أحببت زوج أختي 🩸مكتملة🩸

🩸الجزء 119🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 119 📿

عيسى ضار باغي يرجع يجلس بلاصتو حتى وقفاتوو رانيا بكلامها : كنعتاذر مكانش عليا نقول ليك هادشي دابا حتى ترد صحتك شوية ولكن اللسان راه مافيه عضم ...

ما عطاها حتى شيء رد من غير أنه بقى كيشوف فيها بشوفات مختلفة على لي قبل ... شوفات رضى وفخر ماشي غير على قبل اللباس ولكن طريقة التفكير والمواساة مختلفة على قبل ... من طبعها كانت كتشاد معاه لا دار شيء تصرف بدون مايهضر ولا لا دارت شيء تصرف غلط وماردش عليها كتبقى تغاوت ولكن دابا ولات كتعتاذر لا دارت شيء غلط عكس قبل ولي عجبو أكثر فيها كيفاش خدات بنصيحتو وبدات تصلح علاقتها مع لي خلقها ولكن لي مشوشو دابا هو شنو وقع فديك المدة لي كان فغيبوبة ...

رانيا ساعداتو حتى وصل للسرير وجلس بشوية وقالت : غادي نعيط للدادة ميمونة تبقى معاك علاما نعيط للطبيب ضاروري يجي يشوفك ... واخا

عيسى شد فيديها وهو كيحاول يتكى من بعد نطق بهمس مخلط مع شوية ديال الخشونة : مكاين لاش تعطي ليها ... خليك غير نتي ... وشرحي ليا شنو وقع وكيفاش هاد القضية ديال عام كامل واشنو طرا من بعد داك الحاذثة ...

رانيا زيرات على يديه وجلسات جنبو وهي كتقول بحنية : ماديرش فبالك ... هاديك حاجة عادية من بعد النزيف لي تعرضي ليه ... وزايدون الحاذثة راه خطيرة شوية وكان ممكن توقع ليك حاجة ما كثر غير الله حفظك لينا ... سو نسى داكشي لي وقع لبارح وعيش اليوم وبدا من جديد ...

عيسى : كاين شيء حوايج نتي ماعارفاهمش و ...

رانيا قاطعاتو بحدة : نتا غالط فيا اراجلي العزيز ولكن ماعليكش (ضربات فكتفو ضربات خفيفة ) خلي الأيام توريك ...

عيسى ضحك حتى بانوو سنانو وجرها لعندو بدون مقدمات حتى جات طايحة على صدرو من بعد نطق بمرح : من امتا وليتي فحال هاكا ؟؟

رانيا وهي حاطة راسها على صدرو : من نهار عرفت راسي بلي خاصني نوقف على رجلي باش ما نضيعش تعب سنين لي دوزتي فحياتك ...

عيسى ضور يديه بجوج على كتافها وقال بطنزر : وشنو قضية الكونط ؟؟

رانيا غير سمعات الكونط وهي تنوض دغيا وكتعض فشفايفها بحيرة : لا راه ماشي فلوسك لي ضيعت من داك الكونط ...

عيسى وهو متبع معاها : وشنو ؟؟

رانيا : دابا شحال هادي فاش قررت نكمل قرايتي فأمريكا اول حاجة درتها هي فتحت كونط باش نبقى نخبي فيه الفلوس لي انحتاج لقرايتي وحتى يونس وخديجة مانساونيش وكانو كيسيفطو ليا ومرة مرة كنت كنخدم حتى جمعت شيء باراكة ودابا وقفت عليها ...