أحببت زوج أختي 🩸مكتملة🩸

🩸الجزء 76🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 76 📿

وبعد مدة ديال الطريق وصلو أخيرا للدار وهاد المرة رانيا هبطات هي الاولى واخا مقصحة من رجلها ولكن مبغاتووش يهزها ثاني حيث لا مشى حتى دارها تقدر صافي تموت فبلاصتها من الحشمة ... عيسى هبط وعينيه عليها ومشى هز ألاء من الكرسي لي لور و بانت فيها بلي كبرات وعلاش لا وهي ولات عندها ثلث شهور دابا ... ومع صوت عندها ولا تجهد بدات غير كطلق دوك الاصوات الطفولية الممتعة لي ما تسخاش بهم ...

رانيا بقات كتعرج وسابقاهم حتى وصلات هي الاولى لدار وكيف حلات لباب طرطقات عليها واحد نفاخة من لفوق عامرة بالموزون المزوق فالألوان ... ومع هي مرعودة غير بوحدها طلقاتها بغوتة عالمية وهي شادة فقلبها ...

وقف من موراها عيسى وألاء فيدو كتصفق بيديها بحماس وضحك وقال بهدوء : كون تسنيتي شوية حتى ندخلو جميع ما كنتيش اتخلعي ...

رانيا ضارت لعندو بجهد بلاما تعرف بلي راه من موراها نيشان ... كانت باغا تحاسبوو حيث خلعها بهاد الطريقة ولايني نسات داكشي لي بغات تقول فاش وجهها كان قريب لعندها وعينيها فعينيه وعاد زيد صوت أنفاسو الساخنة لي كضرب فوجهها وتراتها بالمزيان ...

مافيقها من شرودها غير ديك شدة لي دارت ليها ألاء من شعرها وجراتها الشيء لي خلاها تخرج عينيها على الجهد وهي كتحس بجلدة راسها تزعزعات : ابنتي لا لا طلقي ...

عيسى هز راسو للفوق حابس الضحكة ما باغي يفك حد ... لي دارها بيديه يفكها بسنيه ... رانيا شدات فيد ألاء وبدات كتسحب فشعرها بشوية ساعة درية كرزات على يديها وهي كطلق ديك ضحكة بطفولية ...

رانيا قربات تبكي: وااااع ألاء بعدي من شعكوكتي ... وشعكوكتي لااا ... اعيباد الله ...

عيسى هبط راسو لعند ألاء وقال ليها بشوية : طلقي ابنتي من شعر خالتك ...

ألاء هزات فيه عينيها بحال ديك القطة وبقات كتشوف فعينيه ما هي الا لحضات حتى طلقات من شعر رانيا وهي كضحك فوجه باها ... رانيا بقات غير كتبلق فعينيها ... هادو باينة اتحاماو عليها وهي ما عندها فيمن تحاما ولايني مع عقلها الشيطاني هايهات تم هايهات ما تمشي حتى تقلب ليهم الموازين ....

وبقلة حيلة ذبلات ملامحها بلعاني وزادت طالعة لفووق تبدل حوايجها وتدوش وتنسى الهم شوية وتفرح حيث اليوم نهارها ... دابا هي مبقاتش رانيا الطالبة ولات خريجة معهد إدارة الأعمال وأكيد دابا اتبدا حياتها تزهى فاش اتمشي تخرج لعالم الشغل ...

عيسى دخل حتى هو وسد الباب معاه وكل شوية كيبوس فبنتوو حتى وصل للصالون وحطها فوق زربية ومع هي كتبت فبلاصتها خخخ بقات كتحبوو وضوور وتكور غير بوحدها وضحك ... دار ليها عيسى حدود بالوسايد ومشى يقاد داكشي لي وصى عليه قبل ما تنزل وتكشف خطتو وشنو باغي يدير ...