أحببت زوج أختي 🩸مكتملة🩸

🩸الجزء 42🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 42 📿

بقات على ديك الحالة جالسة فالارض حتى سمعات حس شيء طونوبيل وقفات مور المستودع وبالظبط فيه كاين داك البيت ... وبدون شعور ناضت قافزة خاشية وذنيها فالحيك كتسمع الشيء لي خلا عيسى يضيق عينيه بتركيز وهو حاضيها شنو كدير وقبل ما يسولها لاش باغا توصل لقاها كتخبط فداك الباب بجهد وتعيط لريكو يحل عليها ...

رانيا وهي كدق برجليها ويديها فالباب بما حر عندها من جهد وتغووت بصوت عالي : هيييييييه نتاااااا حل هاااااد البااااااااب خلاااااااص .... واااااااااش كتسمعني هييييييلووووو ...

عيسى ناض مقرب لعندها حتى وقف عند راسها وقال : اش كديري دابا ...

رانيا بعداتوو بيديها وقالت بهمس : رجع لبلاصتك ودير راسك مكتعرفنيييش ...

عيسى : كيفااااش ؟؟؟

رانيا تحت سنانها : ياك بغيتي تخرج من هنا ايوا دير داكشي لي كنقول ليك ...

عيسى برفض للفكرة : ماغاديش نتحرك من هنا حتى تقولي شنو تحت راسك ...

رانيا غير سمعات شيء خطاوي جايين باش يحلو عليهم البيت وهي دفعوو بيديها حتى جابتوو فالارض حيث غفلاتوو وما كانش ناوي بلي اتدفعوو ... وكيف طاح للارض حل ريكوو الباب وهو مقوص حجبانوو : مالنا ياك لباس ...

رانيا اشارت بيديها لعيسى لي فالارض وقالت بانفعال : واش حمق نتا ولا مالك مخليني مع واحد بحال هادا وفبلاصة فحال هادي ...

ريكو بقلة صبر : متصدعينيش فراسي جلسي للارض وتكمشي ...

رانيا ضمات يديها لعندها وهي مقربكة ليه هامسة فوذنيه هاد لجيسط بالظبط خلا عيسى يزير على فكو ونايض جامعة الوقفة وهو مغدد : كيفما شفتي هادا ميصلاح ليا نبقى معاه ...

ريكو وهو هايم فعيونها : واش يصلاح ليك ...

رانيا رمشات بعيونها ببراءة حتى ذوباتوو ديال المعقول : نخرج من هنا ونبقى جالسة على برا حتى تشوفو ليا شيء حل راه كنت غير دايزة مقصدتش نطل ولايني مني سمعت صداع جاني الفضول وراك عارف حنا نساء فضولها ديما خارج علينا ...

ومع بغات تزيد تلعب بعقلوو لقات عيسى جارها من ذراعها رادها وراه ومخنزر فريكو تخنزيرات ديال الموت : سد داك لباب ورجع منين جيتي ...

ريكو دوز يديه على وجهوو وقال كلامو ولي موجهو لرانيا : عندك صح هادا ماشي شيء حد لي تقدري تبقاي معاه راس فراس ...

رانيا طلات من مور ظهر عيسى ونطقات بنبرة مبينة فيها بلي خايفة من عيسى : داكشي لي بغيت نوصل ليك ...