💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
لاحت ليها داك الكلام وتمات راجعة بأدراجها للكوزينة تكمل شغالها ومع دخلات بان ليها يونس كيشوف فيها شوفات شك ... عارف بلي تحت راسها شيء بلان مي بغى يخلي حتى لمن بعد ويعرف لراسوو ... وهو كيشوف فيها خداتوو ذاكرتوو لشوية لور وبالظبط قبل 4 د سوايع ...
كيخدم كيف العادة وكيف مولف حتى صونى ليه تيليفون وغير شاف سميتها جاوب ديك ساعة : وي ليلى راني فالخدمة ...
ليلى وهي خارجة كتجري وكل شوية ضور من موراها : س س ع د جا كيقلب عل يا ...
يونس ناض نوضة وحدة جامع الوقفة وهو ما فاهم والو : كيفاش ... وقع هادشي ...
ليلى بانفعال : ماعرفتش كنت داخلة للخدمة كيف ديما حتى كنشوفو واقف فالاستقبال وكيسول عليا ... قبل ما يشوفني هربت من تما ....
يونس توجه لباب الرئيسي وهو كيهضر بزربة : انا جاي عندك واليوم نديرو حد لهاد الموضوع ...
فاق من سهوتوو على ذكر هاد الجملة لي واعدها بها وبدون ما يزيد يبقى حدا موو خرج لعندها مي ملقاش ليها الاثر ... وكيف حط رجليه برا بانت ليه اتخرج ... عيط ليها بسميتها بصوت عالي وقوي : ليللللللى
ليلى ضارت لعندو وشافت فيه لمدة طويلة وحتى هو بقى واقف كيشوف فيها حتى بلق عينيه على الجهد فاش شافها عطاتوو بالجهد وخارجة ... تبعها كيجري وقبل ما تشد طاكسي جرها من يديها لعندو حتى تزدحات فصدرو وهزات راسها لعندو....
يونس: فين غادة ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليلى بهدوء : غادة نجيب ولدي ... يمكن يمشي داك الحمق لعندو ولا يخطفو ليا شكون لي عرف ...
يونس : انمشي معاك ...
ليلى برفض : مكاين لاش غير خليك مع ماماك ... لا تقول كنعمرك عليها
يونس عقد غوباشتوو ونطق بتساؤل : واش قالت ليك شيء حاجة ...
ليلى حركات راسها بلا وقالت : ما قالت ليا والو ... وحتى لو قالت ... متنساش شكون أنا ...
مول الطاكسي لي وقف ليهم شاف فيهم من المراية القدامية وقال : واش ما غاديش تركبي اختي ...
ليلى باستوو فحنكو حتى طلق من يديها وركبات وعقلها كيخمم غير فكلام ربيعة بينما هو بقى متبع طيفها حتى غبرات وتم راجع بأدراجو للدار وعقلو مشوش كثر منها بخصوص زواجهم ....
داز الوقت وبالظبط نمشيو عند ربيعة ....
الموضوع ديال زواج يونس سداتوو وما بقاتش دوات فيه واخا جا راجلها مي سكتات وما هضراتش من غير قولها بلي عائلة عيسى ايجيو عندهم لعشية ... ديك العشية لي كانت مليئة بالمفاجات والصدمات والصدمة الكبيرة ليهم هوما فين جاو واليدين عيسى وضايفوهم كأي عائلة مغربية وجلسو يجمعوو من بعد عاد افتاتحات الموضوع حبيبة لي تقادات فجلستها وقالت ....
حبيبة : ايوا اتاي وشربناه ... والجموع لا بقينا عليه ماغاديش نساليو ... اللهم نقولو علاش جينا ...
ربيعة : مرحبا الله اودي ... راه ماشي جميل منا ...
حبيبة : ربي يحفظك ... الحاج ...
راجلها شاف فيها كتنغزو باش يدوي وهو يقاد الجلسة وطلقها بزربة بلاما يشعر : كيفما كتشوف اسي الحاج ( اب رانيا ) جينا ليوم باش تناقشو بخصوص حالة حفيدتنا بجوج ...
ربيعة بقلق : مالها ألاء ياكما مريضة ...
حبيبة : يمرض عدوها لي ما يبغيها ... غير هو ما جاتش نخليوها تكبر بلا أم ...
ربيعة خسرات سيفتها وقالت : وشنو علاقة هادشي بينا حنا واش كتاخدو الموافقة منا باش تعاودو تزوجو ولدكم ...
اب رانيا شاف فاب عيسى وقال بعدم تصديق : اش هادشي الحاج ؟؟؟
اب عيسى دوز يديه على لحيتو وقال بهدوء : بغات تقول بلي جينا اليوم طالبين راغبين فيد بنتكم رانيا لولدنا عيسى على سنة الله ورسوله ...
ومع كمل كلامو تم داخل مع ديك الصالة وهو عاقد غوباشتوو ... هادو اش كيخورو عليه ... واش ختو سيفطها تقرا ولا يجيو الخطاب فيها والزوينة انه هاد الخطاب نسابهم القدام ... مجرد فكرة فالزواج بديك العائلة كتعصبوو ما عاسكم تكون حقيقية ... راه يقدر يحرق الاخضر واليابس ... وبدون شعور منو تم قاصدهم وهدفوو اليوم يدمر هاد الافكار لي شادينها فدماغهم ولي ليها ليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
