💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
فاقت من النعاس وهي ملاحضة بلي بنتها ماشي حداها كيف خلاتها فليلة البارح وبدون ما تحس ناضت طافجة غير بديباردور وشورط قصير كتقلب عليها وتعيط بسميتها ولي كانت هي ألاء ... من بعد عدة نقاشات بين العائلة على سمية قررات تختار هادي حيث كتعجبها ومع ديجا تشاورات مع عيسى بخصوصها وعطى ليها الموافقة مابقات كتعطي الاهمية لحتى شيء رأي اخر ...
خرجات من البيت كتقلب على بنتها حتى كتدخل فخوها لي كان كيشرب فالماء كونو يالاه دخل للدار من بعد ما دار سبور كيف مولف ... طلعها ونزلها بديك الحالة وهو ينطق بحدة وهو مغوبش : مالك خارجة فهاد الحالة ..
خديجة والذعر متملك منها : واش ما بانتش ليك ألاء ايونس
خديجة ماعارتش ليه اهتمام وزادت غادة تكمل طريقها حتى وقفها بيدو وكمل كلامو بحدة : شحال تسنيتك اخديجة دوي مع راجلك على داكشي لي تافقنا ولكن نتي شفتك نسيتي
خديجة: واش دابا وقت هاد الهضرة راه بنتي يونس قاطعها وهو معصب ويديه مزيرين على مرفقها : خلي عليا بنتك دابا راه اتكون غيؤ فشيء جايحة فهاد الدار ماعندها فين تمشي
خديجة يالاه جات تخرج كلمة من فمها وتجاوبو حتى حسات بيد اخرى جاراها من مرفقها ... هزات عينيها تشوف حتى بان ليها عيسى واقف بنفس الاطلالة المعتادة ديالو فاش كيبغي يمشي للخدمة ...
عيسى رجع خديجة من موراه مدرقها وجاوب يونس ببرود عكس البركان لي فالداخل ديالو : لا عندك ما يتقضى هبط قضيه راك زربان ...
يونس بضحكة صفراء : النسيب شحال هادي ماشفناك لقيتي كنسول عليك خديجة وكيف غادي مع شيء خدمة ...
عيسى : هاد ساعة حسن من وجهك غير رتاح
يونس ضحك ضحكة عالية والفقصة متملكاه حيث عارفو كيحشي ليه الهضرة وقال : ايوا مزيان داكشي لي بغينا مهم نخليكم
عيسى شافوو دايز للقدام يدخل لبيتوو وهو يشدو من ذراعوو بقوة كثر من ديك تزيرة لي دار لخديجة وقال : هبط لتحت قضي ليك غرض
يونس باستغراب : وعلاش ... عيسى قرب ليه شوية حتى تقابل مع عيونو السوداء كسواد قلبو وقال بهمس : حيث بغيت ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يونس ابتاسم بجنب بزز وتم نازل للكوزينة يدور فيها بينما هوما دخلو لبيتهم ... اما عيسى خلاه حتى غبر من قداموو وهو يشد خديجة من يديها وزاد غادي نيشان للمكتب ديالو ولي كانت فيه ألاء كتلعب بيديها ...
خديجة غير شافت بنتها طلقات من عيسى ومشات هزاتها كتبوس فيها بكل حنان حتى حبسات فاش سمعاتوو قال : متبقايش تخرجي هاكا مرة اخرى وخصوصا قدام خوك ...
خديجة وهي ملهية مع ألاء : ماردتيش البال كنت زرباتة نقلب على الاء ...
عيسى : البنت ماعندها فين تمشي يا اتكون عندي يا عندك ... مهم ردي البال مرة اخرى ...
خديجة ردات البال لنبرتوو بلي ماعاجبوش الحال وهي تلطف الجو مبدلة الموضوع : شفتك لابس مزيان ... الخدمة عاود
عيسى بدا كيقاد فالفيسط لي لابس وهو كيشوف انعكاسوو فالمراية : لا مسافر اليوم ...
خديجة بدون ما تجادل معاه قالت : ايوا الله يديك على خير ويرجعك على خير (شافتوو ايخرج وهي تهضر بزربة حابساه ) تسناني نلبس شيء حاجة ونخرج معاك ...
عيسى بقى واقف فبلاصتوو حتى مشات هي بالخف حطات الاء بلاصتها مادة ليها سكاتة ولبسات كاب طويل وواسع وتمات خارجة لقاتوو ديجا نزل لتحت وبلاما تسنى كثر تبعاتوو كتجري وفهاد الاثناء يونس طلع لبيتوو وهو مغوبش ...
لقاتوو واقف جنب لوطو ديالو وهي تمشي بسرعة واقفة جنبوو والابتسامة مزينة وجهها : ماغاديش تعطل بزاف ياكي
عيسى هز عينيه لفوق وهو يلقى خو مراتوو واقف كيطل عليهم من البالكون دبيتو ومبتاسم داكشي باش سكت وماجاوبهاش
خديجة بغات ضور تشوف فين كيشوف حتى كيغفلها عيسى فاش لقاتوو محني لعندها بشوية ومعنقها بيد وفنفس الوقت طابع قبلة على راسها باش ماتشك فوالو : تهلاي فرااسك صافي ... ومتحركيش بزااف رتاحي
خديجة حتى هي عنقاتو وطبعات قبلة على خدو بفرحة عارمة : صاااافي كون هاني
عيسى بعد عليها ويديه مزال محطوطين على كتفها وقال : خلي تيليفونك معاك انعيط ليك فاش نوصل
خديجة حطات يديها على يديه وقالت : وااخا وقابل خدمتك بقا متبعني انا راه معندي ميدار ههههه
عيسى حرك راسوو بالايجاب كياكد فكرتها غير قدام داك خونا لي حاضيهم وقال بهدوء : نخليك دابا باش منتعطلش
خديجة غير شافتوو سحب يديه من على كتفها غفلاتوو قبل مايطلع للطونوبيل وطبعات قبلة فوق شفايفو الشيء لي خلاه يبقى كيحقق فيها وهي حابسة ضحكة وضايرة تتشوف واش شيء حد شافهم ...
عيسى ابتاسم ليها و مشى طلع فطونوبيلتوو محرك للخدمة بينما هي ضارت راجعة للدار ومع هزات عينيها بان ليها خوها كيبحلق فيها دارت ليه باي باي بيديها بحالا كتسلم عليه وزادت داخلة للفيلا ... مخلياه واقف فلبالكو وتيشوف فالطيف ديالهم ...
#يتب...ع لي تزعطات فيونس نبغي نقول ليها لهلا يطيح حبك على حجرة 😐
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
