أحببت زوج أختي 🩸مكتملة🩸

🩸الجزء 85🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 85 📿

رانيا بتساؤل : علاش فين غنمشيو ؟؟

عيسى أشار ليها بصبعوو وقال : نتي وبنتي لي غتمشيو وماغاديش ترجعو لهنا ...

عطاها بالظهر وزاد وقبل ما يبعد بزاف كمل جملتو بكلام ظهشرها وخلاها غير تبقى مبلقة عينيها مصدومة من قرارو ومن تصرفو معاها ولي تغير بلا قياس ...

عيسى : غادي تمشيو للمغرب واتبقااو مع عائلتي حتى نرجع ...

رانيا تبعات طيفوو لي خارج وهي ما قادة ترمش ما قادة تدوي ... ياك عاد كان معاها مزيان ... ياك عاد كان كيتعامل معاها على قد عقلها ويدي على هبالها حتى من المشكل لي طرا قال ليها بلي غير يوصل الصباح ويدويو فيه كيف قبل ... واش هادي هي الهضرة لي كان كيقصد انه يبعدها عليه وميبقاش يشوفها ... مبقاش حاملها حداه لدرجة يسيفطها عند أموو ... ولكن هي واش غادي تقبل بسهولة وتمشي اكيد لا ...

وقبل ما يركب فطونوبيلتوو تبعاتوو كتجري سادة من موراه داك الباب بجهد حتى تخبط وقالت بعصبية مخلطة بين القوة والحدة : مزال ما سالينا ...

عيسى ضار عندها بالعرض البطيئ كيشوف فهاد القوة الجديدة منين جاتها وهاد الشخصية الغريبة لي عاد كيتعرف عليها اليوم : واش حماقيتي ولا مالك ...

رانيا : نتا لي حماقيتي ... ميمكنش ليك تبعدني من هنا وقت ما قالها ليك راسك وترجعني وقت ما قالها ليك راسك ثاني ...

عيسى ببرود : غير تهناي ماغاديش نرجعك ...

وهادي هي الصدمة الثانية ولي حسات بها بحال شيء تصرفيقة ضرباتها لوجهها وبشفايفها لي كتحاول تحكم فيهم باش ما يرجفووش قالت : واش لهاد الدرجة مابقيتيش حاملني نبقى حداك ؟؟ لهاد الدرجة كاع ؟؟

عيسى تنهد تنهيدة طويلة وعرفها اتكون فهماتوو غلط ثاني وكيف عادتها عمرها تفهم داكشي لي كيقصد ولا لي ناوي يدير ومع جا يدوي قاطعاتوو بهدوء وهي مرددة كلامها لي خلاه يستغرب منو ويحس فيه نوع من الجدية ...

رانيا : اك غادي نمشي انا وألاء من هنا مي عمرك تحلم نعاود نكون معاك حيث قصتنا سالات وحتى هاد زواج ...

عيسى جرها من ذراعها حتى تلاصقات ظهرها مع باب الطونوبيل وحاوط يديه بجوج فجنابها باش ما تهربش وقال : كنقول ليك مئة مرة بعدي عليك المسلسلات التركية ولا الكورية ولا ماعرفت فاش كتفرجي راه ايخرجوو على عقلك ونتي مكتسمعيش ...

رانيا بحدة : حيد بغيت ندوز
عيسى : ماغاديش نشرح ليك علاش كندير هادشي ... (حط صبعو سبابة على جبهتها ) حيث عقلك ماغاديش يستوعب هادشي مي من بعد مدة تقدري تفهمي مي لي متأكد انك اتفهميه دابا هو قصتي انا ويااك مزال ما سالاتش وعمرها غادي تسالي لاهي لا زواجنا ودابا سيري جمعي حوايجكم الله يرضي عليك واستغفري الله حيث بديتي كدخلي وتخرجي فالهضرة ...