🩸أحــبــبــت زوج أخــتــي🩸
بقلم: ✍🏻 YOUSRA ANGEL ✍🏻
#مــاذا__لــو__أحـبـك__سجين__وأصبحت__أنت__حريته🔥🕊️
📿 بارت 29 📿
فتحات فوهة فمها ما متيقاش شنو كتشوف ولا شنو كتعيش ... واش هادا نفسوو الشخص لي خدمات معاه او واش هادي هي شخصيتوو الحقيقية ... من ديما كان كيبان ليها شخص رزين ومكيديرش الخطوة الا لا تاكد منها انها فمصلحتوو وكلشي عندو بالتاويل ولكن شنو لي تبدل فجاة فهاد اللحظة ... واش لهاد الدرجة موت مرتو أثرات عليه وخلاتوو يولي شخص ثاني ماكيكبحش غضبو فالداخل ديالو كيف سابق عهدو ...
عيسى زير على كل كلمة كيخرجها من فمو ويدو كذلك كتزير على عنقها : نتي لي جاوبتيها ...
افنان ضربات على يديه ضربات خفاف وقالت : خرف عليا راه كتخنقني ....
عيسى ما تسوقش لشنوو كتقول وبقى كيزيد يزير على عنقها : اشنوو هاد الجراة كلها لي عندك ... ما صدقتش ليك انا فالبلان وليتي ضوري بحوايجي ...
افنان وسعات عينيها وهي فاهمة شنو بغى يقصد ليها بكلاموو وبتردد نطقات : ش نو ب اغي تق صد ؟؟
عيسى غمض عينيه مزير عليهم ولعروقة ديال راسوو كيحس بهم كيزدحوو من قوة الاعصاب : تجاوبي ولا نعرف بطريقتي ؟؟
افنان حطات يديها على عنقها كتماصيه بشوية وترد فيها النفس حيث تخنقات بالبيان : من امتا وليتي همجي بحال هاكا اعيسى ...
عيسى شاف فيها بعيون قاتلة لدرجة الشوفة فوجهوو ولات كتخلعها وتخلق فيها الرعب : جوابك ...
بلعات ريقها بصعوبة والخوف متملكها ... دابا واش تعاود ليه شنو كاين ولا تخبي عليه ... وفالاخير غادي يعرف كيف قال ليها مي بطريقتوو ... ونهار ايعرف ديك ساعة ايكون اكفس نهار اتعيشوو ...
افنان : كنعتاذر حيث هزيت شيء حاجة ماشي ديالي ... وي عندك الحق فهادي غلطت ولكن راه كان كيصوني بزاف دالمرات ... وخفت تكون شيء مشكلة داكشي باش جاوبت ...
عيسى زاد لعندها مغدد حتى رجعات هي بلا هواها لخطوات لوور مرددة جملتها : عارفاك اتكون معصب من الجيسط لي درت ولكن راه ما شعرتش براسي حتى جاوبت ... سمح ليا مكنتش قاصدة ...
عيسى هز يدو خابطها مع الحيط لي من موراها وقال بحدة : اش قالت ؟؟
افنان هزات فيه عينيها بعدم فهم : نعام
عيسى بصوت عالي وفيه نبرة الغضب : مراتي اش قالت ليك ؟؟؟
افنان بدات تغبن وطيح فدموع التماسيح بلعاني باش يحن فيها : كنقسم ليك بلي ما قالت والو غير قلت الو وهي تقطع الخط دغيا ...
عيسى هز سبابتوو حاطها ليها فجبينها وضاغط عليها بكل قوة : نعرفك كذبتي فشيء حاجة من هادشي لي قلتي ديك ساعة ايكون ليا معاك حساب اخر
أنت تقرأ
أحببت زوج أختي 🩸مكتملة🩸
Romance💎مكتملة💎 قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥 بينما فالجانب الاخر مراتو كتكون عايشة معاه مع...
