလိုက်ရတဲ့ အစီအစဥ်တွေက ဆေးဆရာတစ်ယောက်အနေနဲ့ မပြုသင့်သော ကျင့်ကြံသူတစ်ယောက်အနေဖြင့် မပါဝင်သင့်သော အရာများပင်...

သူဟာ သက်ပြင်းတွေ အကြိမ်ကြိမ်ချရင်း ရှေ့မှ ငြိမ်သက်နေသော ကန်ရေပြင်ကို ငေးစိုက်ကြည့်မိ၏။

မိဖုရားကြီး ၏ အဆောင်တော်ရှိ ရေကန်တွင် ကျော်ကြားမှုတစ်ခုရှိသည်။ ထိုရေကန်အတွင်း စိုက်ပျိုးထားသော ကြာပန်းများအကြောင်းပင်..မနက်ပိုင်းတွင်ကျသော နှင်းရည်ဖြင့် ပွင့်လန်းပြီး နေရောင်ထိလျှင် ချက်ချင်းညှိုးသော ထိုကြာပန်း၏ ဝတ်ဆံများဟာ အိုမင်းရင့်ရော်မှုကို တားဆီးပေးနိုင်သတဲ့..မိဖုရားကြီး မှစ၍ မိဖုရားငယ် အစုံစုံ သုံးဆောင်ကြသော ထို နှင်းကြာဝတ်ဆံ...

ယန်ဖုန်းရွှင့် တစ်ယောက် အချိန်က မနက် ၃ ချက်တီးကျော်လွန်၍ နှင်းများလည်း စတင်ကြလာပြီဖြစ်သောကြောင့် တဖြည်းဖြည်း ပွင့်လန်းလာသော ကြာပန်းများဆီ စိတ်ရောက်သွားသည်။