أحببت زوج أختي 🩸مكتملة🩸

🩸الجزء 39🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 39 📿

كلشي وقف بلاصتوو وعينيهم على عيسى مكرهووش ياكلووه فديك اللحظة الا واحد منهم لي مشى جيهة خونا لي تعطب وعاونو باش يوقف بينما عيسى رمى ديك العصى فالارض وشاف فالشخص لي كان كيدوي معاه بكل ثقة وحدة : دقتي ردتيها ودابا تقدر تحرك ...

الشخص : بان ليا مفهمتيش ...

اشار لواحد من رجالو بعينيه هاد الاخير لي فهمو ومشى نيشان لطونوبيل ديال عيسى وبالظبط فالجنب فين جالسة رانيا ولايني قبل ما يوصل لعندها لقى راسوو مليوح بعيد من ديك الجرة لي دار ليه عيسى ...

عيسى شاف فدوك ثلاثة ديال الطونوبيلات ديالهم وقال : اشمن وحدة ؟؟؟

الشخص ابتاسم بجنب وبرضى واشار ليه للسيارة الاولى يركب فيها ... عيسى عطاه بالظهر وشاف فرانيا لي غير مبلقة عينيها على الجهد ويديها على فمها ما فاهمة والو ...

النظرة لي شافتوو موجهها ليها والطريقة باش رفع حاجبو كانه كيوصل ليها رسالة خاصها تفهمها ... فيكسات عيونها فعيونو وهي كتحاول تقرا شنو بغى يوصل ليها وغير شافتوو هبط عينيه بحالا باغي يرمش عرفاتوو كينعت ليها لشيء حاجة كاينة فالطونوبيل وقبل ما تزيد تكتاشف حاجات كثر لقاتو عطاها بالظهر وزاد راكب مع دوك الرجال ...

شيء حاجة فالداخل ديالها خلاتها تبغي تهبط تعاونو ولكن عددهم كثير وماغاديش تقدر تحررو من بين يديهم اللهم تستاغل ذكائها وتكون واعية بالخطوات لي كدير حيث هاد رجال لي شافت اليوم ما معاهم لعب ويقدرو ينفيوها لا هي لا هو ...

بقات حاضية طيفهم وهوما غاديين محركين لبعيد حتى مبقاوش كيبانوو عاد تكعدات ماسحة وجهها من دموع ومحيدة داك شال لايحاه لور وراجعة بلاصة السائق ... وحيث ديجا تعلمات السوقان فاش كانت كتقرا برا من عند الاصدقاء لي كيقراو معاها اليوم جابتها الفرصة فين تبين داكشي لي تعلماتوو ...

لمحات تيليفون عيسى محطوط وهي تهزو عند بالها بلي هاداك هو لميساج لي بغى يوصل ليها فاش شاف فيها بدوك الشوفات ... وكيف بغات دخل ليه لقات فيه الكود ... لعنات حضها وكلاخها وبدات تفكر فاشنو يكون داير لمود باص ...

كتبات عيد ميلاد ختها والو ماطلعش ليها كتبات عيد ميلاد ألاء او والو ... بقات كتنهد على ديك الحالة وكل شوية تجرب كلمة فشكل مرة سميتو مرة سمية خديجة مرة سمية ألاء ولكن والو مبغاش يتحل وهادشي لي زاد عصبها كثر ... وغير طاحت عليها فكرة انها تدمج الاسماء كاملين بديال ختها وديال ألاء قدرات تحلوو وتعرف بلي مودباص تيليفونو هو KhadijaAlae ...