أحببت زوج أختي 🩸مكتملة🩸

🩸الجزء 103🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 103 📿

عند عيسى ورانيا ...

داخلين للدار وشيء مكيهضر مع شيء ... رانيا شادة يديها عندها وحانية راسها وعيسى قدامها ما على ملامحو حتى شيء تعبير ... وهوما فطريقهم تلاقاو بحبيبة لي كانت مع راجلها وجامعين حوايجهم فالباليزات ...

عيسى عقد حجبانوو وقال بتساؤل : الواليدة ... غادية تمشي لشيء بلاصة ... الواليد ... شنو واقع ...

حبيبة : مكاين والو اولدي غير ختك عيطات ... وراها كاينة فدارنا لي فتازة وملقاتناش وخاصنا نمشيو راك عارف جينا غير على قبل الضرفية لي طرات ودابا منين نتا هنا راه دار ماغاديش تبقى خاوية وها بنتي رانيا الله يرضي عليها راه قادة بشغالها ودارها ...

رانيا بحزن : ولكن اخالتي راه دار اتكون خاوية بلا بك ...

عيسى حط يديه على كتاف الاب ديالو وقال بهدوء : منقدرش نمنعكم ولكن على الاقل خليوني نمشي معاكم ...

حبيبة باعتراض : لا لا اولدي بلاما تعذب راسك ... راه شيفور لي عندك درنا معاه يوصلنا حتى لدار ... ومابغيناش نشدوك على خدمتك ونعذبوك ...

عيسى : عذابكم راحة ... مهم خلي تيليفونك شاعل حيث غنصوني عليك ...

حبيبة حركات ليه راسها بالايجاب ومشات كتسلم على رانيا وكتوصيها ترد لبال لصحتها ولراجلها ولألاء ... من بعد سلمات على ولدها ووصاتو يرد البال لمرتو ويتفاهم معاها على قد عقلها ... وهاكا كتكون الام المغربية ديما كتنصح وتبغي لخير لولادها ...

وبعد عناق طويل توادعو بيناتهم وخرجو وخرج معاهم عيسى باش يوصل معاهم الحوايج لطونوبيل بينما رانيا جاتها قضية ذهاب حبيبة قاصحة حيث لي غادي تحط عليها راس وتشكي ليها مشات حتى أمها الحقيقية مكتفاهمش معاها بزاف...

وبسرعة طلعات لبيتها ... وجلسات متركنة فقنت وكتفكر فردة فعلوو ... والندم شوية بدى كيتسلل لقلبها من داك التصرف لي دارت ماهي الا ثواني حتى تحل الباب وتم داخل وهو كيردد بحدة : تبعيني خاصنا نهضرو ...

بلهلا يطريه ليها ناضت قافزة تابعاه وغير كتدعي فخاطرها يدوز هادشي بخير ... ولكن غير بان ليها ايدخل للغرفة السرية ديالو بدات كتنوى ودماغها سرح لبعيد وبارتباك نطقات بشوية : علاش جينا لهنا ...

عيسى سكت وماجاوبهاش وبقى كيشوف قدامو حتى تحل سانسور وخرجو فالغرفة السرية ... سبقها هو الاول دخل بينما هي بقات واقفة بلاصتها وقلبها كيشطح ركادة من اشنو كيتسناها ومع ضار ولقاها باقا واقفة هز حاجب ونزل لاخر وقال وهو كارز على كلماتوو : غتباتي تما ...

بلعات ريقها لي نشف بصعوبة وتبعاتوو بدون ما تهضر وبقات واقفة كتفكر نهار دخلات اول مرة لهنا وشير عليها بالكاس واخا راه ماشي قصد عليها هي ولكن هي فهماتها عوجة كيف ديما ... عيسى كب ليه كاس ديال الماء وهزو عاد مشى جلس وجبد دواه من جيبو باش يشربو بهدف يتهدن قبل ما يبدا يهضر فالموضوع ...

