💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
إسحاق بقى كيشوف فيه وقال بدهشة : صراحة نتا الواحد يخاف منك هههه
موسى ضحك بسخرية وقال بحدة فنفس الوقت : ايوا رد البال ... ماعلينا اش درتي فداك البروجي لي عطيتك
إسحاق رجع ضهرو مسرح على الكرسي وقال : هاني خدام فيه ... مي خاصني نسافر باش نشوف دوك المندوبين اش يديرو معانا ...
موسى : حاول تسالي معاهم دغيا (شاف فتيليفونو لقى اتصال من عيسى) وباش ما كان رد عليا ...
إسحاق شافو ناض جامع الوقفة وهو يقول بتساؤل : فين غادي ...
موسى وراه تيليفونو وزاد مبعد باش يجاوب ... كيف دوز الخط قال بحدة : واش عارف شحال من مرة عيطت عليك ...
عيسى وهو مخسر سيفتوو : مكاينش فنيويورك حاليا ... مي بغيت واحد الخدمة ضاروري
موسى عقد غوباشتوو وهو كيشوف قدامو وقال ببرود : ايلا ماراكش هنا فين كاين ؟؟
عيسى تنهد تنهيدة طويلة وقال : هبطت للمغرب مي بلاما تسولني علاش اك ...
موسى ببرود : اشنو نوع هاد الخدمة ؟؟
عيسى : عاقل على المناقصة لي كنت قلت ليك دخلت فيها مؤخرا ...
موسى دار يديه فجيبو وهو كيشوف أمو داخلة مع باب الجردة فرحانة : اه عقلت عليها ... مالها ؟؟
عيسى : بغيتك تعرف ليا شكون هوما الشركاء لي ناويين ياخدو ديك الصفقة وراك عارف شكون كنقصد ...
موسى : واش عارف شنو كدير ... دوك الشخصيات لي كيقصدو بحال دوك المناقصات كيخفيو الهوية ديالو واكيد راك عارف شنو المنصب لي عندهم ...
عيسى : داكشي لاش صونيت ليك ... وبخصوص البروجي لي واخد خووك هنا انا انتكلف به ...
موسى ابتاسم بجنب وقال : العين بالعين والسن بالسن والبادي أظلم ....
عيسى : مهم راك عارف لي كاين
موسى مع بغى يجاوبو حس بشيء يد تحطات على كتفوو ... ضار بهدوء لقى خوه كيشوف فيه بشوفات غير عادية وقبل ما يسولو شنو كاين حرك راسوو بلا وقال : كارثة وقعات ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
موسى ماعارش ليه اهتمام ودار ليه اشارة بصبعوو باش يسكت ورجع كيكمل كلامو مع عيسى فالتيليفون : ماعلينا غرضك غادي نحاول نقضيه فاقرب وقت وبالنسبة لبروجي حتى تقول ليا شنو خطتك ...
عيسى بهدوء : غادي نسيفط ليك الاستراتيجية فايميل ... مهم تهلا (قطع)
موسى قطع المكالمة ورجع تيليفونو لجيب وهو كيهضر مع إسحاق لي باين فيه التوتر : واش ما علموكش بلي فاش كيكون شيء واحد كيهضر فالتيليفون خاصك تسناه حتى يكمل عاد دوي معاه
إسحاق : فاش غادي تعرف الكارثة لي جايب ليك ديك ساعة ماغاديش تبقى تعطيني فهاد المحاضرات
موسى بقلة صبر : دوي طلقني ...
إسحاق بسرعة : سي جايمس مبقاش غادي يتعامل معانا ...
موسى رمش بشفارو بهدوء وقال : كيفاش مفهمتش ؟؟
إسحاق : راه مبقاش غادي يتعامل معانا فالبروجي الجديد
موسى هز حاجب ونزل لاخر وقال بحدة فنفس الوقت : واش حنا كنلعبو معاه هنا ... عيط عليه نشوفو اش تحت راسوو ...
إسحاق : واخا نعيط عليه ماغاديش يجاوبك ...
موسى تنهد بقلة صبر وقال تحت سنانو : دابا واش كتفلا عليا ولا شنو ...
إسحاق جبد تيليفونو بزربة وبدا كيخربق فيه لثواني من بعد ضورو لعند خوه وقال : قرى وغادي تفهم شنو بغيت نقصد
موسى شد تيليفون وبقى كيقرا ... شوية بشوية ملامحو بداو كيتغيرو مع كل كلمة كيقراها لدرجة ما شعرش براسوو امتا هز يدو حتى للفوق وخبط داك التيليفون مع الأرض وفنفس الوقت كيردد بهستيرية ... حالتو تغيرات لاقصى درجة : كيفاش دار حاذثة ومات ... فهاد الوقت هو ماخاصووش يموت ...
إسحاق قرب لعندو وهو حاط يديه على كتفوو وكيهمس ليه فوذنيه : تهدن الواليدة كتفرج فينا ...
موسى شاف فعيون إسحاق وشرارة الغضب كنبعث من عيونو وقال بحدة : داك شيفور لي دخل فيه فاشمن سجن كاين ...
إسحاق اشار ليه للتيليفون لي فالارض وقال : كون بقى خدام كنت انقلب ليك ...
موسى بدون ما يجاوبو داز فيه وتم غادي مي مع بغى يفوت الجردة وقفاتوو لالة مينة وقالت بتساؤل : فين غادي اولدي
#يتب...ع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
