💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
وبالظبط فدار ليلى ... جالسين واليديها وقدامهم ربيعة وراجلها ويونس لي غير كيضور فعينيه ويقلب على ليلى لي مابانتش ليه ...
أب يونس شاف فاب ليلى وقال بهدوء : ايوا ا الحاج ايكون فخبارك علاش جينا اليوم ...
أب ليلى : ايييه فخباري ... ومرحبا بكم ...
أب يونس : الله يبارك فيك ... ايوا لا كتاب قريب نوليو نساب ...
ربيعة قربات عند يونس حتى لوذنو وهمسات ليه بشوية وبسخرية : مالك زربان عليا ... دغيا باغي طلبها وتمشي معاها للعدول تكتبو العقد ...
يونس شاف فيها بابتسامة هادئة وقال تحت سنانو وبهمس : ماشي درتي نفس الشيء مع ختي ... ايوا ما يخرج من الجماعة غير الشيطان ...
أب يونس شاف فيهم بشوفة كتلمح ليهم باش يسكتوو من بعد تقاد فالجلسة وقال : مهم اسي ابراهيم راه بنتك ليلى انديروها بحال بنتنا ولا كثر وطول ما انا على قيد الحياة عمرك تخاف يطرا فيها شيء حاجة ...
ربيعة بدات تبركم تحت سنانها : شحال فيه ديال الدراما وهو راسو وماحاضيهش بقى غير يحضي ليا البشر ...
يونس وهو كيحاول ينغز فيها باش تسكت شاف فباه وقال : الواليد دخل فالموضوع نيشان ...
اب يونس كمل كلامو كاع ما مسوق ليهم : وحتى ولدي راه يديرها فعينيه ومايخسرش ليها ... لي بغاتوو يجي ليها ... ايوا اش قلتوو ...
ابراهيم (اب ليلى) : ايوا اش غنقولو !!
أب يونس : ولاهيلا اسي ابراهيم ايلا رتاحيت ليك وبغيت هاد الزواج يكمل على خير ... ودابا حنا ما نلقاوش حسن منكم ... وراكم صحاب الخير وحسن الخلق ... فلا قبلتوو بينا مكرهناش تعطيونا يد بنتكم لولدنا يونس على سنة الله ورسوله ...
غير سمع كلاموو اللخر تنهد براحة حيث داكشي لي بغى يسمع سمعو والسلام وعلى ذكر هاد الجملة تمات داخلة ليلى وفيديها سينية ديال اتاي ... حطاتوو بكل نخوة بدون ما تهز الراس فيونس ... ورجعات خرجات غابرة لثواني من بعد عاد تمات داخلة وفيديها بلاطو طويل وعريض فيه الحلوة أشكال وانواع وحطاتوو فالطبلة ...
إبراهيم جر السينية ديال اتاي لعندو وقال بمرح : ايوا جماعتنا ما تحلى غير بشيء كاس ديال اتاي اولا لا اسي سملال ...
سملال ضحك بجنب وقال : والله ايلا جا فوقتوو ... (هز عينيه فليلى وقال بابتسامة ) الله يعطيك صحة ابنتي
ليلى ابتاسمات فوجهو وقالت : بالصحة والراحة اعمي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شربو داك كاس ديال أتاي وهوما كيتجمعو بيناتهم ... أم ليلى جبدات الحذيث مع ربيعة لي باقا دايرة فيها النخوة اما سي ابراهيم جلس كيضحك مع أب يونس حتى كتقرب توحل ليه ديك الحلوة ولايني مابغاش يطفى ...
عكس ليلى ويونس لي كانو جالسين حدا بعضياتهم وكيشوفو فعائلاتهم ونوعا ما مصدومين ...
- واش هادا هو بابا ...
نطقات بها ليلى وهي كتشوف فضحكة باها كيف دايرة ... ديما كان معاهم قاصح ومخنزر لدرجة ضحكتو ماعارفينهاش كيف دايرة واليوم تبدل كلشي وشافت شخص مختلف لدرجة مقدراتش تقبل بلي هادا هو باها نيت ...
يونس حط يديها على يديها وشابك صباعو مع صباعها وقال بحنية : قلت ليك كلشي ايتبدل ... وهادي غير البداية ...
ليلى لمحات شوفات ربيعة ليها وهي تقول بسخرية : ولكن منضمش ماماك غادي تبدل رأيها من جهتي
يونس : على هنا شنو كنديرو هنا ... نخليوها تبدلها ... وزايدون نتي ماشي اي وحدة ... عارفاك تقدري تسلكي راسك معاها ...
ليلى شافت فيه بابتسامة : كيف ما كان الحال كتبقى ماماك وسوق العيالات من احسن ليك خرجو ...
يونس حبس الضحكة وقال بمرح : واش غادي نعيش حتى انا ديك القضية ديال المضاربة ... وتجي عندي الواليدة تقول ليا مرتك هاشنو دارت ليا هاشنوو دارت ...
ليلى باستغراب : مرتك !؟
يونس ببلاهة : علاش باقي حنا ما تزوجنا ؟؟
ليلى : صباح الخير ...
يونس بابتسامة : صباح النور ...
ليلى : صافا ...
يونس ضور وجهو كيضحك عاد رجع قرب ليها باغي يهمس ليها فوذنيها ساعة سيدة طلعاتها معاه بقرصة خلاتوو يندم لاش باغي يدوي معاها أصلا ...
ليلى بابتسامة هادئة : عائلتك كيشوفو فينا ...
يونس تحت سنانو : راه غير بغيت نقول ليك نخرجو ...
ليلى سحبات يديها قبل ما يشوفهم شيء حد وحنات راسها للارض كتشوف وساهية ... واش حياتها الزوجية اتكون مزيانة ولا غادي دخل فحرب عاود واتهرس فيها كثر ما مهرسة ...
واخا عارفة يونس كيبغيها وحتى هي نفس الشيء مي باغا تعيش هانية معاه ومع ولدها باراكا عليها من فعايل ديال اللفعات ولكن مع ربيعة بان ليها غادي ترجع لعوايدها القدام وهادي هي اكبر حاجة متخوفة فيها من هاد زواج ...
وبعد مدة من الاخد والرد فالحذيث قبل ابراهيم بالخطاب وبداو العيالات يصليو على النبي ويزغرتوو وغير كملوو قراااو الفاتحة وناضو كيسلموو على بعضياتهم وطبعا اكيد بداو يسولو على العقد امتا يدار ...
يونس حيث زربان دار معاهم غدا وحيث حتى العائلة جاتهم من الجنة والناس دغيا وافقوو وبسرعة جابو الخواتم ركبوهم لبعضياتهم وقرروا يديرو حفلة كبيرة عند عائلة يونس منها عرس منها خطبة ويهنيو الوقت ...
#يتب....ع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
