أحببت زوج أختي 🩸مكتملة🩸

🩸الجزء 16🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 16 📿

أصبحنا واصبح الملك لله 🍷

ونمشيو لعند ليلى 🕊️

جالسة فوق السرير مكشمة وعقلها ما زال ما استوعب ديك اللحظة لي لاحها يونس من فوق سطح ديال لوطيل ... لدرجة ما بقاش كيجيها نعاس فمرة وكل مرة تغمض عينيها كتعاود ليها ديك اللقطة فدماغها وكتفكر كون ما شدهاش فاخر لحظة وطلقها غير شوية فاكيد كانت ماغاديش تبقى حية ... وهنا عرفات بحق الموت وكيف دايرة وكيف تقدر تغفلك ونتا حال عينيك ...

ولكن هي ماشي شخص واعي لدرجة تقدر تعرف بلي الغلط لي دارتو واخا ماشي مقصود راه كيبقى غلط والنتيجة هي لي طرات ليها ... ولكن بالنسبة ليونس واش هي خلصات بمرة ولا باقي الحساب طويل ...

وليلى فديك اللحظة هادشي فاش كانت كتفكر ... واش لا رجع لعندها ايرجع كيف كان ... ولا ايتبدل عليها كليا واتدخل معاه فمرحلة العذاب لي مستحيل تسكت عليه ولا تحملو ...

وغير فرضية بسيطة على الوحش لي شافتوو ديك الليلة مقدراتش تزيد تستوعب بشاعة داكشي لي اتعيشوو من هنا لقدام معاه ...

وبسرعة مشات حلات لبلاكار لي عندها وجمعات فيه حوايجها وحوايج عمران وكاع داكشي لي اتحتاج ومنهم الفلوس لي كانوو تما ... خلات فقط حوايجو اما لباقي كلشي هزاتوو ...

وغير قادات شوانط لبسات مونطو طويل فوق داك شيء لي كانت لابسة وجمعات شعرها كوتشوفال ودارت نظاظر فالكحل وزادت خارجة جارة معاها ديك الباليزة وفساكها هازة سوارت طونوبيل وتيليفون والفلوس ...

غير وصلات لباركينغ حطات لباليزة لور وزادت محركة للمدرسة لي كيقرى فيها ولدها ... وحيث كان مزال الوقت باش يخرج جلسات تسناه على برا وهي كتقفقف بالخلعة كونها عارفة شنو ايوقع من بعد واشمن بركان ايهيج فاش ما يلقاهاش فالبلاصة لي خلاها ...

وغير وصل موعد لي بداو دراري كيخرجو من المدرسة نزلات كتجري ملقية لعمران ... هاد الاخير لي فرح فاش شافها لاول مرة فحياتها جات عندو ولكن الصدمة غلبات عليه فاش جراتوو من يدو بزربة وقالت بسرعة : طلع للطونوبيل وخلينا نمشيو ...

عمران هز فيها عيونو وهو ما فاهم والو ... اشمن استقبال عند هاد السيدة واشمن نوع من الامهات هي ... واش لهاد الدرجة كتكرهو وماباغاهش يكون بجنبها وفحياتها ...

بزاف ديال الافكار كيجولو فدماغوو الصغير ولايني وكل امرو لله وتبعها طالع لور وحاط شكارتوو جنبو ... وكيف طلع شافت قدامها لمدة طويلة وزادت مكسيرية لبعيد وهي براسها ماعارفة لاي مدينة اتمشي وتبعد فمرة ... وأهم حاجة ما يلقاهاش يونس والا غادي يكون مصيرها هاد المرة القبر مافيهاش شك ...