أحببت زوج أختي 🩸مكتملة🩸

🩸الجزء 82🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 82 📿

وهو غادي بالسيارة بالسرعة الفائقة لي كاع ما متوعدها ... عقلو مرفوع كيخمم فديك الرسالة ديال خوه إسحاق ولي كانت محتواها ...

" خويا غير سمح ليا منقدرش نمشي لداك الموعد ... يا ريت تعاوني غير فهاد المشكل وتقنع الواليدة بقراري ... "

وبجهالة ضرب الفولون بيديه وقال بنبرة إنفعال : برهووش ديال الخلا ... غادي يحشم أمو قدام الناس وعلى قبل الخوا الخاوي ...

ومع كمل كلامو سمع رنة تيليفونو كيصونو هزو بيدو الثانية مخلي الاخرى على الفولون وهو يلمح أمو كتعيط ليه ... تنهد تنهيدة طويلة وهزو مدوز الخط وعاطي كل أذانوو باش يسمع نبرة صوتها لي متأكد اتكون حزينة ...

مينة بحنية : الوو ولدي ...

موسى تبدلات نبرة صوتو لستة وتسعين درجة او ولا شخص ثاني : العزيزة ...

مينة ابتاسمات بحب وهي كتشوف فسارة لي خارجة من دار باش تمشي تلاقى مع إسحاق : لباس عليك ...

موسى : ماحدك نتي بخير فأنا انكون مزيان وبزاف

مينة : الحمد لله على كل حال ... (بتساؤل) دوى معاك خووك

موسى عقد غوباشتوو وهو كيشوف فالطريق وقال بعدم فهم ... كيحاول يستر عليه : فاشمن موضوع ؟؟

مينة بشوية : بخصوص البنت لي شفتها ليه باش يخطبها ...

موسى بهدوء : اه كتقصدي ايميليا ...

مينة شددات على عينيها بقوة وبانت فوجهها بلي ما عجبهاش الحال فاش سمعات ديك السمية : مافهمتش انا علاش كذكر ليا هاد النصرانية ...

موسى كيحاول يرطب أمو باش تخلي اسحاق يدير لي بغى وما تبززش عليه الزواج من سارة : نتي عارفة ولدك الحاجة بلي لي فقلبو هي ديك النصرانية لي ماعاجباكش ...

مينة : واش بغيتي ولدي يتزوج بمسيحية ... بعقلك اموسى زعما

موسى : راه ماشي مكلخ اميمتي ... لا بغى يتزوج بها خاصها ضاروري تسلم ... وما تعرفي يدير فيها أجر وتسلم على يديه ...

مينة سكتات وماجاوباتووش ...

موسى تنهد بصوت مرتافع حتى تسمع لعندها وقال : ميمتي أي حاجة كدوز فهاد دنيا ومستقبل الانسان كيبقى بيد الله حنا كنديرو غير سبب ...

مينة فهمات المقصود من كلامو ودغيا جاوباتوو : هي دوا معاك باش دخل ليه ...

موسى بلاصى الطونوبيل فجنب كونو وصل للمكان لي باغي وقال : ماغاديش نكذب عليك ... سي دوى معايا ...