💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
هز فيها عيونو بحدة كبيرة ونطق بصوت خشن موصل ليها بلي اي كلمة نطقها الا وانوو كيعنيها : مكنعطيكش اختيارات ... هادا امر ليك يا تمشي تجيبي حوايجك لي بقاو فديك المدرسة وترجعي فمدة وجيزة اولا تجلسي تشدي الارض حتى يوصلو لعندك
رانيا ضوراتها فراسها مزيان ولقات بلي هادي هي الفرصة الوحيدة لي عندها باش تخرج وتلاقا بلي كانو سباب فعذابها وترد الصرف وايلا ما مشاتش اليوم مستحيل مرة اخرى تحط رجليها فديك المدرسة وبدون ما تعير اهتمام لشنو قال ولا حتى الطريقة باش هضر هزات راسها باه وناضت جامعة الوقفة وهي زربانة باغا تخرج : واخا اخويا عيسى 5 دقائق ونرجع غير كون هاني ...
عيسى صغر فيها عيونو وفراسوو عارف بلي هدفها شيء اخر وقبل ما يعطي ليها تحذير باش تفكر فاشنو كدير لقاها طارت من حداه وهادشي اعدى حاجة عندو ... ومنين بنادم كيبقى يحنقز ليه عند راسوو مكيكرهش يخنقوو بين يديه ...
كمل داك طاسط ديال القهوة وناض جامع الوقفة وهو ناوي يتبعها اكيد ماغاديش ديرها به برهوشة ودوزها عليه بالقوالب والسيد ديجا خاتر وكيطلعها فالسماء ... صعيب تلعب به وكون قدر عليه شيء حد كان اول واحد ايفرعن ويخرج ليه فاص هو يونس لي باغي منصبوو فالشركة كثر من اي واحد ولايني هو استعمل معاه طرق اخرى ولي مكيحملهش عيسى وهي يضرب غير من لتحت حتى تلقى راسك على ضس ...
رانيا مع خرجات من دار شدات طاكسي وعطاتوو عنوان المدرسة فين كتقرا ومن موراها عيسى كيسوق بكل هدوء ... يد كيخربق فيها فلحيتوو ويد الاخرى حاطها على الفولون ومركز على داك طاكسي لي هي راكبة فيه ...
بقاو مدة على نفس الحال حتى حبسو فدقة وحدة قدام مدرسة عليا ديال ناس لي كيدرسوو ادارة الاعمال ...
خرجات هي الاولى مخنزرة وراسها كيضور كتقلب على دوك البنات وكيف بانو ليها واقفين كيضحكوو مع نفس دري لي جرها داك نهار ... خرجات من ساكها بخاخ صغير وزادت لعندهم مغددة ... ناوية تجمع الحزاق جملة ...
وكيف وقفات عليهم وشافووها بغاو يضورها ساعة هي كانت مطورة ودغيا رشات عليهم داك لبخاخ نيشان لعينين حتى مقدرووش يتحركو وبقاو غير واقفين كيحكوو فعينيهم ويغوتوو ومع جات ترش على داك خونا لي سبب ليها رعب فداك ليلة تشدات من يديها بقوة حتى مابقاتش قادة تحركها ...
ومع بغات دير شيء ردة فعل جاتها واحد التصرفيقة قوية فحنكها خلاتها تصمك وطيح على طولتها فالأرض ماعارفة باش تبلات ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
