أحببت زوج أختي 🩸مكتملة🩸

🩸الجزء 62🩸

🩸أحــبــبــت زوج أخــتــي🩸

   بقلم: ✍🏻 YOUSRA ANGEL  ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

         📿 بارت 62 📿

عيسى دوز يديه على شعرو وبقى غادي جاي بلاصتوو : اشمن كيبغيك ولا زمر ... راه معصية هاديك الشريفة ...

رانيا غير كتشوف وساكتة ...

عيسى كيعبر بيديه ومرة مرة يدوز يديه على شعرو : واش عارفة اشنو هي معصية ولا حتى هي نشرحها ليك ...

رانيا بنفخة : عارفة ...

عيسى : ايوا البرهوشة ديك المعصية لي بغيتي تبداي فيها دابا فالاخير تقدر تولي زنى وعاد مع واحد ماشي مسلم كملات ...

رانيا : وايلا سلم وبغى مزال يبقى معايا ... اشنو ندير ديك ساعة نجري عليه ...

عيسى زاد لعندها باغي يوريها الاسلام على حقو ساعة تراجع فاش شافها خافت ورجعات بلور مخبية وجهها حتى لصقات مع الحيط : راه لا جيت ندوي وندقق فتصرفاتك ... ماغاديش نسكت ... انا ابنت الناس عطيت كلمة لواليديك بلي ما حدك هنا ماغادي يقيصك حد وغادي تمشي غير تقرااي ...

رانيا هبطات يديها كترمش بدوم العينين تاع المشة وقالت : وراه حتى انا جيت غير باش نقرا ... هو ...

عيسى : خليني نكمل بعدا ...

رانيا سكتات كتسنط وما دواتش ...

عيسى بحدة : عقلتي اش وقع معاك ديك مرة ... وشنو سبب غير حيث بقيتي تايقة فدوك صحابات لي معاك واستهنتي بهم حيث قلتي فراسك واخا نعايرهم ما يقدرو يديرو ليا والو حيث خايفين مني ... كاينة ولا ماكايناش ...

رانيا بهمس : كاينة ...

عيسى : واش وقع فلخر ... جابو ليك شمكار على قدو ب (سكت )

رانيا عرفاتوو ماباغيش يجرحها وهي تهبط راسها للارض ومزيرة على يديها ماعرفتش علاش هضرتوو قصحاتها واخا راه عارفاها صحيحة ...

عيسى طلعها ونزلها وعاد تفكر واحد القضية الشيء لي خلاه يزير على يديه ويتنهد بقلة صبر : وندويو دابا على لباسك ... واش نتي نصرانية ...

رانيا لا رد ...

عيسى بالغوات : وجااااوبي ...

رانيا حركات راسها بلا وهي باقية مهبطاه ...

عيسى : ومني لا علاش معرية لحمك ... لي داز يشوفك ... لي داز يتش ( عض على شفايفوو كاتم ديك الكلمة وقال ) أستغفر الله العظيم ...

رانيا : راه غير حيث كنت مزروبة حيث مشى عليا الحال ومارديتش البال ...

عيسى بانفعال : بناقص منها هاد لقراية لي تخليك انا تخرجي بحال هاكا فهمتي ...