أحببت زوج أختي 🩸مكتملة🩸

🩸الجزء 109🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 109 📿

فجهة أخرى مغايرة وبالظبط فالدولة الكورية الجنوبية وفالعاصمة سيول ... فأضخم الشركات المعروفة فالمدينة كانو مستفين جميع الموظفين والرئيس المكلف بهم على برا كيتسناو ... وغير بانت ليهم سيارة مول الشيء جاي تقادو فالوقفة حتى وصل حداهم ...

نزل الشيفور كيجري فتح الباب اللوراني ونزل منو رجل في الثلاثينات ... وسامتوو طاغية ولكن ملامحو صارمة ... ما عار اهتمام حتى لواحد لا لدوك الموظفين لي تحناو مقوصين ظهرهم ولا لداك لبوديكارد لي تابعوو وهاز شيء ملفات فيديه ... همو يوصل للمكتب الخاص به والسلام ...

وصل لسانسور ودخل هو بوحدو وكيف جا لبوديكارد يطلع معاه وقفو بيديه ونطق بالكورية : ايريمي بويا (شنو سميتك)

البوديكارد حنى راسو وجاوبو بهدوء : تشا دا غول ...

طلعو ونزلو ببرود وضغط على الزر لي مكتوب فيه الطابق لي بغى وقبل ما يتسد السانسور نطق باستحقار وهو ماحاملش داك البوديكارد الجديد لي جابو ليه : كوجوو (غبر من قدامي)

تسد السانسور من بعد بانت على محياه إبتسامة سايكوباتية ... ماتعرفو علاش ناوي ولا شنو كيضور فدماغوو ولكن بداك الفعل لي دار ايكون رد صاع صاعين لعائلتوو لي كدير فيها راسها مهتمة به وهوما غير كان مراهق سيفطوه لامريكا بحال المنبوذ ولكن دابا رجع بديبلوماتوو وذكائو واستوى على شركة من شركات باه العالمية في مجال الاشهار ...

تحل السانسور وخرج كيقاد فساعتوو الذهبية وعينيه على الممر لي خاوي حيث ديجا نبههم بلي ما يدوز حد من قدامو فاش يكون هو كاين فالشركة وغير لقى صقيل بانت شبه ابتسامة على شفايفو وكمل طريقو للمكتب ... مع دخل بان ليه باه جالس وباين فيه معصب وغير شافوو خنزر فيه وقال : انجا (جلس)

تنهد تنهيدة طويلة من هاد الحديث الممل لي طلع ليه فراسوو وجلس وهو كيحل لفيستة ديال لكوستيم وفنفس الوقت كيدوي بسخرية : ابا بوزن نيريسوو (واش واقعة شيء حاجة ابابا)

بدون مقدمات شاف فيه بحدة وبدل لغتوو للانجليزية لي ماغاديش يفهموها دوك لي كيتنسطو عليه (عائلتو) : قلتي بلي غادي تربح المناقصة وتسكت عليا دوك القماقم ولكن على ما بان ليا عيسى دار خدمتو وهو لي سكتك ...

خرجات من ثغرو ابتسامة شيطانية ولي تحولات لقهقهات جنونية من بعد بدل سيفتوو كاملة وهو مخنزر ومشدد على سنانو : حتى يكون باقي عايش باش يسكتي ...

باه شاف فيه باستغراب وقال : شنو باغي تقصد ؟؟

بابتسامة ماكرة جاوبو وهو كيشوف لبعيد وكيتفكر الماضي : خلي كلابك على القرص مابقى قد ما فات وتسمع خبارو

ماجاوبوش باه ولايني دار ليه اشارة بعينيه باش يخليه يتأكد الشيء لي خلاه يجبد تيلفونو من فيسط وهو كيدير فباه شوفات ديال تحدي بحالا كيقول ليه هانا نوريك على شنو قاد ... وغير دوز الخط لاول رقم طلع ليه فاللائحة ... دار مكبر صوت وجلس يتسنى حتى تفتح الخط عاد قال بحدة : امضرا فين وصلتي ؟؟

*** : ميسيو ريان كلشي كيف طلبتي كنتسناوه غير يخرج من دار ...

ريان دار رجل على رجل وقال بنبرة قاسية : تأكد من موتو وموت اي واحد قريب ليه ...

*** : فاش دخلنا للدار مكان حد من غيرو او بنت صغيرة ...

ريان تقاد فالوقفة ونطق باستغراب وفنفس الوقت وهو مخنزر : كيفاش كاين غير هو ... وعلى ديك التافهة فين مشات

*** : سمح ليا اسيدي ولكن هادشي لي كاين ...

ريان هز عينيه فباه ونطق بصوت هامس كفحيح الأفعى : بغيت خبارو اليوم توصلني ... ولا عرفتي شنو سبقها لعائلتي حسن باش يعرفوني علاش قاد (غمز باه)

باه حمحم بصوت رجولي وقاسي وناض جامع الوقفة باغي يخرج ولايني غير تفكر واحد الحاجة تم راجع عندو وهو كيسولو : غادي نكون مكلخ لا تيقت بلي هادشي كديرو غير على قبل المناقصة لي خسرتي ... بينك وبينو حساب قديم ياك ...

ريان هز كتافو بلا مبالاة وقال : كان خاصو يعرفني مزيان شنو كنسوى قبل ما يحط عليا يديه ..

الاب باستغراب : مفهمتش ؟!

ريان ناض غادي جاي بلاصتوو وهو كيتفكر داك لحساب القديم : نهار سيفطتوني لامريكا نكمل حياتي تما ... كانت واحد لبنت عندنا معاها حساب ... عاجبها راسها بلا قياس ... وضاربات مع لكليكة ديالنا ... ايوا فاش جينا نوريوها شكون حنا ... دخل هاد ميخي وبقى كيحامي عليها لدرجة صحابي قلبوو عليا بسبابو وخلاوني تما بحال شيء واحد فيه جدام ... ردوني أنا الخايب فالقصة ... اللهم نخياب دابا وحتى لا خيابيت انكون عارف علاش ...

الاب تبسم بسخرية وقال : يعني القضية ... قضية ثأر وصافي ...

ريان ضور عينيه فالمكان بميوعة وقال : مزال ما شفتي والو ... هادي غير البداية ...

الأب بحدة : انا هادشي ديالك مادخلنيش فيه مهم عندي هي النتيجة ...

ريان وهو مطول كلمتوو : كوكتومباصيو (كون هاني )

وبدون ما يسمعو شنو كيقول ضرب خرج وخلاه كيضور فداك المكتب الكبير وكيذنذن ويغني وفنفس الوقت كيتفكر الخطة لي عطاها لرجالو باش يديرو نهاية لشيء شخص سميتوو عيسى فمرة وحدة ...

#يتب...ع
عقلتو عليه هادا هو لي كان باغي يتعدى على رانيا فالبارتيات الأولى من القصة