أحببت زوج أختي 🩸مكتملة🩸

🩸الجزء 117🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 117 📿

كيف دخلات للبيت بدات تاكل فظفار يديها وهي غادة جاية وكتولول فخاطرها : اربي اش درت ... اليوم ياكلني ... ولايني راه ماشعرتش بيدي ... ياربي دير شيء تاويل ديال الخير ... ياربي خليه ينسى ياربي ...

وهي كدعي فخاطرها تحل الباب بهدوء وتم داخل كيقلب عليها بعينيه ... غير شافتوو هي جمد ليها الماء فالركابي ... عارفة هاد الدخلة موراها واحد درس طويل عريض وهضرة قاصحة كيف المرات لي فاتوو لي كانت كتغلط فيهم وكيحصلها ... واخا دازت مدة على النهار لي تزوجو فيه وسكنو هنا عوض البرطمة لي باتت فيها فديك الليلة معاه الا وانه هنا كانت لاقية راحتها حيث كاين لي يفكها لا وقع ليها شيء بلان وتعصب عليها ...

موسى سد الباب بهدوء وقال : عجبوك يديك ؟؟

سارة وهي كتحاول تبعد عينيها عليه : راه ماشي كيف ما فهمتي ... أنا ...

موسى وهو متوجه جيهتها : واش نحسب ليك شحال من مرة غلطتي وقلتي ليا ماشي كيف ما فهمتي ...

سارة التازمات الصمت ...
موسى قرب لعندها وهز ليها ذقنها بصباعوو بجوج وقال : واش ناسية راسك بلي راك مزوجة هممم

سارة بارتباك : راه والله ماقصدتش ...

موسى هنا مقدرش يزيد يكبح رغبتوو فانه ينطق بكاع داكشي لي فداخلوو ولي ضارو وبلي كل مرة كدير شيء تصرف غالط وتكون فيه قريبة لشيء رجل هو كيتزير ويتعصب بلا هواه وباش يتحكم فيديه بقى غادي جاي فالبيت ويديه كيترعدو غير بوحدهم ...

واخا هي فجنبوو من بعد داك المشكل لي دارت مي ماقادرش يدير معاها شيء جيسط ماشي هو هاداك ويصدق فيما لا يحمد عقباه مي أفعالها جننوه وخلاوه يثور وتحت سنانو نطق بعصبية : هضرتي عندك زايدة ناقصة وعزيز عليك ضد ... داكشي باش درتي راسك فراسي ... ولكن انا

مشى لعندها بخطوات مسرعة ودفعها على الحيط حتى حسات بالضوء سرى فظهرها وقال بصوت كفحيح الافعى : راه نقبرك ولا نشوف فيك كتشوهي فسميتي ... سمعتي !!

سارة بتلعثم : أ ... أ ... نا

موسى بهمس فحيح الافعى : نتي شنو ؟؟

سارة بلعات ريقها بصعوبة وقالت وسط شفايفها لي كيرجفوو : كنعتاذر ... مكانش عليا نتصرف بحال هكاك ولكن راه غير خوك هاداك ...

موسى بحدة : واخا يكون ولدي بلاصتو ... نتي مراتي وماخاصش يديك يتحطو على شيء حد من غيري ...

سارة حلات عينيها على مصرعهم وهي كتشوف فعينيه نيشان : كيفاش ؟؟

موسى طلع بيديه كيتحسس ظهرها لي خبطو مع الحيط حتى وصل لعنقها وحبس ... سارة غير حسات بملمس يديه على عنقها لحمها تبورش وبقات ساكتة كتسناه يهضر : أي حاجة فيك ماخاصهاش تحط على شيء حد اخر من غيري ... عينيك يشوفو غير فعيني ... يديك يقيصوني غير أنا ... ضحكتك تكون غير قدامي ... صوتك ما من حق حتى واحد يتسنط ليه و (طلعها وهبطها ) جسدك ليا من نهار وقعتي على ديك الورقة بإرادتك ...