أحببت زوج أختي 🩸مكتملة🩸

🩸الجزء 28🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 28 📿

رانيا دغيا تداركات الموقف وبدات كتشير ليه فالباب بيديها وباينة عليها تالفة : امتا دخلتي ؟؟

عيسى فيكسى عيونو على تعابير وجهها وكيف توردو خدودها وحمارت بدون سبب ... بالرغم من انه سمعها شنو قالت الا وانه ما هبطش عينيه يشوف فرجليها كيف لمكبوت بالعكس بقى ثابت وعيونو ما نزلوش من على وجهها : دخلت غير قبيلا ...

رانيا حركات راسها بالايجاب وزادت عاطياه بالظهر باش دخل للحمام حتى قاطعها صوتو الخشن لي ردد به جملتوو بكل هدوء : خودي راحتك ...

ضارت لعندو وهي غارقة فحوايجها مكرهاتش فهاد اللحظة تختافي من قداموو ولكن بقات مثبتة ومبينة ليه بلي حتى حاجة ما واقعة: اممم اك

عيسى تبع ليها العين حتى دخلات للحمام وهو يضور كيشوف فبنتوو لقاها كتشوف نيشان فباب الحمام ... باسها من حنكها وهي محياه ابتسامة خفيفة ... رغم كاع الصعوبات لي كيدوز منهم اخيرا ولات عندو واحد الحاجة يقدر يرجع ليها ونسى كاع الهموم فالاول كانت امها بوحدها ومن بعد ولاو بجوج ودابا بقات غير هي ... يفديها بعمرو ولا يفرط فيها ...

نمشيو عند رانيا لي غير سدات باب الحمام بقات غادة جاية وتولول غير بوحدها ... وتهبط عينيها لرجليها تشوف فدوك زغيبات لي ماباينينش بزاف وترجع تشوف فوجهها ...

بقات على داك الحال حتى سمعات الحس تقطع وشيء حد سد لباب وخرج ... وهنا بحالا عطيتيها العفو الملكي دغيا خرجات من الحمام وبدات ضور عينيها فالبيت وهي كتغبن : كيفاش انقدر نشوف فوجهوو مزال يخخخ على بلان

ضربات على فمها لمرات عديدة وهي كتعاتب راسها : وحتى هاد الفم عندي ما كيسكتش من الكلام المعسووول ... اش داني نهضر ... اش داني ...

وهاكدا بقى حالها حتى مشات بدلات ديك الكسوة ولبسات كلشي طويل ومستور باش ما يلقى فين يحقق عند بالها هو شخص بحال دوك البراهش لي قرات معاهم ولا لي تعرفات عليهم فمواقع التواصل الاجتماعي ساعة عيسى تفكيرو مامشاش بمرة لداكشي حيث بطبيعتو عندو عادي .... ومايمكنش تعاتب الانسان او تسخر منو من شيء حاجة تخلق بها فهنا فين كنشوفو الانسان لي عندو العقل او واعي من الشخص لي غير مكدم فالحياة وثقافتو صفر ...

لتحت ...

جالسين العائلة مجمعين وكيتأسفو لحالة ألاء وعيسى لي غذرهم الزمان وبعد عليهم اقرب انسانة ليهم وطبعا بلاما نساو دوك الكلمات تاع كانت انسانة طيبة والله يعمرها دار ... كاين لي كيقول بلي خبر الوفاة صدمو وكاين لي كيصبر فام خديجة ويحاول يواسيها وكاين لي هامو غير عيسى يهبط ويفتح معاه مواضيع البزنيس وهادا هو حال ناس الكلاص الاعمال كتجري ليهم فالدم ...