أحببت زوج أختي 🩸مكتملة🩸

🩸الجزء 57🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 57 📿

داز الوقت وطاحت الظلمة ...

من بعد ما وصلوو للاوطيل لي شادينو  دخلوو ليلى وعمران للسويت باش  يبدلو حوايجهم مخلين يونس لتحت ... وغير  هبطو لعندو لقاوه ديجا طلب  العشاء  ... وكيف جلسوو معاه باش يتعشاو مجموعين صونى تيليفون ديال يونس ... ولي غير شاف نمرة تاع باه جاوب ديك ساعة : وي الواليد

الحاج بهدوء : فينك اولدي راه كتسناوك للعشاء ...

يونس : ربي يحفظك الحاج ولايني غير تعشاو ...

ربيعة خطفات تيليفون لراجلها ودوات بحدة : شوف اداك البعلووك دابا نلقاك فدار كتفهم ...

يونس: ربيعة راه معشي على برا ...

ربيعة بالغوات : ماعنديش انا دراري لي يتعشاو ليا فزناقي مع من والا ... دخل لداركم وتعشى ...

ليلى جمعات يديها مع بعضياتهم وهي سامعاها شنو كتقول ... وكيف هزات عينيها فيونس ... دارت ليه اشارة بعينيها بلي ماشي مشكل غير يمشي ...

يونس تنهد تنهيدة طويلة وقال : اك انا جاي (قطع)

شاف فيها بابتسامة وقال : مرة أخرى ونتعشاو اونصوبل اوكي ...

ليلى ابتاسمات ليه هي الاخرى وقالت : مكاينش مشكل ... ماماك هي الاولى ...

يونس ناض جامع الوقفة بايسها فراسها وبايس عمران عاد تحرك خارج بحالو وناوي يحط حد لهاد الوضع لي هو فيه بينما ليلى بقات متبعة ليه العين دايرة بناقص من شيء عشى وما يجي منو ...

   🥂 عند عيسى 🥂

من بعد ما ستف العشاء حتى هو على حقو وطريقوو فالطبلة ... عيط على رانيا وجلسوو كياكلوو بجوج وبهدوء ما تسمع حس الهضرة من غير صوت الفرشيط كتحرك حتى كملو على خاطرهم ... عاد ناضت ست الحسن كتجمع معاه الكوزينة وغير انساحب هو بدات كتغسل هي فالمواعن لا ربما تلهي دماغها بشيء حاجة ومتبقاش تفكر بزاف ... بينما عيسى مشى جاب بيسيه او وراقو وخرج كيخدم فالصالة على راحتوو وغير كملات رانيا حتى هي هبطات بيسي ديالها وجلسات تخدم على واحد البحث عندها وحيث شعرها عنكشها ... شدات قلم وجمعات به شعكوكها وعيسى حاضيها بنص عين ولايني هي ما علا بالهاش بالبشري ...

وهي كتقاتل مع واحد المسألة مبغاتش تفهم ليها زدحات يديها مع لفوطوي وقالت بعصبية : زمر ماعرف كيف دارو ليها هنا ...

عيسى وهو كيشوف فالبيسي ديالو : مالك ...

رانيا بدون ما تشوف فيه : واحد المسألة ماتفهماتش ليا ...