أحببت زوج أختي 🩸مكتملة🩸

🩸الجزء 100🩸

🩸أحــبــبــت زوج أخــتــي🩸

بقلم: ✍🏻 YOUSRA ANGEL ✍🏻

#مــاذا__لــو__أحـبـك__سجين__وأصبحت__أنت__حريته🔥🕊️

📿 بارت 100 📿

ديك اللحظة بالظبط وقف الوقت عندهم بجوج ... ما فاهمينش شنو واقع وكيفاش هادشي وقع ؟! ولكن الغلطة غلطة وخاصها تحبس وبدون ما يهضرو مع بعضياتهم ناض موسى هو الاول مخلي سارة جامدة فبلاصتها وعقلها تالف لبعيد هنا الاخ استغل الفرصة وقلب ساك هز منو شنو بغى دارو فجيبو وعاد قشع الفوطة الصحية وهنا عرف علاش كانت ماباغاهش يحل ساك ويشوفو ...

وبهدوء سد ساك مرجعو ليها حدا راسها وضرب خرج من السرجم بنفس الطريقة لي دخل منها ... غير حسات بالبرد تحرك حتى زعزعها ناضت كتقلب بعينيها على صاحب دعوتها ولكن مالقاتووش وبسرعة ناضت اتجاه النافدة وطلات بشوية بان ليها خارج مع ضار وشاف باتجاهها هي تخبات لداخل وهي حاطة يديها على صدرها لي تهز ...

ديك اليد نفسها لي كانت كتحاول تهدن قلبها باش يخفف من وثيرة ضرباتوو طلعات بدون شعور لشفايفها كتقيص فيهم وكتحسسهم بهدوء وديك لقطة ديال التقارب بيناتهم كتعاود ليها فدماغها بحال الشريط ... وماشعرات براسها غير مخلية لمخيلتها المجال تسرح بعيد وتخيل راسها راه مراتوو ... ولكن داك الحلم ما طولش بزاف فاش عاقت باشنو كدير لدرجة بدات تصرفق فراسها باش توكد وفنفس الوقت مخاطبة راسها بحدة ...

سارة : فين مشى عقلك اسارة فين ... نتي وهاد المخلوق مستحيل تجمعكم شيء حاجة من غير المصلحة وحتى لو تزوجتي به راه غير على قبلك عائلتك وصافي (ضوراتها فراسها وشنو كانت باغا دير قبل مايجي موسى عاد قالت) هادي لا كان اخر حل ليا هو نتزوج به ...

وبدون ما ضيع الوقت هزات داكشي لي فالأرض جمعاتوو فساكها ولبسات كاسكيطة عاد نزلات كتسلت من سرجم وهي حاضية لا تفلعص رجليها ولا يديها ... وغير كملات وقاصو صباعها الارض ضحكات بحماس ومشات كتجري جهة داك صبرديلة لبساتها بالخف من بعد عطات رجليها للريح وخرجات متوجهة للشارع وغير بان ليها طاكسي شيرات ليه حتى وقف وركبات ... غير تحرك الطاكسي تبعاتو واحد الطونوبيلة سوداء كلها زاج فيمي ومكايبان فيها حد حتى من السائق هويتو مجهولة وماطريكول ديالها مخبي وماباينش فمرة ...

داز الوقت ...

وقفات الطاكسي قدام واحد الكلوب مشهور ... صوت الموسيقى مطلوق على الجهد واخا صباح ... والداخل منو كثر من الخارج ... هبطات سارة وهي كتشوف فجنابها وكتعاود ضور الفكرة لي عرضات عليها صديقتها وتاكد واش مزيانة ليها ولا لا مي غير تفكرات وضعية عائلتها وهي توكد ودخلات كتقلب على ديك الفاعلة خير عند بالها راه اتعرض عليها مبلغ مالي باش تسدد دين ولايني هي كانت كتسناها باش تعرض عليها تخدم معاهم تما وديجا هضرات مع لباطرون وكانو كيتسناوها غير تجي ...