💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
وهو جالس حداها وكيلعب مع بنتو بقات كتشوف فيه والفرحة باينة فعينيها واخيرا قدرات تكون اسرة كيف بغات وكيف كانت كتحلم ... تنهدات براحة وهي كتحمد الله وتشكرو على ما عطاها من بعد نطقات بهدوء وهي حاضية تصرفات راجلها : ماقلتيش ليا شنو باقي انسميو بنتنا ا عيسى
عيسى دوز يدو الخشنة فوق راس بنتو وقال ببحة رجولية طاغية : لي حبات نفسك ابنت ناس ... حركات راسها بالايجاب وهي تحط يديها فوق يدو وقالت بقلق : انشاء الله ... بنتي ليا بحالا مقلق ياكما عندك شيء مشكل ...
عيسي هز فيها عيونو الكريستالية وقال بنفي : اللهم لك الحمد ... كلشي مزيان غير جاب ليك الله ... نتي لي خاصني نسولك هاد السؤال
خديجة : غير مع امي دوات معايا قبل ما دخل وقالت ليا نرجع رانيا حداها متبقاش فالخارج كتقرا ...
عيسى : هانتي قلتيها دابا وخرجتيها من فمك راه كتقرا وكون كانت كدير شيء حاجة ماهياش وحصلت عليها شيء مشكل انا اول واحد كنت انمشي نجيبها ونحطها فدار مك
خديجة : هادشي لي عييت نشرح ليها فيه ولو بغات تقتانع ... غير الله يدير شيء تاويل ديال الخير وصافي ...
عيسى حرك راسوو بلا حول ولا قوة الا بالله وقال : انا اندوي معاها ما ديريش فبالك ... مهم انا نخرج نشوفهم برا واش خاصهم شيء حاجة ونتي بقاي هنا ولا جا شيء حد من العائلة عندك دخليه لبراني ممنوع يحط رجليه عندك ...
خديجة طبطبات ليه على يديه وقالت : كون هاني ما يكون غير خاطرك ...
عيسى باس بنتو على راسها ومرتوو كذلك وخرج من البيت هابط لتحت يشوف شنو خاص سرباية وطيابة ... باش يلحق كلشي فالوقت وحتى حاجة ماتنقص فنهار بنتو الاول ...
وكيف تجمعوو العائلة طلقوو الاغاني بنهار وكلشي كيشطح ويدردك وكاين لي من لعيالات ديال لفاميلة كيطلع عند نفيسة يحط زرورة ويبارك ليها اما عيسى بقى غير كيتسخر واخا هو قادر يدير ناس لي يتسخرو عليه مي فهاد المناسبة باغي يوقف على شغالو بيديه وربي كبير ...
وهاكا دازت الاجواء عندهم حتى خيم ليل ودخلوو طلبة يقراو ما تيسر من القران الكريم ويباركوو للمولودة الجديدة فحياة زوينة ويبعد عليها كل شر ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
