أحببت زوج أختي 🩸مكتملة🩸

🩸الجزء 124🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 124 📿

ليلى فلتات ليها ضحكة وقالت : هي خدينا الأجر ...

ربيعة بتخنزيرة : الاجر لي اديري هو توجدي هاد الغداء قبل ما يجي راجلك ولا ديك ساعة اتهجريه نيت ...

ليلى : ناري يا عكوزتي الواحد ما يضحكش معاك ... خلي قشابتك واسعة ...

ربيعة وهي دايزة من حداها باش تخرج : وسعيها غير نتي

ليلى تبعات ليها العين حتى خرجات وهي كتقول : لا حول ولا قوة الا بالله العلي العظيم

ومادازش بزاف ديال الوقت حتى تم هابط يونس من الفوق وهو كيخربق شعرو وباينة فيه عاد فايق ... وبدون مقدمات دخل عليها للكوزينة وباسها من حنكها وكيقول : علاش مافيقتينيش ...

ليلى : ايوا قلتي عندك عطلة قلنا نخليوك ترتاح ...

يونس حرك راسو باه وزاد كينقب من داكشي لي كتقاد : مممم هادشي عندك مقاد ... ماعندي مايتسالك

ليلى ضربات ليه يديه بقوة وهي مغوبشة : وديكور ازمر اتخسرو ليا وزايدون ناس مكياكلوش فالكوزينة ...

يونس وهو كيقرب ليها : ايوا عطيني ناكل شيء حاجة أخرى ...

ليلى وهي كتبعد فراسها بحالا عرفاتو علاش ناوي : سير تزمر دابا مامسالياش ..

يونس بإغراء : شوفي وكان ...

مع بغى يزيد يقرب دخلات ربيعة وهي هازة قرعة ديال الماء وكتهضر : واخا عطاوك روبو بنتي ليا مابغيتيش تعطيه لراسك ...

يونس دغيا بعد على ليلى ونطق بهدوء : ايوا شوية هنا وشوية لهيه (غمزها)

ربيعة : ايوا الله يمسخك (بحدة) دوز شوف داك باك فين مجلي على برا راه ولف النبيش ...

يونس خربق ليلى شعرها وزاد خارج وهو كيقول : هاهو غادي

نخليو هادو لي ديما عايشين بحال هاكا ونمشيو عند أبطالنا عيسى ورانيا ولي فهاد الأسبوع مشاو فيها للعمرة ودوزو وقتهم غير فالعبادة والتسبيح وإشباع شوقهم للكعبة وداك المنظر لي كتشوف ناس مجموعين عليها وكيدعيو ... فعلا إحساس زوين تبغي اي واحد يجربو ولهلا يحرمنا ويحرمكم من داك الاحساس ...

مدة جوج أسابيع مكانتش كافياهم وماسخاوش بيها ولايني ماعندهم ما يديرو من غير يرجعو للبلاد حيث خلاو ألاء بوحدها مع عائلة عيسى لي جات غير مؤخرا باش يديرو صدقة يجمعو فيها شمل العائلة ...

ونمشيو لمطار محمد الخامس بالدار البيضاء ... واقفة بعبايتها السوداء وعيسى بجنبها كيهز الباليزة وساك لي داو معاهم ... كيف حطات يديها باش تعاونو حبسها بيدو وقال بابتسامة : غير خليك ...

رانيا بادلاتو نفس الابتسامة وهي كتشوفو كيقاد ساك فوق الباليزة باش يجر كلشي فدقة خخخ من بعد قالت : غادي تفرح ألاء بزاف منين تشوفنا ... وخصوصا اننا درناها ليها مفاجأة ...

عيسى جر ديك الباليزة بيد واليد الثانية شد بيها يد رانيا وزادو خارجين لبرا فين كتسناهم طونوبيل : البارح عيات فيا باش نقول ليها امتا جايين ... ساعة ما صورات مني والو ...

رانيا بغيض : ناري شحال زقرام ... باينة قلقتيها عاوتاني

عيسى جرها لعندو حتى صدق مضور يديه على كتفها بنفس اليد لي كان شاد بيها يديها : نشوفوك نتي البرهوشة اشنو غادي ديري معاها فاش تعرفك بلي ماجبتيش ليها داكشي لي وصاتك عليه ...

رانيا شافت فيه بعدم تصديق وهي حالة فمها على الجهد : ناري والله ايلا نسيت ... اش هاد الكارثة ...

عيسى قرب وجهو لعندها وهو باغي يشد فيها : واشنوو لي نساك ...

رانيا بدون شعور : نتا !؟

عيسى هز فيها عينيه بمعنى اشنو الشيء لي خلاها تدارك الوضع وتقول : بغيت نقصد زعما زربة لي درتي ليا ... طوفتينا ماخليتينا كاع نجلسو على خاطرنا

عيسى نطق بصوت كفحيح الأفعى : اش بان ليك تشوفي ... الزربة على أصولها ...

رانيا مافهماتووش شنو بغى يقصد ولايني خلاتو يدير شرع يديه حتى كتفاجئ بالتحام شفتيه مع ديالها قدام ناس ماسوقو فحد ... وبسرعة بعدات عليه وهي حاطة يديها على فمها ويد كضرب بيها بشوية فوق صدرو : واش حماقيتي ولا مالك

عيسى هز فيها حاجب ونزل لاخر وقال بحدة فنفس الوقت : علاش مالي ؟؟

رانيا ضارت كتشوف لا يكون شيء حد شافهم وهي كتقول : ناس راه حدانا ...

عيسى جرها لعندو ثاني حتى خرجات عينيها وقال بهدوء : مكيهمونيش الناس أنا ...

رانيا يالاه بغات دوي سمعات حس الشيفور كيعيط عليهم باش يطلعوو ... وهنا سيدة غرقات فحوايجها بالحشمة ومكرهاتش تاكلها الأرض ولا تهز للسماء ... عيسى بقى متبع ليها العين ونصف ابتاسمة مرسومة على وجهو من حشمتها ووجهها لي ولا حمر تقول صرفقتيها ...

#يتب...ع