أحببت زوج أختي 🩸مكتملة🩸

🩸الجزء 81🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 81 📿

طريق كولو وهو راجع لدار ... وتفكيرو فهضرتها واش بصح تقدر تكون ماشي هي وكاين شخص اخر كيقلب عليه وباغي يضمر ليه حياتوو وعلاش هادشي على قبل مناقصة تافهة يقدر يربحها لي قدم عرض في المستوى يليق بها ...

بلع ريقو لي نشف بصعوبة وبدا حاط يديه على راسو بينما اليد الأخرى حاطها على الفولون وكيسوق بها ... غير وصل للدار جبد الدواء لي عندو فالسيارة وشرب جوج حبات كيف مولف وخرج ... باغي غير ينعس ويرتاح ...

جبد سوارت من جيبو وحل باب الدار ما مسوق لحتى واحد ... لمح الدنيا مجموعة عرفها اتكون غير هي وخصوصا فاش ما لقاش بنتو فالصالة ... تنهد تنهيدة طويلة وزاد داخل لبيتوو ... كيف حل الباب بانت ليه جالسة فوق السرير وشادة دوك تصاور فيديها ...

عيسى بدون ما يشوف فيها : شنو كديري هنا ؟؟؟

رانيا ناضت وهي مزيرة يديها على دوك التصاور : عارفة بلي غادي تكون مقلق مني ولا يمكن معصب ... ولايني غير سمعني بعدا همم

عيسى ما جاوبهاش وبقى عاقد غوباشتوو وخصوصا فاش بدات الحرارة كتسرا فالجسد ديالو ...

رانيا قربات لعندو حتى فيكسات عينيها فعينيه وقالت : هاد تصاور لي شفتي ماشي كيفما كيتسحاب ليك ... انا وياه ما بيناتنا والو وراه شرحت ليك من قبل ... انا براسي تصدمت فاش شفتو قرب يديه لوجهي بحال هكاك مي راني دفعتوو كنحلف ليك ايلا دفعتوو ...

عيسى بدا كيضور عينيه على سائر وجهها ... وواحد الرغبة زارت كيانو فديك اللحظة غريبة ... ماعارفش علاش كيحس هاكا وباغي يقرب منها ويشم ريحتها ويتجاوز معاها الحدود ... غير بشوفة عينيها وكيف كتعض فشايفها ... بغاها معاه وتكون قريبة ليه ... يخشيها فضلووعو ويخبيها على اي واحد باغي يأذيها ولا يبعدها عليه ... مي قبل ما يستسلم لوسوسة الشيطان ... استغفر الله فداخلو وخدا ليها دوك تصاور من يديها ولاحهم فالارض بجهد وقال بحدة : خرجي من هنا ....

رانيا تجمعو الدموع فعينيها عند بالها كيلومها وهو راه ماباغيش يغلط معاها ويصدق داير شيء كارثة : سمعني بعدا ...

عيسى شدها من يديها وهو حلس بلحمو شوك منين لمس جلدتها الرطبة لدرجة بقى كيحرك راسو بلا وكيحاول يتوكض علاما يخرجها مي هي دارت خطوة جريئة لي فيضات ليه الكاس ...

رانيا كيف شافتوو كيجرها باش يخرجها من البيت حبسات على المشي وحطات يديها على صدرو في اتجاه قلبو ووقفاتوو معاها وقالت بصوت حزين : علاش ما باغيش تسمعني ؟؟

عيسى هبط عينيه كيشوف فديك الكثلة ديال الدموع لي مجموعين فعينيها ومرة مرة يشوف فيديها لي على صدرو ... وبقوة الشهوة لي اجتاحتو فديك اللحظة لدرجة قلبو بدا غير كيخبط حتى دار ليه الإزعاج ... شد فيديها لي محطوطة على صدرو وسحبها وتم دافعها للحيط حتى شهقات مخلووعة ... ماعارفة باش تبلات ...