أحببت زوج أختي 🩸مكتملة🩸

🩸الجزء 36🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 36 📿

ليلى كتحرك راسها بهستيرية ودموعها شلال فوق خدودها : نتا ميمكنش دير فيا هاكا ... متقدرش تخليني وتمشي ... وخير دليل انك وصلتي حتى لهنا ...

يونس : بدلت رأيي فاش شفت حقيقتك ...

زاد لعندها بخطوة حتى تقابل مع وجهها وهو يهمس ليها بشوية وبعد كيشوف فيها ببرود : النهاية وصلات ...

ليلى رجعات بخطوات لور بدون ما تقول حتى كلمة وخرجات من داك صالون بزربة وجرات ولدها معاها وسوارت ديال طونوبيل وهي كترعد بالاعصاب وغير كملات وجمعات داكشي لي بغات توجهات لعندو لاخر مرة ونطقات بنبرة عدم اهتمام : حتى دابا ضبر راسك مع مشكلتك وحلها لراسها حيث لا جا شيء واحد فينا خاصوو يغرق راه هو نتا ماشي انا ...

وبدون ما تسنى جوابوو شدات فيد عمران لي عينيه على اسامة وزادت خارجة هابطة لتحت ... وغير وصلات حدا العساس ضربات فيه وتوجهات لطونوبيل تاع يونس حطات فيها دوك الحوايج لي جابت معاها وركبات عمران لوور وركبات فالقدام مكسيريا لاي بلاصة بعيدة من هنا مهم تبعد حيث حاسة براسها شوية وتفركع ...

ونرجعو عند يونس ...

لي غير شاف ليلى خرجات توجه جيهة أسامة وضربوو برجليه وقال بحدة : تكعد ...

أسامة طل عليه بنص عين وناض من الارض وهو مخلخل غير بوحدي : ماعندي ما يتسالك راك قد كلمتك ...

يونس : بلا قوة الهضرة ... راك شهدتي بعينيك بلي قطعت علاقتي معاها ودابا قول ليا فين نلقى هادا لي كيضور عليها ولي سيفطك هنا بيديه ...

أسامة دوز يديه على شعروو وقال : ماشي حرام عليك هاد الحالة لي درتي فيا ...

يونس شد من عنقوو قاجوو وقال تحت سنانو : طلقني خلاص راه مامساليش ليك ...

أسامة كيحاول يسايس معاه : صافي غير تكالمى غادي نقول ليك ... سميتوو سعد على حسب ما قال ليا ...

يونس : وعلاش سيفطك لهنا ...

أسامة هز كتافوو بحال شيء هبيل وقال : ماعرفتش بحالي بحالك ...

يونس زاد زير عليه كثر وكثر وقال : نطق خلاص ...

أسامة بدا يضرب على يدو حيث تخنق ... وغير رخف عليه يونس تنفس بجهد وقال : بغاني نفارقك على ليلى باش هو يوصل ليها ...

يونس : كيفاش زعما ؟؟
أسامة : زعما نبان انا وياها بحالا كنخونوك ونتا تخلا عليها ولايني مصدقاتش ليا وقلت نجرب معاك حل ثاني نقدر ...

قبل ما يكمل كلاموو لقى راسوو مخبوط فالارض ويونس عافط ليه على عنقو برجليه بطل عنف : هاحنا غنشوفو شكون ايربح انا ولا نتوما .... ودابا حط ليا نمرة داك زا.٨مل ...