أحببت زوج أختي 🩸مكتملة🩸

🩸الجزء 87🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 87 📿

لالة مينة بانفعال : ما كيهمش شنو قالها ليا ولا منين سمعتها ... المهم هو واش نتا قلتي هادشي ...

موسى ضوروها فراسو مزيان ودغيا قدر يقشع بلي هي مولات الفعل مي كيف دارت ليها هادشي لي باغي يعرف مي غير سمع هضرة أمو الاخيرة قدر يتسنتج بلي غير سمعاتها كتهضر بخصوص الموضوع وعرف بلي ختنا باغا تلعبها عليه مزيان ساعة معامن طاحت ... وباش يرد ليها الصاع صاعين ويخليها تندم على نهار لي فكرات فيه تلعب معاه جاوب أمو بجدية الاكثر من المعتاد : قلتها مي هي ماخلاتنيش نكمل كلامي ...

لالة مينة : اشمن كلام ؟؟

موسى : بلي ناوي نتزوج بها أنا ماشي إسحاق ...

إسحاق غير سمع خوه شنو قال بصق داك العصير كولو لي كان كيشرب فيه وبدا كيحب بجهد حيث تخنق ديال المعقوول مخلي أمو باقا مضهشرة من داكشي لي سمعات ...

لالة مينة بدون ما ترمش شافت فولدها بجدية وقالت بتساؤل : مافهمتش اولدي ... واش كدوي بصح ...

موسى ببرود : على بانت ليك فوجهي كنضحك ...

لالة مينة : ولكن اولدي هادشي ما كانت...

موسى قاطعها قبل ما تكمل هضرتها : ماعرفتش شنو سمعتي بالظبط (كرز على كلماتوو) ولا من عندمن سمعتي مي الكمالة ديال القصة هي هادي ...

لالة مينة بارتباك قالت : ايوا اولدي هي شنو قالت ...

موسى هز تيليفونو من فوق الطبلة وناض جامع الوقفة وهو كيقول : داكشي لي لقيتي غادي نمشي نعرفو ...

لالة مينة تبعات ليه العين حتى خرج وشافت فإسحاق لي مافاهم وقالت باستغراب : واش كان فخبارك هادشي انت ؟؟

إسحاق هز كتافوو بهدوء وقال : وكيفاش غادي نعرف ... راه بحالي بحالك تصدمت كثر منك ... واش عارفة شنو هي موسى يطلب زواج من بنت عمرو عرفها ... راه مكندويوش على شيء شخص عادي راه موسى هادا ...

لالة مينة : ولكن هادشي ماقالتووش ليا البنت ...

إسحاق بشك : يعني دويتي معاها بخصوص هاد الموضوع ...

لالة ناضت واقفة متجنبة تجاوبو على سؤالو وقالت بغضب : عنداك يتسحاب ليك بلي نسيت داكشي لي دررتي ... الحساب راه باقي بيناتنا ...

إسحاق تنهد تنهيدة طويلة وسكت ما جاوبهاش حتى مشات عاد ناض حتى هو محرك يمشي لخدمتوو ....

داز الوقت ...

خارجة من الدار وهي كدوي فالتيليفون وضحك والبسمة مزينة وجهها وعيونها الكبار كيبريو ... شعرها مطلوق على راحتوو وكتمشى بكل نخوة بحال شيء ملكة ما كيهمها حتى حاجة ...

سارة رجعات شعرها وراء وذنيها وقالت بميوعة وهي كضحك : والله ايلا ازين مكرهتش نشوفك ... مي دوماج منقدرش نهبط حاليا للمغرب ... يالاه خديت ديبلوم ودفعت لواحد شركة وقريب يعيطوو عليا باش ندوز المباراة ... مكرهتش نتقبل ونبدا حياة جديدة ونعول على راسي ... صافي اك حتى ليل وندويو ... بيزو

قطعات الخط وهي كتحاول تخشي تيليفونها فساك بدون ما ترد للبال للشخص لي وقف عليها ... مي كيف ضارت بان ليها ومع هي ماشافتووش من قبل قفزات بالخلعة وقالت : واش مريض فراااسك راااك خلعتييني

موسى هز حاجب ونزل لاخر وقال بحدة : كيعجب تلعبي

سارة بعدم فهم : نعام ؟!

موسى قرب لعندها شادها من ذراعها بقوة وقال : واش يتسحاب ليك بلي لعبتك التافهة ماغاديش نعرف بلي نتي لي من موراها

سارة ضارت راسها ما فخبارها ما يتعاود : علاش كتهضر نتا واش حماقيتي ... طلق مني يدي

موسى جرها من ذراعها حتى لواحد الزنقة ضيقة وجابها قدامو وقال ببرود : شحال بغيتي ديال الفلوس ؟؟

سارة بدهشة : كيفاش ؟؟

موسى بسخرية : علاش ... ماشي هادشي علاش كتقلبي ...

سارة جات بغات تمشي حتى وقفها مرجعها للبلاصة لي كانت واقفة : بعد من طريقي ولا راه غادي نغووت ونجمع عليك ناس ...

موسى ضحك بسخرية وقال: تفضلي ...

سارة عضات على شفايفها بفقصة وقالت بانفعال : حنا دابا متعادلين ... دقتي رديتيها والسلام سوو بلاما تبان فطريقي مرة أخرى ...

جات بغات تمشي مرة أخرى مي لقاتوو حاوط جسمها بيديه بجوج باش ما تقدرش تهرب لدرجة جسمو الضخم غطاها حتى ما بقاتش كتبان من بعد هبط وجهو لعندها وقال بفحيح زرع فيها الخوف من صبع رجليها الصغير : بغيتي اللعب ... ايوا تفرجي وشوفيه على أصولو ...

بلعات ريقها بصعوبة وحاولات تجمع كلماتها وتنطق بديك الجملة : شنو بغيتي عندي ؟؟

ضحك بسخرية على سؤالها وتفكر كاع اللعب لي دارتوو وببرود حط عينيه فعينيها وقال بتحدي : نتي ...

#يتب...ع