أحببت زوج أختي 🩸مكتملة🩸

🩸الجزء 101🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 101 📿

... قدامي ...

كلمة وحدة قالها بصوت هادئ ... مخبي فيه بزاف ديال المشاعر المتضاربة فداخلو ... شيء حاجة كتخنقو مخلياه ماباغيش يتقبل هاد المشهد مرتو مع راجل اخر وفنفس الطبلة راه مستحيل يدوزها ... وكيف ناضت رانيا وخرجات وبغى يتبعها ريك شنق عليه عيسى مرجعو لبلاصتوو بعنف وغضب وكلشي مجموع عليه من بعد نطق بنبرة تهديد واضحة : نهار نشوفوك كضور بساحة مراتي (ضغط على الكلمة) غادي يكون هاداك اخر نهار فحياتك ...

ريك سكت وماجاوبوش حيث اصلا رانيا ماخلات ما قالت ليه باش يبعد عليها قبل ما يتدخل عيسى ويفرتك الجقلة ... وبشوفات نارية ميق فيه لاخر مرة وزاد تابعها هي لي كانت كتسناه على برا وغير شافتوو شداتوو من ذراعو وهي كتحاول تستلطفو باش يسمعها ويفهم علاش جات لهنا ...

رانيا بترجي : سمعني غير هاد المرة عفاك ...

عيسى تنهد تنهيدة طويلة وقال بحدة فنفس الوقت : كان عليك تقولي ليا فالوقت لي سولتك ولا ياكما نسيتي بلي راكي مزوجة ...

رانيا حركات راسها بلا بزربة وقالت: ماشي هكاك حيث باغا نعيش هانية حيث مزوجة بغيت نوضح حد لصداقتي معاه

عيسى بانفعال : وراه مكاين شيء حاجة سميتها صداقة بين بنت ودري واش مكتفهميش ...

رانيا وهي مأيدة هضرتو : وراه متافقة معاك ولكن أنا ...

عيسى بعصبية : نتي شنو ... نتي شنو ...

رانيا : بغيت نعيش معاك حياتي بلاما نهز الهم لشيء حاجة تخرج ليا من جنب وتفارقني معاك ... بغيت نعيش كاي مرة مزوجة بلاما نفيق شيء نهار ونجي لعندك ونقول ليك (سكتات)

عيسى بقلة صبر : اشنوو غادي تقولي ؟؟

رانيا وهي عاضة على شفايفها : طلقني ...

تقدم لعندها بعيون جامدة ويديه فجيابوو ماباغيش يدخل فدماغو ديك الهضرة لي كتقول وببرود قال : عاودي شنو قلتي ؟؟

بدون ما تشوف فيه زيرات على قبضة يديها ورددات جملتها وهي كارزة على الحروف : طلقني ... هاد الكلمة ماباغاش نوصل لديك اللحظة لي نقولها ليك بنفسي ... طفولتي كلها دازت وانا كنسمع أمي ديما كتقولها لبابا ولكن انا مبغيتش نكون بحالها ... داكشي علاش خاصني ندير حد لمشاكل بحال هادو باش مايوقعش ليا نفس الشيء ... (هزات فيه عينيها) فهمتيني شنو بغيت نقصد ؟؟

عيسى ضار عاطيها بالظهر وهو كيحاول يفهم هاد المخلوقة كيفاش كتفكر ... وهنا فين صدقو ناس فاش قالو بلي كلشي يمكن تغيرو الا عقلية الانسانية ولا بغيتي تفهمها خاصك تعاشرها والمدة لي دازت بيناتهم ماشي طويلة باش يفهمو بعضهم حيث كاع الوقت عيسى دوزهم فالخدمة ورانيا فالقراية ...