أحببت زوج أختي 🩸مكتملة🩸

🩸الجزء 17🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 17📿

الموت كلمة بسيطة ولكن ليها معاني كبيرة ... تقدر تجي واحد على غفلة ومستحيل تكون عالم عليها امتا من غير الله سبحانه وتعالى لي عارف امتا وفين ووقتاش ... واخا يكون الانسان فصراع مع المرض ويعيش عادي اولا ما يكونش مريض لا وصلات وقتوو راه ميمكنش للانسان يدير شيء حاجة غير هو كتكون صعيبة حيث داك الشخص لي عزيز عليك ماغاديش تعاود تشوفوو ...

واخا كاع القراب غادي يتأثرو ويبكيو ويغوتوو ولكن داك الانسان لي شاف ختو ولا موو ولا اي واحد قريب ليه كيموت قداموو مستحيل ينسى واخا تدوز مدة طويلة ولا عمر كامل ...

وهادشي هو لي واقع مع يونس لدرجة ما قدرش يهز عينيه فالطبيب وبقى ساكت وداخلوو مصدوم لواحد الدرجة ما توصفش ... واش هاد اللحظة لي كلشي غافل عليها صافي وصلات لشخص عزيز ... وداتوو فمرة ومابقيناش انشوفوه ولا غير حلمة وغير نوضو منها كلشي ايتغير ...

رانيا زادت بزوج خطوات لداخل المكتب وهي فاشلة ... بزز قدرات توقف على رجليها وتقدم لعند طبيب مسولاه نفس السؤال لي كلشي كيسولو رغم انه الاجابة واضحة : كيفاش اتمووت ؟؟ مفهمتش ؟؟ واش كدوي على ختي انا ؟؟

يونس غير سمع صوت ختو الصغيرة ناض لعندها جارها لبعيد ما باغيهاش تشوف وتعيش هاد الظروف ولكن هي مابغاتش تخرج وغوتات ليه فوجهوو ودموعها شلال : طللللق مني ايوووونس طللق ...

عيسى ما شاف فحد وزاد لعند طبيب باغي يفهم كثر الوضع باش يقدر من بعد يتاخد قرار : ممكن تشرح ليا الحالة بدقة ؟؟

الطبيب عيونو كتنتاقل من شخص لشخص فالاخير استاقرو على عيسى لي بان ليه صابر وايقدر يزيد يصبر : سمعني اولدي المريضة راه واخا تبقى عندنا راه منقدرو نديرو ليها والو ... لا بغيتي تخليها حنا ماغاديش نمنعوك ولكن نتا لي خاسر اتبقى تخلص فالفلوس وهي اصلا ماغاديش تعيش ...

عيسى : بالمختصر ..
الطبيب باسى: مع الاسف دماغها سكت فمرة ورغم محاولاتنا من لبارح فليل وانتظارنا ما كانت حتى نتيجة ...

هنا رانيا تدخلات وهي كدوي بواحد الهستيرية غريبة : يمكن تكون غير دخلات فغيبوبة و...

الطبيب قاطعها بحدة وهو عارف اشنو كيقول : انسة ... المريض لا دخل فغيبوبة الانشطة ديال الجسم ديالو كتكون خدامة بشكل طبيعي وسببها (كيقصد الغيبوبة) فأغلبية الحالات كتكون اصابة فشيء منطقة حساسة ... اما بالنسبة للمريضة راه ماعندها حتى اصابة من غير انه فجاة دماغها سكت حيث تدفق الدم في واحد من الشرايين كيف سبق وقلت انخافض بوثيرة سريعة ومن لبارح وحنا كنتاظرو الامور ترجع لطبيعتها ولكن (سكت) ...