أحببت زوج أختي 🩸مكتملة🩸

🩸الجزء 83🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 83📿

مع قالت ديك " نتا " جا جنبها موسى لي كان عاد عرف بلي هي علامن كيقلب كون أمو مينة سيفطات ليك تصويرتها فاخر دقيقة ... رياكشن ديالو على الموضوع وهاد صدفة جاتو فشكل كيفاش بنت تلاقا معاها بزاف ديال المرات ودوا معاها غير مؤخرا تصدق هي البنت لي بغات تخطبها أمو لخوه إسحاق ... هاد الأخير لي عارفو واخا يعرف يهرب ويرجع للمغرب ولا يتزوج بشيء وحدة من غير البنت لي كيبغي ...

موسى طلع ونزل فداك خونا بشوفات باردة تجمد ليه الماء فالركابي وقال بهدوء : شكون سيادتكم ؟؟

ميشيل عقد غوباشتوو وجاوبو بصرامة : راه أنا لي خاصني نسولك... ماشي نتا !؟

مع قال هضرتو نقزات سارة وهي شادة فذراع موسى وكدوي بإبتسامة مع ميشيل باش تشرح ليه موقفها لي فهمو غلط : كنعتاذر على الموقف ولكن يمكن فهمتي هضرتي غلط ... أنا كنت كنتسنى فيه هو وتخالطو عليا الأمور وتسحاب ليا بلي هو نتا

موسى هبط عينيه ليديها لي شادة فذراعوو وهو يخسر سيفتو من الهضرة لي كتقول ... غير كتزرب وتفتف بحالا دايرين ليها إختبار ... هز راسو للفوق وساط بشوية ورجع ركز نظرو فميشيل لي ما فاهم والو : سمعني من الاحسن ليك تكمل طريقك وبلاما دير مشاكل ...

ميشيل : وشكون نتا حتى تقول ليا شنو ندير وشنو لي ما نديرش ؟؟؟

موسى ببرود خشى يديه فجيبو وجبد كارط سوداء وحطها ليه مقابلة مع وجهوو ... خونا غير شاف ديك لاكارط ضهشر بحالا ضربتيه بتصرفيقة وبزربة حنى راسو وزاد خارج من الكافي ... سارة غير شافتوو خرج سحبات يديها بزربة وتنهدات براحة وقالت : شكرا حيث عاوتيني ...

موسى رجع ديك لاكارط بلاصتها واشار ليها بيديه تجلس فالطبلة لي كان جالس فيها ... هزات فيه حاجب ونزلات لاخور ومشات رجعات جلسات فالطبلة لي ديجا كانت جالسة فيها ...

ضحك بسخرية على تصرفاتها وتبعها بهدوء كونو عندو عادي كيف هاد طبلة كيف الأخرى ...

مع جلس مقابل معاها ... جامعات ختنا يديها عندها وقالت بحدة : ممكن نعرف شنو كدير هنا ؟؟

موسى : داكشي لي جابك هنا هو لي جابني ...

سارة بعدم فهم مصطنع : يعني ؟!

موسى بدا كيبقشش فتيليفونو لمدة حتى حطو قدامها وكانت على الشاشة تصويرة إسحاق : أكيد اتكون عاقلة عليه ...

سارة تحت سنانها : هاد عوج سيفة شكون ما يعقلش عليه ...

موسى هز حاجبو حيث ما سمعهاش شنو قالت : قلتي شيء حاجة ؟؟