💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
سطاسيونات قدام واحد البرطمة راقية جاية فموقع استراتيجي زوين وسياحي ... هبطات ليلى هي الاولى كتمنظر وعاجبها الحال وموراها عمران ما فاهم والو كيف العادة وغير تابعها ....
قدامهم كان سعد كيدوي مع العساس وكيوصيه على ليلى ودري وغير سالا جا لعندها مبتاسم ... ليلى هزات فيه عينيها وهي مبتاسمة وقالت : ياكما كاين شيء مشكل ؟؟
سعد مرر عيونو على سائر وجهها وقال : نوو مكاين حتى مشكل بالعكس كلشي ميسر ...
ليلى تنهدات براحة : شكرا بزاف اسعووش والله كون ما انت ماعرفتش شنو كنت اندير ...
سعد : دابا انا لي خاصني نشكرك حيث قبلتي وجيتي معايا حتى لهنا ...
ليلى ضربات على كتفوو بميوعة وهي كضحك وقالت : هانتا حشمتيني دابا ...
سعد قرصها من حنكها وقال : يخليلي لي كيحشم ... مهم ها ساروت ديال دار ...
مد ليها ساروت فيديها وشاف فعمران بنص عين وبدا كيخربق ليه فشعرو الشيء لي ماحملوش هاد الاخير هو يبعد دغيا ... ليلى شافت داك الفلاش وماعجبهاش الحال داكشي باش قربات لسعد وبدات تلعب فصدايف قاميحتو بغنج : مرة مرة دوز وما طولش الغيبة ...
سعد هبط راسو حتى خطف بوسها من حنكها بزربة وقال : اكيد ماغاديش نخليك بوحدك ... غير نسالي شغالي وانا عندك ...
ليلى بعدات عليه ودارت باي باي بيديها وزادت طالعة للفوق مطلعة عمران هو الاول ومن بعد عاد تهبط طلع الحوايج ... وفديك طلعة حطات تيليفونها فدار وخلات عمران كيتسنى وفاللحضة لي نزلات لتحت صونى تيليفونها ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عمران مشى كيطل على شكون المتصل وغير بانت ليه سمية يونس جمع يديه وهو ماعارفش شنو يدير ... فالداخل ديالو ماباغيش يبقى هنا ولا يتلاقا مع داك سعد مرة اخرى حيث مرتاحش ليه ... ولكن مبغاش يجبد صداع ليونس حيث هو غير براني عليهم مي رغم ذلك كيبقى هو صديقو الوحيد وعزيز عليه واخا كيتعصب عليه مرة مرة ...
وبدون شعور منو هز داك تيليفون فاتح خط المكالمة وكتسناه يدوي ... يونس غير تفتح الخط نطق بصوت باين فيه عيان وكيخاطب ليلى لي عند بالو هي لي جاوباتوو : خرجي لعندي انا كنتسناك فالكافي ديالنا ...
يونس ما دا ما جاب قال يمكن هو جاوب بلاصة ليلى حيث اتكون فالحمام : البطل لباس ...
عمران وهو حاضي مع لباب لا طلع مو وتحصلو : بخير ونتا ...
يونس سرط ريقوو بزز وقال بصعوبة : ب ..خ ير ... ماماك فين هي ؟؟؟
عمران : مشات للطونوبيل باش طلع الباليزات ...
يونس تكعد من بلاصتوو مقاد فالجلسة وقال بحدة : اشمن باليزات على نتوما فين كاينين ؟؟
عمران : حنا جينا لطنجة غير اليوم فصباح ... عمي يونس انا مبغيتش نبقى هنا ممكن تجي ترجعني ونعيش معاك ...
يونس زير على يديه وهو معصب وقال : تقدر تسيفط ليا الموقع ديالكم باش نجي ...
عمران : واخا انا نسيفطو ليك دابا ...
قطع عمران ومشى ديريكت للواتساب سيفط ليك لوكاليزاسيو فين هوما كاينين بالظبط من بعد مسح كلشي حتى من المكالمة لي دازت بينو وبين يونس باش ليلى ما تشكش فيه ... وغير كمل رجع تيليفون بلاصتوو كان شيء لم يكن ومشى جلس فالبيت كيتسنى يونس غير امتا يجي يديه ...
#يتب...ع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