طلعها ونزلها لقاها واقفة بلاصتها وببرود نطق بصوت رجولي مبحح وفيه نوعا ما من الخشونة : جلسي ...

رانيا جلسات فالجنب وهي مزيرة على راسها وباغا غير امتا ترجع بينما عيسى شرب دواه وتبعو الماء وهو كيشوف فيها حتى كمل عاد هضر بحدة : شنو كنبان ليك أنا ؟؟

رانيا بعدم فهم : مفهمتش؟؟

عيسى : واش باغا ديريني تحت سباط ولا تحسبيني من نوع ديال رجال لي مافيه حتى حس الرجولة ولا كنبان ليك ديوثي ولا شنو ...

رانيا بسرعة حركات راسها بلا وقالت : لا لا ماشي هادشي راك فهمتيني غلط ... راه شر

عيسى قاطعها وهو نايض لعندها بزربة حتى قفزها ومع تحنى لمستواها ويد حاطها على ظهر الفوطوي ويد مسرحها نطق بهمس خلق فيها الرعب من الداخل : ماشي حيث ما عاقبتكش من قبل تقولي هادا ساهل ودغيا نقنعو بهضرتي وأسبابي التافهة ... راه لي غلط فحقي كيخلص ... ونتي راك (شدد على ديك الكلمة) مراتي وفذمتي ... يعني خاصكي ديري داكشي لي كنقول ليك ... وهادشي ماشي انا لي قلتوو وانما لي خلقك ... مابقاتش انك تكوني مؤمنة غير بالفم حتى بالافعال حيث كون كنت من النوع لي مزير معاك راه (طلعها ونزلها بعين) انش واحد من شعرك مايبانش ولبسك كولو يتغير ولكن انا عاطيك وقت باش تقتانعي منك لراسك وتاخدي رضى الله وطبقي داكشي لي فرض عليك ولكن نتي مكطبقي حتى حاجة من هادشي ولا ومن الفوق زايدة فيه وكتبرري بسبب تافه ميمكنش يتقبلو العقل ... خايفة ... مناش ... من علاقتنا ... من يوم يومي وانا مخليك على راحتك اما كون جيتي فشيء واحد مكبووت راه تكوني مرتو مايهتم لا لمشاعرك لا لزمر غيدوز عليك الصراط ولايني انا حاشا ولله واش نديرها حيث الله وصانا بالمرأة وانا قايم بهاد الوصية لا بالنسبة ليك نتي لا بالنسبة لأمي ولا بنتي ولا ختي ... داكشي علاش غادي طبقي هادشي لي غادي نقول دابا وبدون نقاش ...

رانيا ودموعها دايزين فصمت مكتافية فقط انها تسمع وتفكر فهضرتوو لي صحيحة مئة فالمئة ... وماعندها ماتناقش فيها ... ايلا صلاتها ومكتصليهاش كيفاش دابا غفلات على هاد الجانب وكتسمي راسها مؤمنة ...

عيسى بتحذير : ممنوع عليك تخرجي من هنا ... ماكلتك اتوصلك حتى ديري عقلك ... وبخصوص خدمة لي كتقلبي عليها مكاين لاش ... انا موفر ليك كلشي ... ماغادي تحتاجي لوالو ..

يالاه بغى يمشي ويخليها ناضت شدات فيه وهي كتبكي بجهد وكتحرك راسها بلا : منقدرش نبقى محبووسة ... عفااك خليني نطلع لفوق ... وكنواعدك ماغاديش نعاود نتصرف بتهور ...

عيسى ببرود سحب يديها من ذراعوو وقال ببرود : انا ماحابسكش هنا وانما عاطيك فرصة باش تصلحي ذاتك ولا بغيتي تمشي (خوا ليها طريق ) سيري ...

شافها واقفة وهو يرفع من صوتو وقال بحدة : يالاه طلعي وديري لي بغيتي علاش واقفة (بالغوات) شنو كتسناي ؟؟

#يتب...ع
توقعاتكم وارائكم البنات فاي بارت قريتووه