أحببت زوج أختي 🩸مكتملة🩸

🩸الجزء 58🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 58 📿

رجع لعندها وهو عاقد حجبانوو ... بدا كيجمع فداكشي تاعها حتى كمل وهو يطلعو لبيتها حاطو فوق طبلة لي كتقرا عليها ... من بعد عاد تم راجع لعندها كيفيق فيها بشوية : رانيا ... هيه حلي عينيك وطلعي نعسي بلاصتك ...

رانيا ضورات راسها للجهة الاخرى وهي مخسرة سيفتها وكتصدر اصوات فشكل : همممم مننن ...

عيسى دوز يديه على شعروو وتحنى عندها بوجهو كيشوفها واش ناعسة ولا حلات عينيها وفنفس الوقت يديه كيحركو فيها : نووضي طلعي لبيتك وديك ساعة نعسي على خاطرك ...

مع بغى يزيد يحرك فيها باش تفيق تقلبات ست الحسن للجهة لي كانت عليها فالاول وتقابل وجهها مع وجهوو لدرجة كبيرة بزاف غير الفرق هو حال عينيه على مصرعهم وهي سادهم وما جايبة للدنيا خبار ... وبنفس الاحساس وبنفس الشعور لي قبل ... رجع ثاني هاد المرة لدرجة بقى مجمد بلاصتو بحال شيء واحد دار ليه بووز باش ما يتحركش ...

وكيف عاق باشنوو كيدير بعد وجهوو وبدا كيحاول ينوض فيها باش تجلس ساعة ختنا لصقة ... غير كيجلسها كتعاود ترجع تنعس وهو ثاني كيعاود يجلسها وترجع تا هي تنعس كيف كانت حتى طلع ليه دم وبدا كيسب فيها فخاطرو ... وراس كيقول ليه خليها هنا وسير ... ضبر لمخها ياك هي لي داتها عينيها ايوا تحمل المسؤولية ... ولايني جانب اخر فيه ماخلاهش وبدا يحك على ضبرة حتى مشى بلهلا يطريه ليه منوضها ثاني باش توقف والغريب انه هاد المرة وقفات وبقات كتمشى بحال سكرانة وعينيها مسدودين ولي يشوفها من بعيد يحلف عليها حتى ضاربها حمار ليل ...

وبمشقة الانفس قدر يطلعها لبيتها ... ويقادها فبلاصتها ويغطيها عاد خرج وهو داير يديه على جنابوو وكيسووط ومع طل على ساعة لقاها وصلات لجوج ... اويلي واش ساعة على قدها وهو كيحاول باش يخليها تفيق باش طلع لبيتها ... وهنا عرف بلي فحياتوو الماجية مازال خاصوو يصبر ويدير عين ميكة بحالا حتى حاجة ما وقعات والا راه غينفاجر ويصدق مسبق راسوو للقبر قبل لوقت ...

وبتعب هز قشاوشو لي كاين كيخدم فيهم ودخل لبيتوو باغي غير ينعس ولايني شكون خلاه مع حط راسوو على المخدة وغفى لمدة طويلة بدات ألاء كتبكي وتغووت مع 04 ديال صباح ... ومع نعاس داخل ليه مع العظام حشى راسوو وسط المخدة وشيطانوو كيقول ليه غير صبر راه لبنت اترجع تنعس غير كمل نعاسك ولايني ديك ليلة بنتو شدات معاه ضد وما تهنات حتى ناض لعندها كيسكت فيها ومشى خرج يقاد ليها لحليب ... وكيف كمل شغلو وعطاها تاكل بقى كيراري بها لمدة حتى رجعات تنعس كان شيء لم يكن اما هو غير سمع الفجر كيوذن حط لبنت بلاصتها ومشى يتوضى باش يصلي عاد يرجع يكمل نعاسوو ...