أحببت زوج أختي 🩸مكتملة🩸

🩸الجزء 67🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 67 📿

أصبحنا وأصبح الملك لله ...

فالديار المغربية وبالظبط عند لالة ربيعة ... ولي فاقت بكري كيف العادة ومشات زارت بنتها فالمقبرة وقرات عليها ما تيسر من القران وصدقات على المساكين ورجعات وعينيها ناشفين حيث قلب الام عمرو ينساها ولا يفوتوها ولي كيصبرها كثر هو بلي الموت اي واحد اتزورو شكون ما بغى يكون هادشي علاش خاص الانسان يخدم على دنيا الاخرة ودار البقاء ومايبقاش تابع الامور التافهة ويكثر من العبادة وذكر الله ويصلي ويقرا القران باش تيسر أمورو باذنه انشاء الله ...

وكيف اي ام مغربية على صباح كدخل للكوزينة توجد الفطور كيف قبل بالسكات واول حاجة بدات بها هي طيبات اتاي عاد مشات تعجن الخبز لي اياكلوه فنهار ولي على قد قياسهم هوما بثلاثة ... وهي مشغولة سمعات طيليفونها كيصوني ... استغربات من المكالمة وسالات ديك العجينة بزربة وغطاتها وتمات خارجة تشوف شكون عيط ليها ...

غير بانت ليها سمية حبيبة ديك ساعة قفزات وبداو يطيحو فبالها الافكار السلبية ودغيا جاوباتها وهي قربات تسخف : ياك لباس الالة حبيبة ...

حبيبة : ونتي قولي غير سلام بعدا ....

ربيعة نعلات الشيطان فخاطرها وقالت : وعليكم السلام ورحمة الله وبركاته... كيف دايرة لباس ...

حبيبة : لباس الحبيبة ... ونتي مزيان ...

ربيعة : اللهم لك الحمد ... هاد الساعة هاحنا كنعديو حتى يحن مولانا ...

حبيبة : شفتك اليوم فالمقبرة وشحال وانا نعيط عليك مي واقيلا ما سمعتينيش ...

ربيعة : غير ما تديش عليا كنت مرفوعة وراك عارفة لي كاين ...

حبيبة : ايوا الله يصبرك الحبيبة راه كلنا ليها ...

ربيعة : داكشي لي كاين ... الموت علينا حق ...

حبيبة حمحمات بصوت عالي عاد نطقات بشوية : ايوا يا لالة ربيعة كنا عوالين انا والحاج ندوزو عليك لبارح ولايني خرج لينا واحد لبلان من جنب وتعكسات القضية ...

ربيعة : مرحبا بكم فاي وقت دار داركم ماتحتاجووش نقولها ليكم ...

حبيبة : الله يبارك فيك ... ايوا لا كنتي مسالية اليوم نتي ومول دار بغينا ندويو معاكم انا والحاج فواحد الموضوع ...

ربيعة : الله يسمعنا خبار الخير ... ياك لباس ...

حبيبة : لا لا كل خير باذن الله ... هاد الهضرة راه ماشي ديال التيليفون الالة ربيعة اليوم فالعشية ونجلسوو وندويو ...