أحببت زوج أختي 🩸مكتملة🩸

🩸الجزء 104🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 104 📿

رانيا رجعات لبلاصتها جالسة فوق داك الفوطوي وساكتة ومكتهضرش نهائيا ولا كدافع على راسها كيف مولفة من قبل ... بالعكس بقات غير كتشوف قدامها بهدوء ...

عيسى جاتو هاد ردة الفعل فشكل ... خصوصا انه عارفها من النوع الطايش ولي دغيا كتجاوب ودافع على راسها واخا تكون غالطة ... وبقلة حيلة تنهد تنهيدة طويلة ومشى باتجاهها وجلس فوق الطبلة لي مقابلة مع الفوطوي وشاف فيها بشوفات هادئة وقال : ماقلتش ليك هادشي باش تشوفي راسك خايبة بالعكس أنا ...

رانيا هزات فيه راسها ببرود وقالت : فهمت قصدك ... أنا غلطت ودابا غادي نتعاقب على داكشي لي درت بدون ما نعتارض ...

عيسى بتساؤل : وعلاش دايرة هاد الحالة فراسك ؟؟

رانيا بدلات الموضوع دغيا وقالت سؤال ثاني : شحال خاصني نبقى هنا ؟؟

عيسى دوز يديه على شعرو وقال بحدة : مادويش بحالا انا حابسك هنا بزز ... نتي ختاريني تبقاي هنا حيث معتارفة بالغلط لي درتي ... وبخصوص شحال اتبقاي (وهو مشدد على كلماتوو) حتى تباني ليا درتي عقلك ... وديك ساعة تقدري طلعي لفوق ...

رانيا وهي مخبية يديها ومزيرة عليهم بقبضة قاسية كاتمة فيها ألمها : ألاء ميمكنش ليها تبقى بوحدها ...

عيسى قاطعها بحدة : هي ماشي بوحدها ... باباها معاها ... ولكن مرة مرة غادي نزلها لعندك تشوفيها ...

ناض جامع الوقفة وشاف فيها لاخر مرة من بعد طلع للدار الفوق يشوف بنتو ويقابلها ومنها نيت يتكلف بموضوع داك الشخص لي كان ناوي على الغذر ... وماحدو هنا اذن عائلتوو فخطر داكشي علاش ضورها فراسو مزيان ولقى بلي فكرة انو رانيا تبقى فالغرفة السرية احسن من انها تخرج ويوقع ليها شيء حاجة ومنها نيت تفكر فأغلاطها وتحاول تصلح ذاتها وتبدل ...

عند سارة ...

كيف بان ليها الاخ في الله كيميل باش يطيح شهقات وهي حاطة يديها على فمها و ديك العصية باش ضرباتوو طاحت هي وداك خونا فنفس الوقت ... وبصدمة حطات يديها على فمها وهي خايفة من فكرة انها تكون قتلاتوو ...

عكس موسى لي كان مبرد وغير سلخ كلشي ولقى فرصة فين يهرب مشى باتجاه سارة لي كتشوف غير فخونا لي سخفان ... ونوعا ما جاتو فشكل ... علاش باقا واقفة هنا ومهرباتش بجلدها ولايني هادشي يخليه من بعد ...

وبهدوء شد فيديها كيف ديما (سيد ولف خخخ) ومشاو كيجريو حتى وصلو للبلاصة فين بلاصى سكوتر ... طلع موسى هو الاول من بعد تبعاتوو سارة طالعة موراه ويديها كيرجفوو