أحببت زوج أختي 🩸مكتملة🩸

🩸الجزء 20🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 20📿

         🎗️ عند رانيا 🎗️

جالسة لخديجة عند راسها وصوت بكاها مسموع فداك الممر ... لحد الان مقادراش تيق بلي صافي ختها مشات ... ياك غير داك نهار دوات معاها فتيليفون وباركات ليها زيادة وقالت ليها بلي مبقاش بزاف ونتشاوفوو ... كيفاش دابا جات ولقاتها جامدة مكتحركش عساك انها دوي معاها ...

عقلها مقدرش يستوعب الفكرة مزال لدرجة مرة تبكي حتى تقرب تسخف ومن بعد تنوض تمسح على شعر خديجة ودوي معاها بحال المجنونة ... وهي فديك الحالة دخل عيسى وباين فيه مفشكل ...

ماشافتش فيه شوفة وكملات هضرتها مع ختها بشكل هيستيري ومرة مرة تقول ليها نوضي نمشيو بحالنا من هنا راه ألاء كتسنانا ومنين مكتلقى حتى شيء واحد يرد عليها كتقلبها بكى وهي اتحماق وهنا عيسى انجارفات من عيونو دمعة حارة مقدرش يحبسها كثر من هاكا ... قلبو تزير فمرة وخاطرو تزعزع ... معنى البؤس والحزن الشديد شافوو هاد النهار لدرجة انه تمنى كون هو وقع ليه هادشي ولا يعيش هاد المنظر ...

وهو ساكت لوهلة ومزير على قبضة يديه هزات فيه رانيا راسها وهي مصدومة ... هنا عيسى  مسح ديك دمعة دغيا باش متشوفوش وبعد انظارو لجهة ثانية ...

ناضت رانيا لعندو وهي كتمشى بزز وكيف وقفات قدامو هزات يديها ضارباه لصدرو بقوة وكتدوي وماعارفاش اش كتقول : علاش مابقيتيش معاها ؟؟؟ علاش ما حضيتيهاش ؟؟؟ ياك عطيتي الوعد بلي ديما اتكون قد المسؤولية ... فين مشات مسؤوليتك دابا (بالغوات) فيييين مشااااااات ...

عيسى شد ليها داك اليد باش كضربو بقوة وجرها لعندو مغدد : ما تكمليش عليا ... لي فيا كافيني

رانيا بعيون دامعة وبصوت منغنغ بالبكى : كون بقيتي معاها وماجيتيش لعندي كانت اتكون فدارها دابا ... وكنت انكون انا جيت باش ندوز معاها وقت زوين هي وألاء ماشي نحضر لموتها ...

عيسى : لا كانت هي ختك راها مرتي هاديك ...

يالاه بغات تجاوبو وهي تلقى الطبيب داخل كيتسناهم يتاخدو قرار ... عيسى غير شافوو سحب يديه من على رانيا وتقاد فوقفتوو مردد كلماتوو بهدوء : فاش نقدر نعاونك ...

الطبيب ببرود : ميسيو عيسى كتسناك تقول ليا شنو قررتي بخصوص حالة المريضة واش اتخليها فهاد الحالة هنا حتى يدي مول الامانة امانتو ولا نخرجو ليك تصريح دابا ...

عيسى عض على شفايفوو وهو كيحاول يخرج كلماتوو ويتحكم فراسو : غادي نخرجها يمكن ليك تكتب ليا تصريح من دابا ...

ومع كمل كلمتوو حس بشيء يد زيرات على ذراعوو وكيف ضار لعندها يشوف مالها لقاها مايلة اطيح للاررض سخفانة وقبل ما توصل للارض شدها من ذراعها بقوة وهو تالف ماعارف ما يدير ...