أحببت زوج أختي 🩸مكتملة🩸

🩸الجزء 50🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 50 📿

أصبحنا وأصبح الملك لله ...

فاقت على غير المعتاد كضور راسها لي حاطاه على المخدة وكتلعب برجليها باش تبعد الغطى وتنوض ... شوية تفكرات ألاء لي نعساتها حداها وهي تحبس وضارت للجهة الاخرى والغريب فالامر انها لقاتها خاوية ...

تكعدات بزربة من بلاصتها مرعوبة وناضت بالحفى كتجري تشوف ... للحظة طاحت عليها فكرة بلي داكشي كامل لي عاشتوو لبارح يكون غير حلمة وعيسى ما ميكونش جا لهنا لعندها .... وحوارهم كامل يكون غير من صنع خيالها الشيء لي خلاها ما تشعرش وتبهط كتجري لتحت داخلة نيشان لبيتوو ...

والمفاجأة هنا لقاتوو جالس كيبدل لبنتو ليكوش ويضحك معاها ومع دخلة ديالها هي زوينة داكشي باش دغيا هز فيها راسوو مخلوع حيث قفزاتو وعاد زيد حالتها كملات ليه الباهية

عيسى : مالكي ...

رانيا حطات يديها على ركابيها كتنهج حيث هبطات بلاما تاخد نفس وقالت : علاش هزيتيها من حدايا ؟؟

عيسى ببرود : حيث كانت كتبكي ...

رانيا : ديك ساعة فيقني ...

شافتوو كيتحارب مع ليكوش والبنت كتفركل برجليها ديرونجاتوو وهي ضحك بلا فرانات وقالت : ههههههه اودي على مربي الاجيال ... حسن عوان البنت فداك شهر لي جلسات معاك هههه

عيسى سكت وماجاوبهاش وبقى مكمل شغالو حتى للحظة شافها جات لعندو وبدات تقاد لصقة ديال ليكوش وشعرها نازل على عنقها وقريبة ليه بزاف لدرجة ريحتها دخلات ليه فنيفوو وخنقاتوو حتى بعد وجهو كيكحب : كح كح كح

ومع سالات شغالها وشافت فيه بمعنى مالك حتى جاوبها هو تم تم : اش هاد ريحة دايرة ...

رانيا : ريحة العود ... علاش ؟؟

عيسى سد نيفو بصباعوو وقال : مازويناش ... غير حيديها ...

رانيا ميقات فيه وهزات البنت هكاك بلاما تلبس ليها سروال : اش كتعرف فالروايح ...

عيسى مد ليها سروال ألاء وقال : لبسي غير للبنت حوايجها ...

رانيا شداتوو من عندو وهي خاشية وجهها فعنق الاء كتبوسها وتلعب معاها حتى كضحكها بلهلا يطريه ليها ومع شافتوو خارج وقفاتوو بمناداتها لاسمو : عيسى ...

عيسى هز فيها حاجب ونزل لاخر حيث قالتها هكاك حرفية وسكت ماجاوبهاش ...

رانيا تبسمات بجنب وقالت : بغيت نقول خويا عيسى ...

عيسى : اش كاين ؟؟

رانيا اشارت ليه ليكوش ديال الاء لي حيدو ليها وقالت : متنساش تلوحو معاك فزبل ... غادي غادي ...