أحببت زوج أختي 🩸مكتملة🩸

🩸الجزء 105🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 105 📿

عند يونس ⛓️

من بعد مامشى للمقبرة فالصباح وزار ختو زيارة خفيفة رجع للدار وهو طالع لبيتو باش يهز سوارت طونوبيلتوو ... سمع أمو كضارب مع باه فالبيت الفوق ... وبلا عكز مشى قرب باتجاه بيتهم وهو كيسمع شنو كيقولو ...

فداخل البيت ...

ربيعة كتمشي وتجي فبلاصتها وكتهضر وهي مفقوصة : واش نتا باغي تحمقني ... هاد جوج حيوط لي عندنا والمانضة لي دايراها لينا دولة ديال تقاعد ... بغيتي تصفيها ونجلسو على الضس ...

أب يونس : وصافي يا هاد المراة ... راه قلت ليك مكنشعرش براسي حتى كندخل نقمر ...

ربيعة كتغدد فداخلها وباغا غير تشدو تسلخوو : راه انا لي غادي نقمر عليك اليوم ... واش باغي تخرج عليا ... تمارة ديال سنين ضربها ليا فزيرو ...

أب يونس : صافي راه منبقاش نعاود ... اخر مرة اربيعة كلمة رجال ..

ربيعة ضحكات بسخرية وقالت بصوت عالي : هاكيلي ... هاكاوا ... على كلمة الرجال ... على انا باقا نتيق فيك ... وكون غير بقات عندي ندوزها ... نتا مقمر ليا ب 20 مليون كاملة وخاسر ومسددها فنفس الوقت ونتا كتخلص غير ب 190 الف ريال شهر كيف درتي ليها ...

أب يونس : وشنو بغيتيني ندخل للحبس ... باش تبقاي على خاطرك ...

ربيعة بعصبية : اللهم دخل ولا دير ليا هاد الفقصة ... اويلي اعيباد الله شوهتك توصل لنسابك ...

أب يونس خنزر فيها وهو ماحاملهاش تدوي معاه هاكا : ونتي شكون قال ليك هاد لهضرة ...

ربيعة : ياكما كيتسحاب ليك انا مكلخة فحالك ... الشيك باش تدفع دين فيه سمية بنتي ... اذن  راه باينة ايكونو الفلوس خرجو من حسابها ... داكشي لي شحال  وهي تجمع ولي وكيعطيها راجلها جيتي نتا وولدك ضرتوو بها حتى عطاتكم كلشي ... ولكن حسابكم معايا من بعد

أب يونس بسخط : راه حتى هاداك رزق بنتي وانا عارف الغلط لي درت مي ماغاديش نعاود ... صافي سدي الموضوع ...

ربيعة : هادشي ايبقى بيناتنا وفاش يتزوج ولدك بديك خيتي وياك نسمعك خرجتي حرف على عادتك القديمة... أسرارنا يبقاو هنا وممنوع يخرجو ماقادين على شوهة مع البراني ...

أب يونس : على أنا كنعاود لمن ما كان ...

ربيعة بالغوات : وما تعاود لحد ولا تهضر ... بقى غير ساكت ...

داز الوقت ...

من بعد ما بقى خدام فبيتوو وحداه بنتو كتلعب ... جات فبالو شنو تكون كدير فهاد الوقت ... واش زعما تكون عرفات غلطها وخدات قرار تبدل ولا لي فراسها راه فراسها ... وبهدوء سد داك لبيسي ... وناض هاز ألاء مهبطها لتحت ... بانت ليه الخدامة كتجمع دار وهو يعيط عليها كانت مراة كبيرة فالعمر ...