أحببت زوج أختي 🩸مكتملة🩸

🩸الجزء 75🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 75 📿

بدون ما يشوف فيها داك الشخص صاحب البنية العريضة ... ميل راسوو فجنب وشعرو الاسود كل شوية يطيح على عينيه وهو يعاود يردو بأطراف صباعوو حتى صدمها ديال المعقول فاش قال

.... : المرة جاية تبقى تشوف فجنابك القرد ...

سارة دارت ديك الابتسامة الغبية وبدات كتحاول ترجع بلور باش تسلت ... الشخص شاف حركتها ودقق عيونو فدوك شراطي لي مديورين عن قصد وقال بهدوء : شكون مسيفطك ؟؟؟

سارة حركات راسها بلا بزربة وقالت : ما مسيفطني حتى واحد ... الله يعاون ...

مع جات بغات تمشي حبساتها يدو لي حطها على كادر لباب ديال لوطو ... خرجات عينيها على الجهد وجات ضور تسلت من الجهة الاخرى حتى حبساتها يدو الثانية ... وهاكا هي بقات واحلة فالوسط كيف المشة ومع فورمتوو الضخمة مغطيها بظهرو لدرجة كاع ما كتبان للناس ...

.... : غادي تقولي ليا ... ودابا شكون مسيفطك ... نطقي خلاص ...

سارة بتوتر : خليني نمشي فحالي ...

مع تغيرو ملامحو ورجعو شخص قاسي و بغى يحل فمو ويدوي بالنبرة لي اتفهمها وتخليها دوي سمع إسمو كيتردد من عند شيء شخص من موراه ...

_ إسحاااااق ...

ضار بالعرض البطيئ غير براسوو بدون ما يجر يديه ... باقي فنفس البوز غير راسوو هو لي غير ليه الإتجاه ... وكيف شافوو جاي لعندو تقاد فالوقفة وقال بحدة : بغيتي شيء حاجة ا خويا ؟؟؟

سارة غير شافتوو بعد عليها شوية وهو يرجع فيها النفس وبغات تستغل الفرصة وتفك مي كيف شافت شكون الطرف الثالث لي جاي عرفات زهرها العوج اليوم ما غاديش يساعدها ....

إسحاق خنزر فسارة بمعنى وياك تهربي وهو يضور عند خووه وعلى محياه البرود : خويا موسى غير سبقني انا وشوية ونطلع لعندك ....

موسى وهو كيشوف فسارة : قلتي ليا بغيتي تجيب شيء حاجة من طونوبيل ... واش هي هادي ؟؟؟

إسحاق عرفو فهمو غلط : بطبيعة الحال لا ... مي الانسة علا ما أظن عندها شيء سوء تفاهم معايا ...

اشار ليه للطونوبيلة بصبعو وكما كلاموو بنبرة فيها نوع من العصبية : شووف اش دارت ؟؟؟

موسى ببرود : واقيلا هادي طونوبيلتي ؟؟

إسحاق هز حاجب ونزل لاخر وهو يضرب على الماطريكيل ديال اللوطو ... وهنا عرف راسوو تكشف حيث منين هز طونوبيلة خووه ولفها من ديك النهار ومبقاش سخى بيها ونسى بلي شيء يوم يقدر يحصل ... وهاد اليوم هاهو جا ...