أحببت زوج أختي 🩸مكتملة🩸

🩸الجزء 12🩸

�أحــبــبــت زوج أخــتــي�

   بقلم: � YOUSRA ANGEL  �

#مــاذا__لــو__أحـبـك__سجين__وأصبحت__أنت__حريته��

         � بارت 12�

شاف فيها من المراية الامامية قبل ما يديماري وقال بهدوء : اجي للقدام ...

رانيا وهي كتمسح خناينها بكم الفيسط : راه مدرت والو انا ...

عيسى : واش قلت ليك شيء حاجة دابا

رانيا شافت فيه بنص عين والدموع فعينيها : وراك غادي تقول كيف سمعتيني الهضرة فصباح اتسمعها ليا حتى دابا ...

عيسى بقلة صبر : ودابا واش غادي تجي ولا نخرجك بيدي ..

غير سمعاتوو ايخرجها وهي تكور نيشان قدامو داك البريسطيج ماعندهاش هي فالقامووس الشيء لي خلاه يبلق فيها عيونوو على الجهد مردد جملتو : شنو كديري نتي ...

رانيا وهي كتقاد فالجلسة فالمقعد الامامي : ياك قلتي ليا نجي لقدام ... واش نرجع ...

عيسى ضور وجهو للجنب وهو كيسوط غير بوحدو ماعندو مع الناس الطايشة ولي مكتعرفش تصرف ومامتبعاش بروطوكول الأشخاص الواعيين ...

رانيا دارت سمطة وبقات كترمش بشفارها بكل براءة وهي جامعة يديها عندها : راه درت غير داكشي لي قلتي ليا ... علاش كتعامل معايا هاكا ...

عيسى اشار ليها بصبعوو لخونا لي صرفقها وقال بحدة : واش كتعرفيه ...

رانيا بدات تفرك فيديها بتوتر ودغيا بدات ترعد وقلبها كيضرب فالتسعين : هانتا اخويا عيسى انعاود ليك شنو طرا ولكن متقولهاش لعائلتي ولا لخديجة ... حيث ماغاديش يبغيو يخليوني هنا

عيسى : غير هضري ...
رانيا بلعات ريقها بصعوبة والخوف متملكها من ردة فعلوو ولكن وكلات أمرها لله وبدات تعاود ليه : دابا فاش جيت اول مرة لهنا وخديت سكن مشروك مع دوك البنات لي على برا ماتفاهمناش مع بعضياتنا حيث كل مرة هوما معطلين ولا داخلين فحالة فشكل ومكيخليونيش نعس فالصباح على خاطري حيث كنبات ليل كامل وانا كنخدم على بروجي لي عندي ... وفاش دويت معاهم تحلفوو فيا وسيفطو ليا داك خونا ديك ليلة فاش كنت فالمكتبة ...

ضارت لعندو مقابلة معاه وكملات كلامها بكل صدق : كنقسم ليك بالله ايلا هو لي جرني بزز مني حيث كان هاز عليا مووس وانا خفت على راسي وتب.. (سكتات)

عيسى ضيق فيها عيونوو كانه كيحاول يعرف واش كدوي بصح ولا غير كتكذب ... ولكن بالطريقة لي كتشوف فعينيه لي معمرين بالدموع قدر يربط دوك الخيوط لي متشابكة فراسوو ناطق بصوت رخيم : ومن بعد اش طرى ...

هنا هي مقدراتش تزيد تدوي ... اصلا اش غتقول بلي كانوو ايتعداو عليها ... هادشي مافيه ما يتقال باش يسمعوو شخص براني وغير راجل ختك ...