أحببت زوج أختي 🩸مكتملة🩸

🩸الجزء 118🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 118 📿

كان جالس ويديه محطوطين على ركابيه وعيونو مسدودين وشعرو مخربق ... صوت الصقيل كيتسمع فالغرفة حتى تسمع داك الصوت الخفيف إثر عنقو لي كيطرطق ... رانيا بدون ما ترمش فيكسات عينيها عليه وقالت بهمس صعيب يتسمع : واش حماقيت ...

عيسى حل عيونو وبدا يضورهم فجميع الإتجاهات حتى ثبت فالجهة لي جالسة فيها رانيا وقال بتساؤل : شكون نتي ؟؟

رانيا قربات لعندو حتى خشات وجهها قدام وجهو وبدون سابق إنذار شدات حنكو بين يديها كتديه وتجيبو باش تأكد بلي هو نيت حقيقي بينما عيسى شد ليها يديها وشاف فيها بإستغراب وقال بحدة : اش كديري ؟؟

رانيا بدهشة مخلطة مع بكية وفرحة : واش بصح نتا كدوي معايا همم ؟؟ مكنحلمش ياك ؟؟

عيسى بهدوء : شكون نتي بعدا ؟؟

رانيا سحبات يديها بصدمة وهي كتشير لراسها بصباعها : واش معقلتيش عليا ... أنا رانيا مراتك ...

عيسى ببرود : مراتي ...
رانيا حركات راسها باه بزربة مكملة كلامها : اه مراتك غير حاول تفكر ... ولا عرفتي شنو ... هادشي مامسلكش خاصنا نمشيو للطبيب ...

قبل ما تسمع جوابو ناضت كتنقز تمشي تلبس ... بقى متبع ليها العين وابتسامة خفيفة مرسومة على شفايفو ولكن غير بانت ليه خارجة كتقاد زيف طويل والكسوة ... ترسمات على وجهو ملامح الدهشة والاستغراب ... واش هادي رانيا لي كيعرف ولا غير هو كيحلم ولايني بلاتي هو راه فاق البارح بليل يعني ماشي حلم وانما حقيقة ... ولكن كيفاش وقع هادشي وامتا ... وهنا بدا كيفكر فبزاف ديال الحوايج منهم يعرف شنو وقع فاش طرات ليه الحاذثة وبدون ما يتسنى كثر بغى ينوض ولكن مقدرش حيث ذاتوو منملة عليه ...

رانيا شافتوو لاح الغطاء وباغي ينوض ولكن حبس وهي تمشي لعندو حاطة يديها على كتافو وكتسولو : ياك لباس ... واش مقديتيش تنوض ...

عيسى هز فيها عينيه وهي بديك اللباس وبقى ساكت كيحقق حتى سهى فيها وهي رددات سميتو كتناديه عاد فاق من سهوتو وقال : نعام ... شنو قلتي ؟؟

رانيا دوزات يديها على شعرو بهدوء وقالت : صافي غير خليك لاما قديتيش تمشي غادي نعيط على الطبيب ديالك يجي ...

عيسى يالاه بغات تمشي وهو يشدها من يدها مرجعها لبلاصتها وقال بهدوء : مكاين لاش ... أنا بخير

رانيا ركزات الشوفة فعينيه وقالت بحدة : واش متأكد ؟؟

عيسى شد فيديها بقوة وحاول ينوض ولكن هي حاولات تحبسو بيديها مي إصرارو فأنه ينوض كان أقوى من ردة فعلها وحيث ما بيديها حيلة شدات فيه وحاولات تساعدو حتى وقف على رجليه وبقى مصمر ...

رانيا شافت فيه باستغراب وقالت : واش تقدر تمشى ؟؟

عيسى بعزم : بلاتي ... غنحاول ...

رانيا : غير رجع تجلس علاما نعيط على الطبيب ونرجع ولا نعيط على العساس يجي يهزك ...

عيسى هز فيها حاجب ونزل لاخر وقال بحدة فنفس الوقت : واش انا دري صغير ...

رانيا حركات راسها بلا وقالت : ماقصدتش هاكا ... مهم ماعلينا حاول تزيد خطوة للقدام وانا غنشد فيك ...

عيسى صغر عينيه وقال بدهشة : شيء حاجة فيك ماهياش...

رانيا ابتاسمات فوجهو وكرزات بيديها على ظهرو وهي كتقول بمرح : ياك قلتي مبقيتيش عاقل عليا ؟؟

عيسى تبسم بجنب وقال : ماتقولينيش شيء حاجة ماقلتهاش (زاد خطوة لقدام وهي حاضية معاه) انا سولتك شكون نتي ... ماشي ماعقلتش عليك

رانيا بتساؤل : على ماشي نفس الحاجة ؟؟ كنضن لي كيكون عاقل على شيء حد ما كيسولش على سميتو ؟؟

عيسى بهدوء : ايوا هانتي قلتيها سميتوو ماشي شكون هو ...

رانيا اشارت ليه بعينيها يزيد خطوة ثانية وقالت : من امتا ونتا فايق ؟؟

عيسى ببرود : غير صباح ...

رانيا هزات فيه راسها ونطقات بهمس : علامن كتكذب دابا ؟؟

عيسى : علاش انكذب ؟

رانيا ببرود : لا مشينا على الافتراض ديالك ... ماشي من المنطق الانسان غير يحل عينيه من غيبوبة دعام وينوض يجلس بحالا ما واقع والو ...

عيسى ما شد والو من هضرتها من غير ديك كلمة عام لدرجة مقدرش يتيق واش بصح بقى ناعس لمدة عام كامل مخلي عائلتوو فخطر من واحد المختل عقليا كان قريب يأذي بحياتوو للموت ...

#يتب...ع