أحببت زوج أختي 🩸مكتملة🩸

🩸الجزء 9🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت  9 📿

يونس : لا ديتوو انا نتي ماغاديش تعتبي باب هاد البيت هاد ليلة ...

ليلى هنا حتى هي شعلااات ماتتحملش شيء حد يدخل فيهاا وقفات وبدات حتى هي كدوي وكلمة منها كلمة منو : ونتااا شنوو كدير لي تقول ليا جلسي ديما مقابل غير الخدمة الخدمة ماال هاد الخدمة شنو عطااااتك راك خداااام غا عند راجل ختك تعيا ماطير وتنزل ماتنساش راسك ...

يونس هز صبعو فوجهها وقال : متبدليييش الموضوع نت رااك زدتي فييييه طلعتي فوق السماااا بزاااااف فين غادية بهادشي ديالك فييين

ليلى تتغوت : حيااااتي هادي ندييير لي بغييييت كيف مكنسولكش فين غادي فين جاااي حتى نت دخل سووق راااسك شوية ..

يونس شد فيها من ذراعها وكرز عليها : نهار الاول لي قبلتي فيه تكوني معايا قلت ليك انا ماعنديش مع تلاوي ... وقبلت بك كيفما نتي واخا عندك ولد ... قلت هانية هو غير ملائكة فبلاما تبغي طلعي فوق راسي راه غادي تشوفي مني شيء حاجة ماتعجبكش

عمران بقى واقف كيشوف فيهم و فصراعاتهم لي ديما كيتعاودو و ميمكنش يدوز النهار وصوتهم مايتسمعش ما طيح حتى دمعة ما خاف ما تخبى حيت ولف هادشي كان فالاول كيبكي ويتخلع منين مو كانت كتغاوت مع باه ولكن منين تعرفو على يونس صافي ولف مبقى كيدير حتى ردة فعل ولا عندو بحال روتين فحياااتو انه يشوف هادشي واخا بعض المرات يونس مكيبغيهش يشوف هادشي وكيخرجو ويلعب معاه ولكن شحال قدو يصبر على تصرفات ماماه راه غير براني عليه ...

ليلى غير بان ليها يونس خرج عمران وزدح داك الباب ناضت مشات حلات المجر جبدات باكية دلكارو وهي تترعد شعلات واحد دغيا باغية تبرد فيه فقصتها وغير  نترااات منو نترة عاد حسات براسها تهدنات شوية وجلسات كتخمم فعلاقتهم المريضة وعلاش باقا لحد الان متقدرش تفرط وهو كذلك ...

وغير كتزيد ضور سينتا فراسها كتلقى بلي ديما واقف معاها راجل ورغم الخلافات لي كتوقع بيناتهم عارفاه واخا يغوت عليها وتغووت عليه هو ما يقدر يدوزها وهي كذلك تلاقاو فظروف خايبة بزاف او واحد عاون لاخر فاكفس ايام دازت فحياتهم بجوج ومن تما الرابطة جامعاهم حتى لليوم وغادي تبقى جامعاهم حتى للموت  ...

سالات داك لكارو وهي طفيه بهدوء وناضت تخرج كان شيء لم يكن هابطة لتحت فين دايرة مع صحاباتها يتلاقاو باش يسهرو كيف العادة ولكن لي مادارتش بحسابوو نسيانها لداك التحذير لي عطاها يونس مانعها تخرج من شومبر ... ولايني شخصية ليلى ما كتسوق لحد كدير لي فراسها وسلام وقبل ما تزيد لعند البنات لي كتعرفهم تجرات من يديها بقوة حتى خسرات سيفتها ... وكيف هزات راسها شافتو واقف عليها كيف عزرائيل وباين فيه سكران وماعارفش شنو كيدير ... حاولات تنتر منو باش تمشي ساعة هو شدها شدة العمى فالظلمة وقال بصوت عالي شوية : افين امراااتي الغزااالة ... شفتك بوحدك غادة داك صحيبك ماجاش معاك ...