أحببت زوج أختي 🩸مكتملة🩸

🩸الجزء 125🩸والأخير🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 125 📿

وهوما متوجهين للدار عيسى بدل رأيو فاخر لحظة ونطق بصرامة مخاطب الشيفور : مابقيناش غاديين للدار ...

رانيا شافت فيه بدون ما تهضر ونوعا ما قرات أفكارو وفين باغي يمشي وحتى هي ماشي من العاكزين جاوباتو تم تم : واش انمشيو عند خديجة

عيسى حرك راسو بالإيجاب وضار لعند الشيفور : سير لمقبرة الرحمة ...

الشيفور حرك راسو بالموافقة وقلب الطريق بينما رانيا بقات ساكتة كتشوف فالطريق حتى وصلو للمقبرة ... غير هبط عيسى وتبعاتو باش يدخلو ... حسات فديك اللحظة بواحد الاحساس مفشكل فيه الاشتياق والشكر مخلط مع مشاعر حزينة ... الحاصول كلشي تجمع عليها ...

عيسى رد ليها البال بدوك الملامح وهو يرجع عندها كونو كان زايد قدامها شوية وشد فيديها وقال بتساؤل : مالك ؟؟

رانيا فاقت من شرودها وشافت فيه بابتسامة وقالت : والو غير (بصوت منغنغ ) توحشتها ...

عيسى شافها مذلية شفايفها بحال شيء طفلة وقريبة تبكي وهو يقرب لعندها معنقها وكيطبطب عليها بدون ما يهضر عكسها هي لي بقات مخنششة فيه وكدوي وشهقات كيخرجو ليها لا إراديا : هي كانت كلشي بالنسبة ليا ... هي ماشي غير ختي الكبيرة ... راه كانت أمي وصاحبتي ... موتها مزال ما تجاوزتو ... وعمري غادي نتجاوزو ... شنو ندير انا مقادراش نساها وفنفس الوقت مبغيتش نعذبها ...

عيسى بدا كيطبطب على ظهرها وفنفس الوقت مستغل داك القرب وكيستنشق فعبيرها الناعم : هي مابعيداش علينا ... راه كتشوفنا ... غير حنا مكنشوفوهاش ولايني تقدري دوي معاها وطبعا اكيد اتسمع ليك كيف قبل ...

بعدها شوية وشد فكتيفاتها وعيونو كيضورو على سائر وجهها : ولو كانت معانا دابا ماغاديش تبغي تشوفك هاكا هممم

رانيا حركات راسها وهي كتمسح دموعها بكم العباية لي لابسة ... عيسى شافها باقا مقصحة وهو يبدا يمسح ليها دموعها بلطف وفنفس الوقت كيقاد ليها زيف على شعرها لي تخربق شوية

عيسى : الموت هاكا دايرة ... ما كتعرف لا صغير ولا كبير ... نهار كيجي وقتك كتمشي بلاما تدي معاك والو غير أعمالك لي كيوقفو معاك ...

رانيا بقات ساهية فيه وكتسنط حتى حسات بيدو شادة فيديها وقال بحدة : تقدر تكون هي ميتة ولكن راه حية فقلوبنا ... ودابا اجي نسلمو عليها اتكون كتسنانا ...

وبابتاسمة لطيفة خرجات من ثغرو تمشى بها حتى لداخل المقبرة وقبل ما يوصلو للقبر هز واحد البيدو ديال الماء من عند حارس المقبرة عاد توجهو ديك ساعة لوجهتهم ...